Kigali

Perezida Kagame yavuze inyungu ziri mu bufatanye bwa Afurika na BRICS

Amakuru   Yanditswe na: Nsanzimana Ernest 27 July 2018 Yasuwe: 1398

Perezida w’ u Rwanda akaba n’ umuyobozi w’ Umuryango w’ Afurika Yunze ubumwe Paul Kagame yavuze ko hari inyungu nini ku mpande zombi mu bufatanye bwa Afurika na BRICS kandi nibikomeza ubu bufatanye ari bwo buzaha umurongo ubukungu no mu myaka iri imbere.

Yabivugiye mu nama y’ihuriro BRICS iri kubera Sandton mu mugi wa Johannesburg kuri uyu wa Gatanu tariki 27 Nyakanga 2018.

Perezida Kagame yavuze ko mpamvu eshatu abona ko ubufatanye bwa Africa, abereye umuyobozi w’umuryango w’ubumwe bwayo, na BRICS (Brazil, Russia, India, China na South Africa) ari ingenzi.

Ati “icya mbere duhuriye ikiduhuje; ubuhahirane mpuzamahanga bufunguye kandi butabogamye. Icya kabiri, gukomeza ubufatanye na BRICS, bitanga inyungu zagutse zirambye n’ibyo muntu akeneye, cyane cyane umurimo ku rubyiruko rwinshi rutuye Africa.”

Perezida Kagame yavuze ko Africa ishaka gufatanya na BRICS mu nzego z’ingenzi nko guteza imbere inganda, ibikorwa remezo no kubaka amahoro n’umutekano biri mu byo Umuryango w’Ubumwe bwa Africa wimirije imbere mu kerekezo 2063.

Ati “mu by’ukuri guteza imbere inganda akamaro kabyo karumvikana muri iki gihe cy’ikoranabuhanga rigezweho.”

Icya gatatu ngo ni uko gufungura imbibi Africa ikaba isoko rimwe bitegerejweho impinduka nziza mu buryo Africa ikora uburuzi ubwayo ndetse n’uko ibukorana n’amahanga.

Avuga ko hari ihuriro rifatika ry’inyungu hagati ya Africa n’ibihugu bigize BRICS ko igikenewe ubu ari uburyo bwiza bwo gukorana mu buryo bumvikanyeho.

Ati “Nidufatanya bizakomeza kuba ishingiro ry’ubukungu n’igihe kizaza. Ndabizeza ubushake bwa Africa mu bikorwa by’ubu bufatanye.”

Inama ya munani y’ihuriro BRICS iteranye ubu iragaruka cyane ku ntambara y’ubucuruzi iriho ubu yatangijwe na Perezida Trump ku bicuruzwa byo mu bindi b’ihugu n’ishoramari ryabyo muri Leta zunze ubumwe za Amerika.

Ibihugu bigize BRICS bituwe byose hamwe na 41% by’abaturage bose b’isi, birashaka kwagura ubufatanye bwabyo mu guhangana n’iyi ntambara, ndetse ariko bikanafatanya cyane na Africa umugabane utanga ikizere mu by’ubukungu mu gihe kiri imbere kubera isoko rigari n’ubukungu buri kuzamuka.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Inama y’Abaminisitiri yongereye umushahara wa mwalimu na manda ya Guverineri...

Inama y’Abaminisitiri idasanzwe yateranye kuri uyu wa 28/01/2019 yazamuye...
29 January 2019 Yasuwe: 12035 10

Menya byinshi ku buzima bwa Perezida Kagame n’abakinnyi avuga ko...

Perezida wa Repubulika akaba n’umuyobozi wa Afurika yunze ubumwe (AU) Paul...
22 December 2018 Yasuwe: 6342 0

Mu Burundi,Gitega yahinduwe umurwa mukuru wa Politiki mu gihe Bujumbura...

Umujyi wa Gitega uri hagati mu Burundi ugiye kuba umurwa mukuru wa politike...
21 December 2018 Yasuwe: 4156 0

Perezida Kagame yagizwe umuyobozi w’umwaka muri Afurika

Ikinyamakuru cyandikirwa ku mugabane wa Afurika ariko kikaba ari umutungo...
20 December 2018 Yasuwe: 2252 1

Ifoto yakunzwe:Perezida Kagame yagaragaye ari hagati ya Perezida w’Ubumwe...

Perezida Paul Kagame kuri uyu wa Kabiri yitabiriye Ihuriro rya Afurika n’u...
19 December 2018 Yasuwe: 5922 0

Umuvugizi wa FDLR umutwe wiganjemo abagize uruhare muri Jenoside yakorewe...

Uwari Umuvugizi wa FDLR,LaForge Fils Bazeye, umutwe wiganjemo abagize...
17 December 2018 Yasuwe: 3484 0