Kigali

Ndatimana wamugariye ku rugamba yavuze ukuntu yataye ishuri ajya kubohora u Rwanda

Amakuru   Yanditswe na: Nsanzimana Ernest 4 July 2017 Yasuwe: 1600

Ndatimana Mustafa wakomerekeye ku rugamba rwo kubohora igihugu, avuga ko yataye amashuri aho yigaga mu wa gatandatu w’amashuri yisumbuye yinjira igisirikare.

Imyaka 23 irashize FPR - inkotanyi ihagaritse jenosode yakorerwaga abatutsi ikabohora u Rwanda, kugira ngo bigerweho byasabye ubwitange bwa bamwe mu bari bakiri bato, bemeye gusiga ibyabo n’ubuzima bwabo, kugira ngo bagarure amahoro no kwisanzura mu Banyarwanda.

Benshi basize ubuzima mu rugamba rwo kwibohora, abandi baba ibimuga ubuzima bwabo bwose, ariko icyo baharaniye kigerwaho.

Ndatimana ni umwe muri bo. Yacitse akaboko nyuma yo guta umuryango we n’amashuri, ariko iyo asubiramo iyo nkuru ubona nta kwicuza bigaragara ku isura ye kuko aba yisekera.

Avuga ko impamvu yamuteye kwinjira igisirikare ari ibibazo byari mu gihugu atitaye ku ngaruka yahura nazo.

Agira ati “Kubera ibibazo byari mu gihugu sinitaye ku ngaruka nahura nazo kimwe n’izo umuryango wanjye wari guhura nazo biramutse bimenyekanye.”

Nk’ uko KT dukesha iyi nkuru yabitangaje Ndatimana wakomerekeye muri uru rugamba aho yacitse akaboko, avuga ko aticuza igikorwa yakoze kuko byagiriye akamaro Abanyarwanda.

Asaba urubyiruko gutera ikirenge mu cyabo bagakomereza aho bagejeje.

Mugenzi we Karemera Aron nawe wakomerekeye ku rugamba aho yacitse akaguru, avuga ko ubusanzwe mu buzima bwe agira urubyiruko inama zo gukunda igihugu.

Ati "Ubusanzwe negera urubyiruko nkarugira inama zo gukunda igihugu no kugiteza imbere. Mfite abana 12 harimo n’abiga muri kaminuza. Umwe muri bo yinjiye igisirikare kubera gukunda igihugu."

Munezero Alphonse ukuriye inama y’igihugu y’urubyiruko mu Karere ka Ruhango, avuga ko kuri urubyiruko rukwiye kurebera ku bitanze bakabohora igihugu kuko icyo gihe banganaga nkabo.

Ati "Urugamba rw’amasasu rwararangiye igisigaye ni uguteza imbere igihugu nabo ubwabo biteza imbere kuko urugamba rw’amasasu rwararangiye."

Umuyobozi w’Akarere ka Ruhango Mbabazi Francoix Xavier, asaba urubyiruko kurebera ku bayobozi b’ingabo bariho ubu kuko mu myaka 23 ishize nabo bari bakiri urubyiruko abasaba gutera ikirenge mu cyabo.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Guverineri Mureshyankwano yakomoje ku gafuti yakoze ari umwana yibuka...

Ni umunyapolitiki uzwiho ubuhanga bwo kuganiriza abaturage ayobora abaha...
20 February 2018 Yasuwe: 3856 0

U Rwanda ntirutewe ubwoba n’igitutu cya Amerika isaba kugarura...

Leta y’U Rwanda yatangaje ko ititeguye kugarura ubucuruzi bwa...
19 February 2018 Yasuwe: 1303 0

Perezida Kagame yatangaje uko intambara zihora Sahel zarangizwa

Perezida w’ u Rwanda Paul Kagame kuri ubu uyoboye Umuryango w’ ubumwe bw’...
18 February 2018 Yasuwe: 1981 1

RDC yashyikirijwe imibiri y’ingabo zayo zaguye mu mirwano yazihuje n’iz’u...

Kuri uyu wa Gatandatu tariki ya 17 Gashyantare, 2018 Repubulika Iharanira...
17 February 2018 Yasuwe: 3590 0

Perezida Kagame yaganiriye na Moussa Faki mu nama iri kubera mu...

Perezida wa Repubulika Paul Kagame uri mu gihugu cy’Ubudage yagiranye...
17 February 2018 Yasuwe: 430 0

Ruswa ishingiye ku gitsina iri hejuru mu bigo bya Leta

Mu bagore 100 batse akazi muri Leta 96 babwiye abashakashatsi ba...
16 February 2018 Yasuwe: 1368 6