skol
Kigali
startimes

U Rwanda nta nyungu rufite mu gucumbikira impunzi z’Abarundi-Minisitiri Biruta

Amakuru   Yanditswe na: Dusingizimana Remy 12 August 2020 Yasuwe: 1528

Kuri uyu wa Gatatu tariki ya 12 Kanama 2020,Minisiteri y’Ububanyi n’Amahanga n’Ubutwererane yagiranye ikiganiro n’abanyamakuru kiyoborwa na Minisitiri Dr Vincent Biruta, akaba ari na we muvugizi wa Guverinoma aho yagarutse ku magambo ya Perezida Evariste Ndayishimiye.


Minisitiri Biruta yavuze ko u Rwanda rwiteguye gukomeza kubana neza n’ibihugu byose birimo n’ibyo mu karere ruherereyemo nubwo ibihugu birimo u Burundi bimaze kugaragaza ko nta bushake na mba bifite mu kuzahura umubano w’impande zombi.

Minisitiri Vincent biruta yahishuye ko nta nyungu zidasanzwe u Rwanda rufite mu kuba rwacumbikira Abarundi, kandi no mu bindi bihugu bahungiyemo bakiriyo ariyo mpamvu ibyo perezida Ndayishimiye yavuze ko u Rwanda rwafashe bugwate impunzi z’Abarundi.

Ati: “Nta nyungu zo kubuza impunzi z’Abarundi gutaha. Kugeza uyu munsi ntacyananiranye kuko kugira ngo impunzi zisubire mu gihugu cyazo, byaturuka ku ruhare rw’igihugu kibakira, ikizicumbikiye ndetse n’Ishmi ry’Umuryango w’Abibumbye ryita ku mpunzi”.

Minisitiri Biruta yavuze ko bitangaje uburyo perezida w’u Burundi yavuga ayo magambo ashinja u Rwanda gufata bugwate impunzi zabo.

Yasobanuye ko mbere y’iyaduka ry’icyorezo cya COVID-19 nibura mu kwezi Abarundi 200 batahaga ku bushake gusa iki cyorezo cyatumye ibi bidakomeza bityo ko u Rwanda rutagwatiriye izi mpunzi nkuko u Burundi bubivuga.

Minisitiri Biruta, ashingiye ku kuba u Rwanda ari kimwe mu bihugu byahungiwemo n’aba barundi, yavuze ko u Rwanda nta nyungu rufite mu gucumbikira aba Barundi ngo no mu bindi bihugu bahungiyemo baracyariyo.

Yavuze kandi ko mu minsi mike haraba inama irahuza ibihugu byombi na HCR yiga ku buryo impunzi z’Abarundi zibishaka zataha.

Imibare y’Ishami ry’Umuryango w’Abibumbye ryita ku mpunzi (UNHCR) igaragaza ko kugeza mu mpera za Kamena 2020, mu Karere habarurwaga impunzi z’Abarundi zirenga 430,000 .

Tanzania ni yo icumbikiye Abarundi benshi bakabakaba ibihumbi 165, Repubulika Iharanira Demokarasi ya Congo (RDC) icumbikiye 103,690, u Rwanda 72,007, Uganda 48,275, Kenya 13,800, Mozambique 7,800, Malawi 8,300, Afurika y’Epfo 9,200 na Zambia 6,000.

Minisitiri Dr Biruta kandi yavuze ku mubano w’u Rwanda na Uganda, ko batunguwe n’ibyo Uganda iherutse gutangariza mu ibaruwa iherutse kujya hanze, ishinja u Rwanda ko ingabo zarwo ziherutse kwambuka zikajya muri Uganda zigahohotera abaturage.

Minisitiri w’ububanyi n’Amahanga Dr Biruta yavuze ko ibi ari ibinyoma,ko nta n’umusirikare n’umwe w’u Rwanda wakandiye muri Uganda nk’uko babivuze.

Yavuze ko ahubwo hari abasirikare ba Uganda bagerageje kuza mu Rwanda ndetse bafata abaturage barimo n’uwo baherutse gutwara bakamurekura abanje kubaha amafaranga bari bamusabye.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Paul Rusesabagina yahishuye ko ubwo yatabwaga muri yombi yari aziko agiye...

Kuwa Kabiri tariki ya 15 Nzeri 2020, Paul Rusesabagina watangiye igifungo...
18 September 2020 Yasuwe: 5297 1

Amasaha yo kugera mu rugo yavuye Saa Moya z’ijoro ashyirwa saa...

Inama y’Abaminisitiri yayobowe na Perezida Kagame kuri uyu wa Kane tariki ya...
11 September 2020 Yasuwe: 3020 0

U Rwanda rwasabiwe gufatirwa ibihano bitewe n’ifatwa rya Paul...

MRCD-Ubumwe, Ihuriro rihuza amashyaka arwanya ubutegetsi bw’u Rwanda,...
8 September 2020 Yasuwe: 20740 2

“Hakenewe Ubucuti buzima”-Perezida Kagame abwira Uganda n’Uburundi

Nyakubahwa Perezida wa Repubulika,Paul Kagame, yaganiriye na RBA, ku ngingo...
6 September 2020 Yasuwe: 2773 0

Ben Rutabana byavuzwe ko yishwe n’u Rwanda,byemejwe ko ari muzima aho ari...

Umunyarwanda Ben Rutabana ufite ubwenegihugu bw’u Bufaransa, waburiye ku...
2 September 2020 Yasuwe: 11098 0

Minisitiri w’Ibidukikije Dr. Mujawamaliya "yihanangirije" Minisitiri...

Taliki 19/8/2020 Minisitiri w’Ibidukikije Dr. Mujawamaliya Jeane D’Arc...
25 August 2020 Yasuwe: 22974 4