Kigali

‘Perezida Kagame yabajijwe niba Afurika itangiye gushyira hamwe’

Amakuru   Yanditswe na: Nsanzimana Ernest 13 October 2018 Yasuwe: 2965

Paul Kagame, Perezida w’ u Rwanda akaba n’ Umuyobozi w’ Afurika yunze ubumwe yabajijwe niba kuba Louise Mushikiwabo yatorewe kuyobora Francophonie bisobanuye ko Afurika itangiye gushyira hamwe.

Iki kibazo yakibajijwe na TV 5 Monde nyuma y’ uko Umunyarwandakazi wari Minisitiri w’ Ububanyi n’ amahanga atorewe kuyobora Francophonie.

Perezida Kagame yagize ati “Bifite akamaro kandi ni ingenzi ko Afurika yakomeza kwishyira hamwe, kandi turabibona ko ariko bimeze. Afurika iravuga ijwi rimwe kandi niko byakabaye bigenda no kuva mbere. Bigirira akamaro abaturage bacu mu bukungu, imibereho myiza na politiki. Ni ingenzi cyane”

Mu bihe byatambutse uyu mugabane waranzwe no kudashyirahamwe aho buri gihugu kirebaho ubwacyo. Kuva yagera kuyobozi bwa AU Perezida Kagame akunze kumvikana ko Afurika yagira ijwi rimwe kandi ikishakira ibisubizo ku bibazo ifite idategereje amahanga. Perezida Kagame avuga ko uyu mugabane ufite amahirwe ahagije yawufasha kwiteza imbere.

Mu kiganiro yahaye abanyamakuru amaze gutorwa Louise Mushikiwabo yavuze ko yiyamamaje ari umunyarwanda bidatinze agahita ahinduka umukandida w’ Afurika kandidatire ye imaze gushyigikirwa na AU.

Uyu mubyeyi yazengurutse mu bihugu 29 asaba ko byamushyigikira agatorerwa kuyobora Francophonie birangira abigezeho. Abaye umunyarwanda wa mbere utorewe kuyobora OIF ni amateka akomeye ku Rwanda no kuri Afurika niko Perezida yabitangarije kuri Twitter yishimira intsinzi ya Louise Mushikiwabo.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Higaniro

    Nta na rimwe African Union izagira UBUMWE.Kuba bumvikanye bagatora Mushikiwabo,ntibizababuza gukomeza kuba Nyamwigendaho.Ikibazo Africa ifite,ni CORRUPTION n’intambara zihoraho.
    Hera iruhande rwacu.Ubuse M7,Kabila,Nkurunziza,etc...kuki batagiye muli iriya nama???
    Ubuse abadutera,ntabwo baturuka muli DRC na Burundi??Nta bumwe buzigera bubaho.Batoye Mushikiwabo kubera ko gusa FRANCE yabibategetse.Nta kindi.

    3 months ago

Inzindi nkuru

Mu Burundi,Gitega yahinduwe umurwa mukuru wa Politiki mu gihe Bujumbura...

Umujyi wa Gitega uri hagati mu Burundi ugiye kuba umurwa mukuru wa politike...
21 December 2018 Yasuwe: 3698 0

Perezida Kagame yagizwe umuyobozi w’umwaka muri Afurika

Ikinyamakuru cyandikirwa ku mugabane wa Afurika ariko kikaba ari umutungo...
20 December 2018 Yasuwe: 1858 1

Ifoto yakunzwe:Perezida Kagame yagaragaye ari hagati ya Perezida w’Ubumwe...

Perezida Paul Kagame kuri uyu wa Kabiri yitabiriye Ihuriro rya Afurika n’u...
19 December 2018 Yasuwe: 5303 0

Umuvugizi wa FDLR umutwe wiganjemo abagize uruhare muri Jenoside yakorewe...

Uwari Umuvugizi wa FDLR,LaForge Fils Bazeye, umutwe wiganjemo abagize...
17 December 2018 Yasuwe: 3205 0

‘Kugira urubyiruko rudafite inzozi ni nko kugira ibimasa ugategereza...

Umuyobozi w’ Itorero ry’ Igihugu Edouard Bamporiki yagaragaje ko Perezida...
14 December 2018 Yasuwe: 1254 0

Hejuru ya 80% ingengabitekerezo ya Jenoside yaragabanutse mu myaka 20...

Umunyamabanga Nshingwabikorwa wa Komisiyo y’igihugu yo kurwanya Jenoside...
14 December 2018 Yasuwe: 470 0