Kigali

FPR igiye kwemeza abo yifuza ko bazayibera abakandida mu matora y’ Abadepite

Amakuru   Yanditswe na: Nsanzimana Ernest 8 July 2018 Yasuwe: 1212

Kuri uyu wa 8 Nyakanga abanyamuryango b’ ishyaka FPR inkotanyi riri ku butegetsi mu Rwanda barenga 2000 bateraniye muri Nama ya Biro Politiki iremerezwamo urutonde ntakuka rw’abakandida mu matora y’Abadepite ateganyijwe muri Nzeli 2018. Hasigaye iminsi ine ngo Komisiyo y’ amatora itangire kwakira kandidatire z’ abifuza kuba abadepite.

Itegeko Nshinga rya Repubulika y’u Rwanda riteganya ko Inteko Ishinga Amategeko Umutwe w’Abadepite ugizwe n’imyanya 80 ariko ihatanirwa n’imitwe ya politiki ni 53, indi 24 igenewe abagore, ibiri igenewe urubyiruko, undi usigaye ukajyamo uhagarariye abafite ubumuga.

Ku bw’ibyo, buri mutwe wa politiki usabwa gushyikiriza Komisiyo y’amatora urutonde rw’abazawuhagararira. Iyi Nama ya Biro Politiki irayoborwa na Perezida Paul Kagame akaba na Chairman wa FPR Inkotanyi.

Mu minsi ishize FPR Inkotanyi yasoje igikorwa cyo gushaka abakandida mu turere twose, buri karere katoye abakandida bane barimo abagore babiri n’abagabo babiri bashyikirizwa umuryango ku rwego rw’igihugu, ukaba ariho haza kuvamo abatangazwa ku rutonde ntakuka rw’abazawuhagararira mu matora.
FPR Inkotanyi iyoboye igihugu, niyo inafite ubwiganze mu badepite bari gusoza manda. Kuri iyi nshuro hari n’indi mitwe ya poltiki yifuje kuzifatanya na FPR mu matora y’abadepite.

Biteganyijwe ko Komisiyo y’igihugu y’amatora izatangira kwakira kandidatire ku wa 12- 25 Nyakanga; kwiyamamaza bigatangira ku wa 13 Kanama kugeza ku wa 1 Nzeri 2017; naho amatora akaba ku wa 2 Nzeri 2018 ku Banyarwanda batuye muri Diaspora naho abari imbere mu gihugu bagatora ku wa 3 Nzeri 2018.















Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

‘Perezida Kagame yabajijwe niba Afurika itangiye gushyira hamwe’

Paul Kagame, Perezida w’ u Rwanda akaba n’ Umuyobozi w’ Afurika yunze ubumwe...
13 October 2018 Yasuwe: 2673 1

Kuyobora Francophonie: ‘Iyo ntabibonamo akamaro gafatika ntabwo nari...

Umunyarwandakazi Louise Mushikiwabo watorewe kuba Umunyamabanga Mukuru wa...
13 October 2018 Yasuwe: 1190 0

Louise Mushikiwabo, ubutumwa yagenewe na Jeannette Kagame ngo bwamukoze ku...

Kimwe n’ abandi Banyarwanda benshi n’ abanyamahanga, Jeannette Kagame,...
13 October 2018 Yasuwe: 4957 0

Mu magambo y’ Igifaransa Perezida Kagame yagaragaje uko yakiriye intsinzi ya...

Ku mbuga nkoranyambaga zitandukanye by’ umwihariko Twitter isanzwe ikoreshwa...
12 October 2018 Yasuwe: 7253 3

Louise Mushikiwabo atorewe kuyobora OIF ku bwiganze bw’ amajwi

Umunyarwandakazi Louise MUSHIKIWABO niwe utorewe kuyobora umuryango w’iihugu...
12 October 2018 Yasuwe: 4214 3

Olivier Nduhungirehe yasubije ibibazo by’ amatsiko kuri OIF na Kandidatire...

Mu gihe habura amasaha make ngo habe amatora y’Umunyamabanga w’Umuryango...
11 October 2018 Yasuwe: 1571 0