Kigali

Abaguze UTC ya Rujugiro bati ‘mu bucuruzi iyo washoye neza ntuhomba’

Amakuru   Yanditswe na: Nsanzimana Ernest 3 November 2017 Yasuwe: 4470

Kigali Investment Company (KIC), yaguze mu cyamunara inzu Union Trading Center yari iya Rujugiro Ayabatwa Tribert yatangaje byinshi kuri iyi nzu birimo no kuba niyo bayimusubiza Rujugiro batahomba.

Ukwezi n’ icyumweru birashize UTC itejwe cyamunara. Iyi nzu yagurishijwe kugira ngo hishyurwe umwenda nyirayo yari abereyemo ikigo cy’ igihugu cy’ imisoro n’ amahoro RRA.

Yagurishijwe nyuma y’ igihe gito ibiciro by’ ubukode ku bibanza byayo by’ ubucuruzi byikubye kane.

Umuvugizi wa KIC Rudasingwa James yatangarije UMURYANGO ko bitewe n’ ubunararibonye bafite mu bucuruzi bw’ amazu ahenze bongeye kugarura abakiriya bari barahunze UTC bakanzwe n’ ibiciro.

Yagize ati “Ntabwo twayiguze dushaka abakiriya bari bayirimo gusa, icyo twakoze ni ukugura inzu, hanyuma tugakoresha uburambe dufite mu gucuruza amazu. Nk’ uko ubibona dufite iyi ngiyi Kigali City Market tuyimaranye imyaka irenga 5, urabona ko irimo abantu benshi ntabwo twari dufite impungege ko tuzabura abantu cyangwa se ko twahomba”

Rudasingwa yabwiye UMURYANGO ko 30% bya UTC aribyo bitarabona ababikodesha.

Yagize ati “Tugereranyije ukuntu ingana, imaze kugeramo abakiriya bangana na 70%.”

Umuvugizi wa KIC avuga ko bamaze kuyigura bashyizeho ibiciro byabo bidatukanye n’ ibyo basanze.

Avuga ko mu mafaranga bayiguze harimo ideni rya banki. Akavuga ko mu mwaka wa mbere bayifite bazanza bakishyura iryo deni.

Gusa agira ati “Kugura inzu nk’ iriya inyungu uba uyitegereje mu gihe kirekire”

KIC ivuga ko bitayorohera kumenya igihe izaba yamaze kugarura miliyari 6 na miliyoni 800 yatanze kuri UTC gusa ivuga ko niyo UTC itashobora kwiyishyurira ideni bafashe bayigura, hari andi mazu bafite bakwishyura iryo deni.

Rudasingwa yagaragarije UMURYANGO ko ibyo kuba Rujugiro avuga ko azisubiza UTC ntacyo bibabwiye kuko bari mu bucuruzi.

Ati “Twebwe ibyo dusa n’ abatanabyumva kuko turi abacuruzi. Naza akayisubirana azadusubiza ayo twayitanzeho, ni ubucuruzi. Burya mu by’ ubucuruzi, iyo washoye neza ntabwo uhomba. Ntabwo twashoye nabi rero nanayisubirana azadusubiza amafaranga twayitanzeho”

KIC ivuga ko UTC ifite imiryango yo gucurizwamo igera kuri 70. Bavuga ko muri iki gihe ntacyo benda kuyivururaho cyokora ngo igihe bizaba ngombwa ko ivururwa bariteguye.

Rudasingwa ati “Muri iki gihe ni kuriya imeze, igihe cyo kuvurura nikigera tuzaba turi tayari kugendana n’ igihe kizaba kigezweho”

KIC ivuga ko abakiriya ifite muri UTC badahagije kuko bataragera ku 100 ku 100, gusa ngo 100 ku 100 bazageraho.

UTC yahoze ari iy’ Umuherwe Ayatwa Tribert Rujugiro kuri ubu utavugarumwe n’ ubutegetsi buriho mu Rwanda. Iyi nzu yabanje gushyirwa ku rutonde rw’ imitungo yasizwe na beneyo icungwa na Leta. Yatejwe cyamura tariki 25 Nzeli 2017. Muri Kanama 2017 ibiciro ku bakodeshagamo nibwo byazamuwe kugera kuri 400%.

Kigali Investment Company yashinzwe muri 2006. Igizwe n’ abantu 10. Niyo itunze Kigali City Market ahakorera isoko rya Nyarugenge.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Mukwege

    Hanyuma se niba koko byaranyuze mumucyo kuki leta itavuga aho ayasagutse bavanyemo imisoro abitse? yunguka angahe % buri mwaka? Ibi abarundi babyita kwikwegera.

    1 month ago

Inzindi nkuru

Abashoferi 30 bakekwaho guha ruswa abapolisi batawe muri yombi

Mu ijoro ryo kuwa gatatu rishyira kuwa kane tariki ya 7 Ukuboza, ishami rya...
7 December 2017 Yasuwe: 1278 0

Umuyobozi wa BRD yirukanywe ahita asimbuzwa

Mu gitondo cyo kuri uyu wa kane tariki ya 07 Ukuboza 2017 Alex Kanyankole...
7 December 2017 Yasuwe: 1800 0

Minisitiri Kaboneka ategetse ko Perezida w’ amakusanyirizo y’ ibirayi atabwa...

Minisitiri w’ ubutegetsi bw’ igihugu umwe mu ba minisitiri batatu bateraniye...
6 December 2017 Yasuwe: 9368 4

Itegeko rirengera umuhanzi n’ igihangano cye ryateje impaka umwe ati ‘izo...

Abahanzi na bamwe mu bakoreshwa ibihangano byabo ntibavuga rumwe ku...
5 December 2017 Yasuwe: 829 4

Rwanda: Ubucukuzi butunze abantu 80 000

Urwego rw’ igihugu rushinze ubucukuzi bw’ amabuye y’ agaciro bwagaragaje ko...
4 December 2017 Yasuwe: 183 0

Umudepite yasabye ko u Rwanda rwajya ruhinga hejuru y’ amazu

Umwe mu badepite umunani bagize komisiyo y’ ubuhinzi n’ ubworozi Hon. Hindura...
1 December 2017 Yasuwe: 3089 6