addresiya
Kigali
startimes

Stella Ford Mugabo wahoze ari Minisitiri yahawe inshingano nshya

Amakuru   Yanditswe na: Nsanzimana Ernest 27 November 2018 Yasuwe: 2895

Madamu Stella Ford Mugabo, wahoze ari Minisitiri ushinzwe imirimo y’Inama y’Abaminisitiri yagizwe Umuyobozi w’ Ikirenga w’ Ishyirahamwe Nyarwanda rigamije Iterambere Rirambye, RISD.



Ni we mugore wa mbere ugiye kuri uyu mwanya kuva iri shyirahamwe ryibanda ku gukemura ibibazo bifitanye n’ubutaka ryashingwa mu 1997.

Umuyobozi Mukuru wa RISD, Annie Kairaba, yatangarije Business Times ko Mugabo asimbuye Prof. Silas Lwakabamba utarabashije gusoza manda ye y’imyaka itanu kubera ibibazo by’uburwayi.

Mugabo wabaye Minisitiri ushinzwe imirimo y’Inama y’Abaminisitiri kuva muri Nyakanga 2013 kugeza muri Kanama 2018, afite impamyabumenyi y’icyiciro cya Gatatu cya kaminuza mu birebana n’ubukungu n’imibereho yakuye muri Kaminuza ya Manchester mu Bwongereza.

Kairaba avuga ko ubunararibonye afite mu guteza imbere imiyoborere, gucunga imishinga, ubusesenguzi bw’amategeko n’ubushakashatsi bizagira uruhare mu gushyigikira intego za RISD.

Ati “Afite ubunararibonye haba mu nzego za leta n’iz’abikorera, kandi mu gihe igihugu cyacu gikomeje guteza imbere icyerecyezo gishingiye ku bufatanye, dutegereje ibyo ashobora gutangamo umusanzu. Twizeye ko byose bizarushaho gushimangira umusanzu wacu muri gahunda z’igihugu.”

Uretse kuba muri guverinoma, Mugabo yanakoze mu zindi nzego zikomeye zitanga umusanzu mu iterambere ry’u Rwanda zirimo Banki y’Isi, Ishami ry’Umuryango w’Abibumbye rishinzwe iterambere (UNDP), n’Umuryango w’Ababiligi ushinzwe iterambere (BTC).

Yanakoranye kandi na Banki Nyafurika Itsura Amajyambere (AfDB), Ikigega cya Leta Zunze Ubumwe za Amerika gishinzwe iterambere mpuzamahanga (USAID), Umuryango Nyafurika wita ku kongerera ubushobozi abakozi (ACBF).

Umwanya w’Umuyobozi w’Ikirenga wa RISD Mugabo azawumaraho manda y’imyaka itanu ishobora kongerwa.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Ibihuha byavugaga ko hari Abashinwa 18 birukanwe ku butaka bw’U Rwanda...

Ibinyamakuru byo muri Zambia byakwirakwije amakuru y’ibihuha avuga ko...
2 June 2020 Yasuwe: 1823 1

Perezida Kagame yihanganishije abatishimiye icyemezo cyo gusubika ingendo...

Perezida Kagame yasabye abanyarwanda kwihanganira impinduka zabaye ku...
1 June 2020 Yasuwe: 3022 0

Guverineri w’intara y’amajyaruguru yavuze amagambo yuje ukwiyoroshya asaba...

Uwahoze ari guverineri w’intara y’amajyaruguru Gatabazi Jean Marie vianney...
27 May 2020 Yasuwe: 3188 0

Nyuma ya Gen Nyamvumba, Afande Gasana na Hon Gatabazi bahagaritswe ku...

Itangazo ryavuye mu Biro bya Minisitiri w’Intebe ku mugoroba wo kuri uyu...
25 May 2020 Yasuwe: 4450 0

Uganda yemeye kurekura Abanyarwanda 176 yafunze mu buryo budakurikije...

Minisitiri w’Ububanyi n’Amahanga w’u Rwanda,Dr.Vincent Biruta yatangaje ko...
15 May 2020 Yasuwe: 1085 0

Minisitiri Biruta yatangaje impamvu Uburundi na Tanzania batitabiriye inama...

Minisitiri w’Ububanyi n’Amahanga w’u Rwanda, Dr. Biruta Vincent, yavuze ko u...
15 May 2020 Yasuwe: 2315 0