Kigali

Impunzi za Congo ziri mu Rwanda ‘amahitamo yarazigoye’ – Mushikiwabo

Amakuru   Yanditswe na: Nsanzimana Ernest 13 March 2018 Yasuwe: 1438

Guvernoma y’ u Rwanda yatangaje ko impunzi za Repubulika iharanira Demukarasi ya Congo ziri mu Rwanda icyatumye zigaragambya atari uko Ishami ry’ Umuryango w’ Abibumbye ryita kumpunzi ryagabanyije ibiribwa kuko atarizo zonyine zagabanyirijwe ibiribwa.

Umuvugizi wa Guverinoma y’ u Rwanda Minisitiri w’ Ububanyi n’ Amahanga n’ Umuryango w’ Afurika y’ Iburasirazuba Louise Mushikiwabo yavuze ko izi mpunzi zimaze imyaka 22 mu Rwanda zabuze amahitamo.

Yavuze ko u Rwanda rwatanze amahirwe ku mpunzi za Congo zikeneye ubwenegihugu bw’ u Rwanda abenshi muri izi mpunzi bakanga guhabwa Ubunyarwanda ku mpamvu Mushikiwabo avuga ko zumvikana kuko izi mpunzi zavugaga ko zizasubira iwabo muri RDC.

Minisitiri Mushikiwabo avuga ko izi mpunzi zabuze amahitamo kuko zashatse kuba Abanyarwanda, Abanyekongo n’ impunzi icyarimwe.

Yagize ati “Ntibasubiye iwabo ntibabaye Abanyarwanda. Ikibazo cyabayeho cyo kuba uriya muryango ushinzwe impunzi wa Loni waragabanyije ibyo kurya icyo ni ikibazo kiri rusange. Ni ikibazo ariko ntabwo ari ikibazo cyatuma impunzi zigaragambya kuri buriya buryo ndetse hakazamo n’ amahane akomeye harimo no gutera abashinzwe kubarinda”

Yakomeje agira ati “Abenshi muri ziriya mpunzi barashaka kuba abanyarwanda kuko hari abatse indangamuntu y’ u Rwanda, bagashaka no kuba Abanyekongo kuko bashaka gusubira iwabo, bagashaka kwitwa impunzi bashaka kujya mu bihugu byo mu mahanga nk’ Iburayi n’ Amerika. Urumva rero nta muntu waba ibintu bitatu amahitamo yarabagoye”

Minisitiri Mushikiwabo yavuze ko impunzi zo mu nkambi ya Kiziba zigumuye zikanagumura izindi ari ‘abashatse ikarita y’ ubuhunzi hakoreshwa sisiteme y’ umushinga w’ irangamuntu Leta igasanga bafite irangamuntu y’ u Rwanda.’

Mu mpera z’ ukwezi gushize nibwo impunzi za Congo zigera kuri 800 zigaragambije zisohoka inkambi ya Kiziba muri Karongi zivuga ko zishaka gusubira iwabo. Icyo gihe polisi y’ u Rwanda yakemuye iki kibazo zimwe muri zo zishaka kuyirwanya nk’ uko yabitangaje ngo byatumye izigera ku 8 zihasiga ubuzima izindi zitabwa muri yombi.

Amakuru yatangajwe n’ ishami ry’ umuryango w’ abibumbye ishami ry’ u Rwanda ni uko nyuma y’ izi mvuru muri iyi nkambi hongeye kugaruka ituze.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Minisitiri Uwacu yagaragaje ko afite impano yo kuririmba [VIDEO]

Minisitiri w’ Umuco na Siporo Uwacu Julienne yaririmbye agace gato k’...
23 September 2018 Yasuwe: 102 0

Protais Musoni yavuze impamvu Afurika biyigora gushyira hamwe n’ ubwo imaze...

Umuyobozi wa Pan- African Movement mu Rwanda Protais Musoni yavuze ko...
23 September 2018 Yasuwe: 267 0

Rwamagana: Umudugudu ufite abaturage bose batanze mituelle wahembwe igare...

Umuyobozi w’umudugudu w’Umunini Hagenimana Déo yahembwe igare rishyashya...
22 September 2018 Yasuwe: 715 0

Guverineri Gatabazi yanenze akagari kananiwe kwinjiza mu nyubako umuriro...

Umuyobozi w’ intara y’ amajyaruguru JMV Gatabazi yagaye ubuyobozi bw’ Akagari...
21 September 2018 Yasuwe: 624 0

Pan African Mouvement irateganya kwagura ibikorwa byayo bikagera ku rwego...

Umuyobozi w’Umuryango ugamije kubohora Abanyafurika (Pan African...
21 September 2018 Yasuwe: 145 0

Ingabire Victoire yavuze ko adafite ubwoba bwo kongera gufungwa

Ingabire Victoire Umuhoza, umuyobozi w’Ishyaka FDU Inkingi ritemerewe...
21 September 2018 Yasuwe: 6213 2