Kigali

U Rwanda ruri ku mwanya wa 2 muri Afurika mu gutanga serivise nziza kandi zinoze

Amakuru   Yanditswe na: Iyamuremye Janvier 3 October 2017 Yasuwe: 207

Urwego rw’igihugu rushinzwe iterambere RDB, rutangaza ko nubwo imitangire ya servisi igenda itera imbere muri rusange, hakigaragara zimwe mu nzego zigenda biguruntege mu mitangire ya servisi ibi bikaba bibangamira iterambere ry’ubukungu bw’igihugu.

Urwego rw’igihugu rushinzwe iterambere RDB, ni hamwe usanga urujya n’uruza rw’abanyarwanda ndetse n’abanyamahanga baje bakeneye servisi zitandukanye nko kwandikisha ibikorwa by’ubucuruzi kwaka amakuru ku bukerarugendo mu Rwanda ndetse n’izindi servisi yaba izabikorera cg izijyanye n’inzego za leta.

Umuyobozi mukuru wungirije wa RDB Emmanuel Hategeka avuga ko nubwo uko iminsi yicuma ariko imitangire ya servisi igenda inoga,hakiri intera bitewe n’icyerekezo igihugu cyihaye mw’ iterambere. Yagize ati, "abikorera nibo shingiro ry’ ubukungu bw’ igihugu ari imibare tugenda tubona nuko ababagana batarishimira imitangire ya servisi babona, niyo mpamvui muri iki cyumweru cyahariwe abakiriya twongora gukangurira cyane cyane abikorera gushyiraho umwete mugutanga servisi bakumvako umukiriya cyangwa uza abagana asaba servisi ariwe utuma babaho ari nawe utuma ibyo bakora bibateza imbere."

Umuyobozi ushinzwe ubukerarugendo muri RDB, imwe mu nkingi z’ iterambere z’ u Rwanda, Kaliza Belise atangaza ko aka ari akanya ko kurushaho gutega amatwi abagana ibigo bitanga servisi mu rwego rwo kunoza imikorere bitewe nicyo ababagana bakeneye.

Servisi z’ ubuvuzi cyangwa se amabanki ni zimwe mu nzego zakomeje gutungwa agatoki mu minsi yashize mu bijyanye na servisi zitajyanye n’ icyerekezo igihugu cyihaye gusa bamwe mu banyarwanda bavuga ko zimwe mu ngamba zafashwe na reta zimaze gutanga umusaruro nubwo utaragera aho bifuza.

Icyumweru cyahariwe gutanga servisi ku bakiriya gifite insanganyamatsiko igira iti ’’Kubaka Icyizere mu Bakugana’’.

Icyegeranyo cy’ ihuriro ry’ isi mu by’ubukungu giheruka cya 2017-2018 gishyira u Rwanda ku mwanya wa 2 muri Afrika y’ iburasirazuba mu mitangire ya servisi inoze, rukaba urwa 2 ku mugabane wa Afrika naho kw’ isi rukaza ku mwanya wa 41 ruvuye kuwa 107 mu cyegeranyo cya 2014-15.

RBA

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


  • chat_bubble Eric Rwicaninyoni

    U Rwanda ku mwanya wa 2 mu gutanga servise nziza! ni kwa gutekinika Njye narugira u mu bihugu bya nyuma

    October 2017
  • chat_bubble Habimfura

    Twakabaye tuba aba mbere ni uko mu buvuzi batuvangira. Abaganga bakwiye kwikubita agashyi n’ impamo y’ Imana. Uzi kugira ngo umuntu umubaze akumva akwihorere. Aha nzaba mbarirwa ibyaganga b’ iyi minsi

    October 2017

Inzindi nkuru

Perezida Kagame yahaye ipeti rya Lieutenant abofisiye bato 180...

Perezida w’ u Rwanda akaba n’ umugaba w’ ikirenga w’ ingabo z’ u Rwanda Paul...
13 July 2018 Yasuwe: 2452 0

Abajyanama b’ ubuzima ngo bima abaturage imiti bakayicuruza muri za...

Abaturage bo mu kagari ka Mwurire mu murenge wa Mwurire mu karere ka...
13 July 2018 Yasuwe: 303 0

Ishyaka PL ryizeye ko abadepite baryo baziyongera bakaba 10

Ishyaka Riharanira Ukwishyira Ukizana kwa buri muntu (PL) ngo ryizeyeko...
12 July 2018 Yasuwe: 645 1

Umuhanzi Simple A washakaga kuba umukandida wigenga mu matora y’ Abadepite...

Habineza Jean Paul , umusore urangije Kaminuza wari muri 16 bari...
12 July 2018 Yasuwe: 697 0

Imyanzuro y’ inama y’ abaminisitiri yo ku wa 11/Nyakanga /2018

None ku wa Gatatu, tariki ya 11 Nyakanga 2018, Inama y’Abaminisitiri...
12 July 2018 Yasuwe: 1598 0

Abadepite batoye itegeko rizashyiraho umushahara fatizo usimbura umaze...

Ishinga Amategeko umutwe w’Abadepite kuri uyu wa mbere yatoye itegeko rishya...
9 July 2018 Yasuwe: 2475 0