startimes
Kigali
startimes

Abashyirwa mu kato bavuye hanze y’u Rwanda babwiwe amafaranga bazajya biyishyurira

Amakuru   Yanditswe na: Dusingizimana Remy 22 May 2020 Yasuwe: 4764

Mu nama y’Abaminisitiri yo ku wa 18 Gicurasi 2020 hemejwe ko Abanyarwanda n’abandi bantu basanzwe batuye mu Rwanda bazajya baturuka hanze y’igihugu bazajya biyishyurira ibyo bakeneye mu kato ariyo mpamvu ibiciro byako kato byatangajwe.


Sponsored Ad


Inama y’abaminisitiri yatangaje ko abanyarwanda n’abasanzwe batuye mu Rwanda bemerewe gutaha ariko bagahita bashyirwa mu kato aho bazajya biyishyurira ikiguzi cya serivisi bahabwa.

Uwo mwanzuro wafatiwe mu nama y’Abaminisitiri ugira uti“Imipaka izakomeza gufungwa, kereka ubwikorezi bw’ibicuruzwa. Abanyarwanda n’abandi bantu basanzwe batuye mu Rwanda bemerewe gutaha ariko bagahita bashyirwa mu kato nk’uko amabwiriza y’ubuzima abiteganya. Abari mu kato baziyishyurira ikiguzi cya serivisi zose bazahabwa.”

Nyuma y’uyu mwanzuro,Umujyi wa Kigali washyizeho amasite azajya yakira abantu bavuye mu mahanga bashyizwe mu kato n’ibiciro by’ikiguzi cya serivisi bagomba gutanga ku munsi.

Ibiciro byashyizwe hanze bigaragaza ko umuntu ashobora guhabwa serivisi zose zirimo gukorerwa isuku mu cyumba n’ibikoresho nkenerwa. Igiciro kiri hagati ya 55 000 Frw ku bifite mu gihe aboroheje ari 12 000 Frw ariko ho umuntu akiyishyurira serivisi zimwe na zimwe.

Ikiguzi cyo gucumbika muri Nyarutarama Apartment ku munsi ni 55 000 Frw, Kicukiro Apartment (55 000 Frw), Dove Hotel (45 000 Frw), Hilltop Hotel (40 000 Frw), Greenwich Hotel (25 000 Frw) na IPRC Kicukiro yishyurwa 12 000 Frw ariko umuntu akigurira ibirimo isabune, uburoso bw’amenyo, amavuta yo kwisiga n’ibindi.

Kuwa 19 Gicurasi 2020, Minisitiri w’ubuzima Dr Daniel Ngamije yabwiye RBA ko kuba Leta yafashe umwanzuro w’uko umuntu uturutse hanze azajya yiyishyurira ibijyanye n’akato byose ari uburyo bwashyizweho ngo abaturage bafatanye na Leta.

Minisitiri Ngamije yavuze ko ari ibintu bisanzwe ko Umunyarwanda agira uruhare muri serivisi zo kwa muganga ahabwa bidakwiriye kubera abantu umutwaro.

Yagize ati “Igihe kirageze kugira ngo ibintu bimwe na bimwe twakoreraga Umunyarwanda nka Leta afate umwanya wo gutanga umusanzu we. Iki cyorezo kigitangira Leta yafashe ikemezo cyo kujya yakira abantu ikabacumbikira, ikabagaburira, ikabavura kugeza bakize… Ariko ubu abantu turi kureba ni abari guturuka hanze n’u Rwanda.”

Yavuze ko abarebwa n’uriya mwanzuro ari abantu bataha mu Rwanda bavuye hanze,bityo ufashe umwanzuro akaza mu Rwanda agomba kumenya neza ko nahagera azashyirwa mu kato kandi akiyishyurira ibisabwa.

Dr Ngamije avuga ko umuntu utashye aba agomba gufata ikemezo cy’urugendo rwe azi neza ko nagera mu Rwanda azashyirwa mu kato kandi akiyishyurira ibiribwa n’icumbi.

Ibwiriza ryo kwiyishyurira ikiguzi ku byo umuntu atangwaho ari mu kato ryatangiye kubahirizwa ku wa 18 Gicurasi 2020.

Riteganya ko umugenzi wese ugeze mu Rwanda avuye mu kindi gihugu agomba gusuzumwa COVID-19; uyisanganywe agahita ajyanwa mu kigo cyita ku barwayi, mu gihe utayigaragayeho ashyirwa mu kato k’iminsi irindwi akazapimwa ku wa gatanu byagaragara ko nta virusi afite akarekurwa ku munsi wa karindwi.

Rikomeza rivuga ko umuntu azakomeza kwishyira mu kato ari mu rugo mu yindi minsi irindwi akurikiranwa n’abakozi bo mu Kigo cy’Igihugu cy’Ubuzima (RBC).

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble

    Ariko se,nkumuntu wakabaye yaratashye mbere yayamabwiriza,ariko akabura gutaha kubera ko indege zahagaze,eg nkuwarufute itike yindege ya Rwandair,ariko akabura uko agaruka,nkuwo koko ubwo ntakintu mwamutekerezaho?

    2 months ago
  • chat_bubble Mateso

    Icyo giciro se ni ku ijoro rimwe? musobanure neza?

    2 months ago

Inzindi nkuru

Umwamikazi w’Ubwongereza yashyigikiye icyifuzo cy’u Rwanda cyo kwimurira...

Umwamikazi w’ubwongereza Elizabeth wa II, yashyigikiye icyifuzo cya...
14 July 2020 Yasuwe: 6259 0

Guverinoma y’u Rwanda yatangaje igihe ingendo z’indege zitwara abagenzi...

Minisiteri y’Ibikorwaremezo yatangaje ko guhera tariki 1 Kanama 2020 ibibuga...
4 July 2020 Yasuwe: 2424 0

Nyagatare: Perezida Kagame yatashye umudugudu w’icyitegererezo watwaye...

Kuri uyu wa Gatandatu tariki ya 04 Nyakanga 2020,Nyakubahwa perezida wa...
4 July 2020 Yasuwe: 3255 1

COVID-19:U Rwanda rwashyizwe mu bihugu 14 byizewe abaturage babyo bemerewe...

Umuryango w’Ubumwe bw’Uburayi (EU/UE) watangaje ibihugu 14 uvuga ko abaturage...
30 June 2020 Yasuwe: 1256 0

Ibyiciro by’ubudehe mu Rwanda byahinduriwe umubare, inyito n’imikoreshereze

Minisitiri w’Ubutegetsi bw’Igihugu,Prof.Shyaka Anastase yavuze ko guhera mu...
26 June 2020 Yasuwe: 2288 1

Ingengo y’Imari y’u Rwanda 2020-2021 yiyongereyeho miliyari 228.6...

Minisitiri Dr Ndagijimana Uzziel yavuze ko Ingengo y’imari ya 2020-2021...
22 June 2020 Yasuwe: 902 0