Perezida wa Repubulika iharanira demokarasi ya Congo, Joseph Kabila yatangaje ko ashyigikiye Kandidatire ya Minisitiri w’Ububanyi n’amahanga w’ U Rwanda Louise Mushikiwabo, ku mwanya w’Umunyamabannga mukuru w’ Umuryango w’ibihugu bikoresha ururimi rw’Igifaransa (OIF).

Sponsored Ad

Perezida Kabila yabitangaje kuri uyu wa 25 Nyakanga 2018, ubwo Minisitiri Mushikiwabo aherekejwe na Dr Donald Kaberuka bagiriraga uruzinduko muri Repubulika iharanira Demokarasi ya Congo.

Uru ruzinduko Min Mushikiwabo uri kwiyamamariza umwanya w’umunyamabanga mukuru w’Umuryango w’ibihugu bikoresha Ururimi rw’Igifaransa, OIF, yarukoze mu rwego rwo kwegera ibihugu bikoresha uru rurimi, abigezaho akabigezaho gahunda afitiye uyu muryango.

Amatora y’umunyamabanga mukuru w’uyu muryango ateganyijwe mu kwezi kwa Ukwakira 2018, akazabera mu Mujyi wa Erevan mu gihugu cya Armenia.