Kigali

Perezida Kagame yagaragaje ko Abanyarwanda bafite ibizabageza ku iterambere bifuza

Amakuru   Yanditswe na: Nsanzimana Ernest 18 December 2017 Yasuwe: 205

Perezida w’ u Rwanda Paul Kagame kuri uyu wa Mbere tariki 18 Ukuboza 2017, ubwo yatangizana inama y’ igihugu y’ umushyikirano yagaragaje ibyo iterambere rirambye Abanyarwanda bifuza kugeraho bizashyigiraho.

Yagize ati “Dufite amahirwe, turifite, dufite ubushake, dufite imyumvire ku buryo twakomeza gukorera kuri politiki nziza dukoresha kandi dukorera abanyarwanda bose, ibi nibyo byatugeza ku majyambere twifuza”.

Umukuru w’ igihugu yakomeje avuga ko kugira ngo u Rwanda rugere aho rwifuza ruzakorana n’ ibindi bihugu.

Ati “Twakomeza ayo mahirwe dukorera hamwe tugamije kuzamura imibereho y’abanyarwanda, dukorana n’abandi mu karere dutuyemo, dukorana neza n’abaturanyi ndetse dukorera hamwe no kuri uyu mugabane wacu wa Afurika kugira ngo twese tugere ku byo twifuza”.

Gukorana n’ ibindi bihugu byanakomojweho na Minisitiri w’ ububanyi n’ amahanga n’ umuryango w’ Afurika y’ Iburasirazuba Louise Mushikiwabo aho yagaraje bimwe mu bikorwa u Rwanda rwagezeho rufatanyije n’ abanyamahanga.

Minisitiri Mushikiwabo yavuze ko igishushanyo mbonera cy’ umugi wa Kigali cyakozwe n’ u Rwanda rufatanyije na Singapore naho ibitaro by’ Butaro bivura indwara ya kanseri bikaba byarubatswe n’ umuganga w’ umunyamerika.

Perezida Kagame yibukije Abanyarwanda ko umwaka utaha wa 2018 hateganyijwe amatora y’ abadepite abagaragaza icyizere ko abanyarwanda bazayitabira akagenda neza.

Ati “Ndasaba abanyarwanda kwitegura amatora ari imbere, amatora y’abagize Inteko Ishinga Amategeko kugira ngo abantu bazayitabire batekereza, barebamo ibyo byose tugomba gukora […] ndibwira ko bizagenda neza nk’amatora yandi tuvuyemo.”

Inama ya 15 y’ umushyikirano yitabiriwe n’ abagera ku 2000 barimo abanyarwanda n’ abanyamahanga.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ntaribasoba ngo yumvise aruhutse ubwo Nguzumubira yiregaga ko ariwe...

Umukecuru witwa Adele Ntaribasoba n’ umugabo witwa Nguzumubira Gabriel...
20 April 2018 Yasuwe: 1224 0

Abagore baragaya bagenzi babo bigometse ku bagabo babo babyita...

Abagore bo mu ntara y’iburasirazuba bavuze ko hari bagenzi babo bumvishe...
20 April 2018 Yasuwe: 518 1

Gitifu wa Nyabihu yasezeye ku mirimo

Ngabo James Umunyamabanga Nshingwabikorwa w’Akarere ka Nyabihu yasezeye ku...
18 April 2018 Yasuwe: 2692 0

Abasenateri basuzumye amategeko agenga ibigo bya Leta

Abasenateri bahuriye mu nteko rusange y’igihembe kidasanzwe yari yatumiwemo...
17 April 2018 Yasuwe: 435 0

Busabizwa niwe meya w’ agateganyo w’ umugi wa Kigali

Nyuma y’ uko Nyamulinda Pascal wari Umuyobozi w’ umugi wa Kigali yeguye mu...
16 April 2018 Yasuwe: 5273 1

Dr Gahakwa Daphrose na Dr Cyubahiro Bagabe birukanywe burundu muri...

Minisitiri w’Intebe, Ngirente Dr Edourad, yasezereye burundu mu mirimo ya...
12 April 2018 Yasuwe: 2865 0