Kigali

Nyarugenge: Urubyiruko rwasabwe kuzagira uruhare mu matora y’ abadepite

Amakuru   Yanditswe na: Nsanzimana Ernest 17 June 2018 Yasuwe: 476

Abasore n’ inkumi bo mu karere ka Nyarugenge basabwe bakazitabira amatora y’ abadepite ateganyijwe muri Nzeli uyu mwaka, ababyumvise biyemeza kujya kubishishikariza bagenzi babo.

Hari mu nteko y’ inama y’ urubyiruko ruhagarariye urundi mu karere ka Nyarugenge yateranye kuri uyu wa 16 Kamena 2018.

Umuyobozi w’ akarere wungirije ushinzwe imibereho Myiza y’ Abaturage Jean Marie Vianney Ndayisenga yasabye urubyiruko kuzitabira amatora y’ abadepite kandi bakanabishishikariza bagenzi babo kwitabira ibikorwa by’ amatora.

Yagize ati “Icyo dusaba urubyiruko uruhare rwabo mu matora y’ abadepite rurakenewe. Turabasaba gushisyikariza bagenzi babo kuzitabira amatora kuko nk’ urubyiruko ijwi ryabo rirakenewe”

Gakuru Sada, komiseri w’ imiyoborere mu nama y’ igihugu y’ urubyiruko yavuze ko impamvu urubyiruko rutitabira amatora ngo rube rwaniyamamariza imyanya y’ ubuyobozi ari ukutigirira icyizere ariko ngo bakomeje ubukangurambaga.


Gakuru Sada

Ati “Urubyiruko impamvu rititabira amatora abenshi baracyafite umuco wo kuvuga ngo naribaruje byararangiye, gutora ni ibya ba papa. Ntabwo bafite umuco wo gukunda igihugu, ubushize byari hasi cyane ariko kubera ubukangurambaga tubona bigenda bihinduka”

Perezida wa Repubulika y’ u Rwanda Paul Kagame mu minsi ishize yigeze gusaba urubyiruko kujya muri politike. Sada avuga ko impamvu urubyiruko rutajya muri politiki ari ukutigirira icyizere.

Yagize ati “Abenshi ntabwo bigirira icyizere baziko hari abantu baremewe kuba bajya mu myanya y’ ubuyobozi. Baziko umuntu wize hanze wabayeho neza ko ariwe uzaba mu buyobozi. Tugerageza kubumvisha ko na H.E nawe yari urubyiruko bityo ko bakwiye kugera ikirenge mu cye”

Niyonkuru Philbert , uhagariye ihuriro ry’ urubyiruko ruri muri FPR mu karere ka Nyarugenge yavuze ko impamvu urubyiruko rutitabira ibikorwa bya politiki ariko umwanya munini ruwukoresha ibyo yita ko bitafite umumaro.

Ati “Usanga umwanya munini tuwuha betting, kumenya ngo amakipe ari burye, ugasanga umwanya munini turawuha ibitaramo kandi twakabaye tuwukoresha ibindi bidufiye umumaro”

Niyonkuru avuga ko uretse no kuba urubyiruko rurangarira mu mipira rukabura umwanya wo gukurikirana politiki ngo nabo babe bayijyamo ngo nabo ntibafite umwanya wo kwitekerezaho ari nabyo bibatera ubushomeri.

Uru rubyiruko ruhagarariye abandi rwiyemeje kugira intego no gukora cyane kugira ngo rwubake u Rwanda rwibuza. Uru rubyiruko rwiyemeje kuseza imihigo ku kigero cy’ 100%.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umukozi w’ akarere ka Rwamagana wishimiye intsinzi y’ akarere kabo mu buryo...

Kuri uyu wa 9 Kanama 2018 nibwo hatangajwe uko uturere twarushanyijwe kwesa...
10 August 2018 Yasuwe: 5674 1

Perezida Kagame yarakariye abayobozi bategera abaturage ngo ntibashaka...

Perezida w’u Rwanda Paul Kagame yanenze bikomeye abayobozi batandukanye...
9 August 2018 Yasuwe: 2307 0

Ibyemezo by’inama y’abaminisitiri yateranye ku wa Gatatu tariki ya 08 Kanama...

None ku wa Gatatu, tariki ya 08 Kanama 2018, Inama y’Abaminisitiri yateranye...
9 August 2018 Yasuwe: 3214 0

Abakandida 521 nibo bazatorwamo abadepite 80, abigenga babaye...

Komisiyo y’amatora (NEC) yatangaje ko mu bantu 539 batanze kandidatire zabo...
6 August 2018 Yasuwe: 1085 0

Perezida Kagame yamaze ubwoba abatinya kujya mu gisirikare ngo...

Perezida w’ u Rwanda Paul Kagame akaba n’ umutoza w’ ikirenga w’ Abanyarwanda...
5 August 2018 Yasuwe: 4594 0

Perezida Kagame agiye gusoza itorero rya 11 ry’ abiga mu mahanga

Perezida Kagame ubwo yasozaga itorero ry’Indangamirwa ry’umwaka ushize...
5 August 2018 Yasuwe: 1211 0