Kigali

Gitifu wa Rubavu yategetse ko umukozi uzajya atanga serivisi nabi azajya ahita yirukanwa

Amakuru   Yanditswe na: 26 December 2016 Yasuwe: 1917

Gitifu w’Akarere ka Rubavu, Nsabimana Sylvain, avuga ko nta muntu wakagombye kwimwa serivisi mu gihe cyose yujuje ibisabwa, ngo umukozi uzajya utanga serivisi nabi agomba guhita yirukanwa.

Ibi yabivuze nyuma y’uko bamwe mu baturage mu Karere ka Rubavu bakunze gutunga agatoki abayobozi babarangarana ntibabakemurire ibibazo, rimwe na rimwe ngo bakabarebana agasuzuguro.

Urwego rukunze gutungwa agatoki ni urushinzwe serivisi z’ubutaka muri aka karere. Umwe muri aba baturage yagzie ati “Njye maze hafi umwaka wose niruka ku byangombwa by’ubutaka kandi ari ubwanjye, usanga abakozi bo mu butaka ubagezaho ikibazo bakakureba, bakagusuzugura, ni ikibazo duhuriyeho turi benshi”

Umunyamabanga Nshingwabikorwa w’Akarere ka Rubavu, Nsabimana Sylvain, avuga ko ibi bidakwiye, ngo umuturage uzajya wimwa serivisi ajye amenyesha abayobozi bari ku rwego rwisumbuye na we arimo.

Ati “Mwuzuze ibisabwa, ubundi umukozi nakwima serivisi mutubwire, uwo muntu uyikwimye nugaruka ntuzongera kumusanga muri ibyo biro, ibyo biro babyicayemo kubera ko muhari. Ku muryango munsi ya nimero ze haba hari nimero uba ugomba guhamagara igihe utanyuzwe na serivisi uhawe n’umukozi, icyo gihe mpita muhamagara akaza yiruka akansobanurira, na we uhari uhita uthana igisubizo kikunyuze”

Uyu muyobozi ariko avuga ko hari ubwo umuntu ashobora kwimwa serivisi kuko atujuje ibisabwa akaba ashobora kubishyira ku buyobozi.

Bimwe mu byo abaturage bakunze kwinubira mu guhabwa serivisi harimo kubwirwa ngo bagende bazagaruke, inama z’urudaca z’abakozi aho abaturage bajya kubaka serivisi buri gihe bakavuga ko bari mu nama ndetse n’abakozi batanga serivisi bibereye kuri telefoni.

Mu myanzuro y’inama ya 14 y’igihugu y’Umushyikirano 2016, harimo ujyanye n’imitangire ya serivisi, ugira uti “Gukomeza kunoza imitangire ya serivisi mu nzego za Leta no mu bikorera, abahabwa servisi mbi bakabyanga kandi bakabigaragariza ababishinzwe kugira ngo bikosorwe”.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Uruzinduko rwa Perezida Lungu rusigiye iki u Rwanda

Perezida wa Zambia Edgar Lungu wasoje uruzinduko rwe i Kigali yatangaje ko...
22 February 2018 Yasuwe: 638 0

Kongera ibyo kurya bigenewa impunzi za Kiziba ntibiri hafi aha

Ishami ry’umuryango w’abibumbye ryita ku mpunzi (UNHCR) rirahamagarira...
22 February 2018 Yasuwe: 720 1

Uganda: U Rwanda ruhagarariwe na Minisitiri Musoni mu nama y’ abakuru b’...

Musoni yahagarariye Perezida Kagame mu mwiherero w’abakuru b’ibihugu bya EAC...
22 February 2018 Yasuwe: 1304 0

Perezida Kagame yakiriye mugenzi we Edgar Lungu [AMAFOTO]

Kuri uyu wa Gatatu, tariki ya 21 Gashyantare 2018 Perezida Paul Kagame...
21 February 2018 Yasuwe: 1643 0

Guverineri Mureshyankwano yakomoje ku gafuti yakoze ari umwana yibuka...

Ni umunyapolitiki uzwiho ubuhanga bwo kuganiriza abaturage ayobora abaha...
20 February 2018 Yasuwe: 4188 0

U Rwanda ntirutewe ubwoba n’igitutu cya Amerika isaba kugarura...

Leta y’U Rwanda yatangaje ko ititeguye kugarura ubucuruzi bwa...
19 February 2018 Yasuwe: 1394 0