Kigali

Itsinda ry’abadepite muri Namibia basuye inteko y’u Rwanda

Amakuru   Yanditwe na: Iyamuremye Janvier 26 September 2017 Yasuwe: 172

Inteko ishinga amategeko y’u Rwanda yakiriye itsinda ry’abadepite baturutse mu gihugu cya Namibia, baje kurebera ku Rwanda uburyo rwakoresheje mu guteza umugore imbere. Perezida w’umutwe w’abadepite wakiriye iri tsinda avuga ko kuba abanyamahanga baza kwigira ku Rwanda, biha igihugu amahirwe yo gutanga umusanzu mu kubaka ibindi bihugu.

Itsinda ry’aba badepite ryabanje kugirana ibiganiro na komisiyo ya politiki, uburinganire n’ubwuzuzanye bw’abagore n’abagabo mu iterambere ry’igihugu, basobanurirwa uburyo hashyizweho amategeko ateza imbere umugore, harimo itegeko ry’ubutaka n’itegeko rigenga izungura, aha uburenganzira umugore ku mutungo.

Aba badepite bo muri Namibia kandi bakiriwe na perezida w’umutwe w’abadepite madame Mukabalisa Donatille uvuga ko kuba abanyamahanga baza kwigira ku Rwanda ari ishema. Yagize ati, "Kuri twebwe twumva ari agaciro gakomeye, kandi umusanzu tuba dutanze wo kubereka ibyo twabasizeho baba bashima, bibashije gushyirwa mu bikorwa n’ahandi hose mu bindi bihugu, byaba ari umusingi ukomeye cyane, kugira ngo Afrika ibashe gutera imbere, kugira ngo abanyafurika bose, ari abagore ari abagabo, ari abakobwa ari abahungu babashe kugira uruhare mu iterambere ry’igihugu, nta kuvuga ngo hari bamwe badafite ubwo burenganzira cyangwa se badafite n’izo nshingano."

Aba badepite bavuga ko bahisemo kuza mu Rwanda kubera ko ari cyo gihugu cya mbere gifite umubare munini w’abagore mu nteko ishinga amategeko, aho bavuga ko ibi byihutisha iterambere ry’umugore kuko ahagarariwe, kandi hagatekerezwa ku mategeko amurengera. Bavuga ko bungutse byinshi bateganya gushyira mu bikorwa nibasubira mu gihugu cyabo, birimo gutegura ingengo y’imari iha amahiwe ibitsina byombi.

Aba badepite bari mu Rwanda kugeza ku wa 29 z’uku kwezi banasuye ingoro ndangamateka y’urugamba rwo guhagarika jenoside yakorewe abatutsi yubatse ku kicaro cy’ingoro yinteko ishinga amategeko.

RBA

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Dr GAHAKWA Daphrose yavuze ko nta wamurega agasuzuguro kuko atitabye...

Umuyobozi wungirije w’ikigo cy’igihugu cy’ubuhinzi n’ubworozi (RAB), Dr Gahakwa...
14 October 2017 Yasuwe: 5503 2

Adeline Rwigara arashaka umwunganizi wunganiye Ingabire Victoire

Ku nshuro ya Gatatu abaregwa bose :Diane Shima Rwigara,Adeline Rwigara na...
12 October 2017 Yasuwe: 6051 0

“Dushake umwanya wo kuganira ku burere bw’abana” J. Kagame

Jeannette Kagame umufasha wa Perezida w’ u Rwanda Paul Kagame yasabye...
11 October 2017 Yasuwe: 826 0

MINALOC yabeshyuje amakuru avuga ko Meya Mupenzi yeguye agatabwa muri...

Minisiteri y’ ubutegetsi bw’ igihugu kuri uyu wa 11 Ukwakira 2017 yatangaje...
11 October 2017 Yasuwe: 4085 2

Lt Col Munyengango yagizwe umuvugizi w’Ingabo z’u Rwanda

Lt Col Munyengango Innocent yagizwe umuvugizi mushya w’Ingabo z’u Rwanda, RDF...
10 October 2017 Yasuwe: 2896 0

Umuryango wa Rwigara mu Rukiko n’umwuganizi basubikishije urubanza

Kuri uyu wa Mbere tariki 9 Ukwakira 2017, Adeline Rwigara , Anne Rwigara...
9 October 2017 Yasuwe: 5535 2