Kigali

Minisitiri Nyirasafari yakomeje abasore babuze inkwano ababwira ko kutayigira atari igisebo

Amakuru   Yanditswe na: Nsanzimana Ernest 26 November 2018 Yasuwe: 3622

Minisitiri w’Umuco na Siporo, Nyirasafari Espérance yatangaje ko ubushobozi buke budakwiye kuba impamvu ibuza abantu gushyingirwa ngo ntibafite inkwano cyangwa amafaranga yo gukoresha ubukwe buhenze, ibi byose ngo kutabigira si igisebo ababyeyi bakwiye korohereza abana babo ku kijyanye n’ inkwano.

Ubu butumwa yabutangiye mu Karere ka Ngororero, ubwo yifatanyaga na ko mu imurikabikorwa kukwimakaza ihame ry’uburinganire. Ubuyobozi bw’Akarere ka Ngororero bwasezeranyije imiryango isaga 140 yabaganaga bitemewe n’amategeko, nka kimwe mu bifasha kubahiriza ihame ry’uburinganire.

Minisitiri Nyirasafari yavuze ko mu bitera abantu benshi kubana batarasezeranye byemewe n’amategeko hashobora kuba harimo no kuba inkwano ihanitse mu gihe mu muco nyarwanda yari ikimenyetso cy’ubumwe hagati y’imiryango igiye gushyingiranwa.

Yagize ati: “ Inkwano ntikwiye kuba inzitizi yo gutuma abantu bataza imbere y’umwanditsi w’irangamimerere ngo bigaragaze amategeko abamenye. Nagira ngo mbabwire ko inkwano atari itegeko, mu mategeko y’u Rwanda iyo tuvuze gushyingiranwa nta na hamwe bigomba kubaho ari uko hatanzwe inkwano. Iyo itabonetse nta bwo bikwiriye kubuza ko ubukwe butaha.”

Minisitiri Nyirasafari yasabye abategura ubukwe burenze ubushobozi bwabo kubihagarika kuko bidakwiye. Nk’ uko Imvaho Nshya yabitangaje Nyirasafari yagaragaje ko ubushobozi buke budakwiye kuba imbogamizi mu ishyingirwa.

Yagize ati “Niba hari igihari mugisangire ariko niba nta gihari twe kumva ko ari igisebo, mu mategeko ntaho byanditse ndetse no mu muco ntaho biri ko niba udafite ibyo byose udashobora gushyingirwa”.

Abavuga ngo muzafata inguzanyo mukore ubukwe bikwiye guhagarara, urubyiruko rwikwishyira aho ubushobozi bwarwo butagera kandi n’imiryango n’abaturanyi tubibafashemo.

“Ababyeyi tugomba kubyumva gutyo ntitubangamire abashaka gushyingiranwa igihe bujuje ibisabwa n’amategeko, ntihakagire inzitizi y’ubushobozi ibaho.”

Ubushakashatsi bwakozwe n’Inteko Nyarwanda y’Ururimi n’Umuco mu 2017, bwagaragaje ko mu mitegurire y’ubukwe nyarwanda harimo ibibazo byinshi birimo gusesagura umutungo aho ababutegura batumira abantu batagira umubare, bisaba kubatangaho ibya mirenge mu kubagaburira, gukodesha no gutaka aho bubera, gukodesha amatorero asusurutsa ibirori byose bitwara akayabo.

Ahanini ngo ibi bishingiye ku rwiganwa aho umuntu yigereranya na runaka wakoze ubukwe buhenze nyamara batari ku rugero rumwe bigatuma hari abishora mu nguzanyo z’amabanki, biteza ubukene imiryango bidateye kabiri, bigakurura amakimbirane no gusenyuka kw’ingo.

By’umwihariko mu Ntara y’Iburasirazuba n’iy’Iburengerazuba hagaragajwe ibibazo by’umwihariko byo guhenda kw’inkwano n’ibisabwa umuryango w’umukobwa kugira ngo ubukwe butahe. Mu duce tumwe na tumwe tw’Intara y’Iburasirazuba nka Nyagatare inkwano irahanitse ku buryo atari buri musore wabasha kuyigondera.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Amb. Kanyamashuli Kabeya Janvier wari Umudepite yeguye

Nyuma y’amezi 6 atowe mu badepite bari kuri rutonde rw’abakandida b’ishyaka...
13 March 2019 Yasuwe: 6929 1

Imyanzuro y’Umwiherero wa 16 w’Abayobozi b’Inzego zitandukanye z’Igihugu...

Kuva ku itariki ya 9 kugeza ku ya 11 Werurwe 2019, mu Karere ka Gatsibo...
12 March 2019 Yasuwe: 2923 0

Ibibazo biri hagati y’Ubuganda n’u Rwanda birenze intambara y’amagambo: Amb...

Mu kiganiro n’abanyamakuru cyabaye uyu munsi Minisitiri wa Leta muri...
12 March 2019 Yasuwe: 6996 2

Huye: Gusana Umujyi, Itongo rya Gicanda, Ingoro ya Muvoma, Mukura, byinshi...

Hari hashize imyaka igera kuri ine ubuyobozi bw’Akarere bufashe icyemezo cyo...
3 February 2019 Yasuwe: 5575 0

Inama y’Abaminisitiri yongereye umushahara wa mwalimu na manda ya Guverineri...

Inama y’Abaminisitiri idasanzwe yateranye kuri uyu wa 28/01/2019 yazamuye...
29 January 2019 Yasuwe: 12862 10

Menya byinshi ku buzima bwa Perezida Kagame n’abakinnyi avuga ko...

Perezida wa Repubulika akaba n’umuyobozi wa Afurika yunze ubumwe (AU) Paul...
22 December 2018 Yasuwe: 7131 0