Kigali

Umunyarwandakazi agiye guhabwa igihembo n’ umwamikazi w’ Ubwongereza

Amakuru   Yanditswe na: Nsanzimana Ernest 11 April 2018 Yasuwe: 1571

Mary Balikungeri washinze umuryango Rwanda Women’s Network (RWN) yatoranyijwe mu bazahabwa ibihembo n’ umwamikazi w’ Ubwongereza abikesha guteza imbere imibereho y’ abagore.

Balikungeri ni umwe mu bakorerabushake 53 bazahembwa n’ uyu mwamikazi uyobora umuryango w’ ibihugu 53 bikoresha ururimi rw’ Icyongereza ‘Commonweath’.

Abatoranyijwe ibihembo byabo bazabishyikirizwa mu nama y’ abakuru b’ ibihugu bigize Commonwealth izabera mu Bwongereza mu mpera z’ uku kwezi kwa Kane.

Barikungeri yashinze RWN mu 1997 agamije guteza imbere no gufasha abagore b’ abanyarwanda gukora ku ifaranga bagahindura imibereho.

Uyu muryango wafashije abarokotse Jenoside yakorewe abatutsi mu 1994, inzirakarengane z’ ihohoterwa rishingiye ku gitsina, n’ abana n’ abagore babaye nabi kurusha abandi barimo n’ abanduye agakoko gatera SIDA.

Uyu munyarwandakazi yavuze ko iki gihembo agituye abagore babaye bamugiriye ikizere bakamusangiza uko babayeho.

Yagize ati “Ndagitura abagore babaye bangiriye ikizere nkabafasha, abaterankunga, n’ abayobozi ba RWN, bakoze ubutananirwa ngo tugeze ku ntego yacu yo guhindura imibereho y’ abagore batari babayeho neza. Ndizera ko ibyo twakoze hari abo bizafasha gukora itandukaniro mu miryango babamo”

Jo Lomas uhagarariye inyungu z’ Ubwongereza mu Rwanda yavuze ko Barikungeri yabaye indashyikirwa mu gufasha abagezweho n’ ingaruka zikomeye za jenoside yakorewe abatutsi.

RWN ifasha abarenga 4000, ukorana n’ imiryango 52 ugakorera mu turere 13 mu Rwanda.

Uyu muryango umaze guhabwa ibihembo bibiri mpuzamahanga bivuze ko icyo bagiye guhabwa n’ Ubwongereza ari icya gatatu.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Perezida Kagame yaburiye Ingabire Victoire ko ashobora gusubira muri...

Perezida w’ u Rwanda Paul Kagame yakomoje ku mbabazi ziherutse guhabwa...
19 September 2018 Yasuwe: 3325 0

U Rwanda rurimo kwitegura kwakira abakuru b’ ibihugu bivuga Icyongereza

Ihuriro ry’Ubuyobozi bw’Inzego z’ibanze mu muryango Commonwealth(CLGF)...
18 September 2018 Yasuwe: 719 0

Igihe Abadepite bashya baherutse gutorwa bazarahirira cyamenyekanye

Abadepite baherutse gutorerwa kwinjira mu Nteko Ishinga Amategeko y’u Rwanda...
18 September 2018 Yasuwe: 593 0

Ingabire Victoire ngo agiye gusabira imbabazi abarimo na Diane...

Umunyapolitiki utavugarumwe n’ Ubutegetsi bw’ u Rwanda akaba n’ umuyobozi w’...
17 September 2018 Yasuwe: 4550 0

U Rwanda rwagennye ba Ambasaderi bashya muri Kenya na Mozambique

Claude Nikobisanzwe Leta y’ u Rwanda yakoze impinduka mubijyanye na...
17 September 2018 Yasuwe: 1307 1

Pan African Movement yahaye Abanyarwanda barenga 200 ubwisungane mu...

Abanyamuryango ba Pan African Movement (PAM) mu karere ka Kicukiro bakoze...
16 September 2018 Yasuwe: 204 0