Kigali

Bishop Rugagi ngo agiye kuzana indege bidatinze

Amakuru   Yanditswe na: Nsanzimana Ernest 24 October 2017 Yasuwe: 3382

Umushumba w’ itorero Abacunguwe Bishop Innocent Rugagi uherutse guhererwa impano y’ imodoka I Burayi yavuze ko yabajije igiciro cy’ indege ngo nayo azayigure.

Nk’ uko byatangajwe n’ urubuga rw’ itorero abacunguwe ubwo Bishop Rugagi yari mu Bubiligi tariki ya 18/10/2017, kubera ibyishimo n’umunezero Bishop David uyoboye Itorero ryitwa MICA ryo mu mugi wa Brussels yahagaze imbere y’abakristu, ahereza Rugagi urufunguzo rw’imodoka yo mu bwoko bwa Benze Classic c220.

Bishop Rugagi wahawe iyi modoka yatangaje ko atatangariye imodoka yahawe, ahubwo ko hari ikindi kintu cyihishe inyuma y’imodoka yatangariye kurushaho.

Yagize ati: “Sinatangariye imodoka nahawe, ahubwo natangariye Imana, kuba naratanze kontake imbere y’abakristu, nanjye bampa kontake imbere y’abakristu.”

Aya magambo Bishop yayagarutseho ashaka kwibutsa abantu uko Imana yamwituye bidatinze nawe ibyo yakoreye mugenzi we Bishop Karebu ubwo yamuhaga imodoka ngo kuko yamubwiye ko yayikunze. ubwo byari kuwa kane tariki 17/08/2017 nibwo bishop Karebu yakiriye impano ye yari yaremerewe na bishop RUGAGI Innocent.

Ubwo yaherukaga kuza kwifatanya n’Itorero Abacunguwe mu masengesho y’iminsi 120, Bishop KAREBU wo muri Congo Kinshasa yakunze imodoka Bishop RUGAGI yagendagamo ikaba ari ijipe MONTERO V6 iri mu bwoko bwa MITSUBISISHI.

Bishop Rugagi yarayimwemereye hanyuma aza kugaruka ari nabwo yahise ayimushyikiriza imbere y’abakristu be.


Bishop Rugagi ubwo yaherezaga bishop Karebu imodoka

Uku niko rero na Bishop Rugagi yagenjerejwe mu Bubiligi, yiturwa ibyo yakoreye mugenzi we Bishop Karebu.

Bishop Rugagi yagize ati: "Ntabwo umukozi w’Imana ari we ukwiriye kubaho nabi, Oya habe na gato, ahubwo ni we ukwiriye kubaho neza mbere y’abandi bose! Muvuga Ranger Rover? Ubu ngiye kuzazana indi modoka iyirenzeho, ndetse n’indege namaze kubaza ibiciro byayo. Mutegereze gato gusa.”


Imodoka ya Bishop prake 777 avuga ko uyu mubare ari ikimenyetso cya Yesu kiristu mu nk’ uko Satani afite 666

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Ndala

    Izo ngangi bazisubize iwabo.

    October 2017
  • chat_bubble GATERA Joseph

    Bishop RUGAGI arakataje mu gukunda ibyisi.Umenya atazi ko abantu bose bakunda ibyisi batazabona ubuzima bw’iteka (1 Yohana 2:15-17).Ikindi kandi abakunda ibyisi,imana ibita abanzi bayo (Yakobo 4:4).Bivuga ko batazaba muli Paradizo.
    YESU yasize adusabye "gukora umurimo w’imana ku buntu" (Matayo 10:8).Niyo mpamvu INTUMWA za YESU,iyo wazihaga amafaranga,zarakubwiraga ngo "gapfane n’ayo mafaranga yawe" (Ibyakozwe 8:18-20).YESU n’Abigishwa be,bagendaga bazura abantu,bagakiza abantu baremaye.Iyo baza kumera nk’aba ba Bishop RUGAGI bagenzwa no gushaka ifaranga,imodoka n’indege,bari kuba abakire cyane.Ariko kubera ko bakoraga umurimo w’imana ku buntu,bari abakene cyane.Abantu bose bameze nka Bishop RUGAGI,nubwo biyita abakozi b’imana,Bible ibita abakozi b’inda zabo (Romans 16:18).Ngo bereka abantu ko ari INTAMA nyamara ari IBIRURA (Wolves bearing sheep’s covering) nkuko tubisoma muli Matayo 7:15.Imana idusaba kubahunga.

    October 2017
  • chat_bubble gaston

    Nsubize habiba, murwanda barahari bafite indege, ushobora kuba utabazi,alexis afite private jet nshya,gato na gakuru bafite indege zigera muri 3 abo bose ni abacuruzi kandi batiyemera mu itangazamakuru, gusa bose ibikorwa byabo bikomeye biri hanze yurwanda

    October 2017
  • chat_bubble LAURENT NKUNDA

    nTIBISHOKA

    October 2017
  • chat_bubble kamali

    nzaba ndora ni umwana w’ umunyarwanda reka tubitege amaso

    October 2017
  • chat_bubble habiba

    Rugagi nazana indege nzahita mu kurira ingofero kuko azaba akoze ibyananiye abaherwe bose dufite mu gihugu. kugeza ubu nibwira nta muntu ku giti cye mu rwanda utunze indege. Bravo bishop

    October 2017
  • chat_bubble JEAN de Dieu

    AMAHEREZO Y’ INZIRA NI MU NZU IGIHE KIZAGERA I BYA RUGANZI N’ IBITANGAZA BYE BIGE AHAGARAGRA

    October 2017

Inzindi nkuru

Kicukiro: Abatoza ntibishyuwe, akarere kati ‘ishimwe ntiryishyuzwa’

Abatoza batoje urubyiruko rw’ abanyeshuri bo mu karere Kicukiro mu mwaka...
5 October 2018 Yasuwe: 1301 1

Leta y’ u Rwanda ngo yahagaritse gutumiza lisansi muri Kenya

Igihugu cy’ u Rwanda ngo cyahagaritse lisansi cyatumizaga muri Kenya...
4 October 2018 Yasuwe: 1824 0

Abadepite bafite impungenge ku myenda ya miliyari zirenga 300 u Rwanda...

Abadepite bagaragarije Minisiteri w’ Imari n’ igenamigambi impungenge ku...
27 September 2018 Yasuwe: 4709 0

Minisitiri Gatete asanga gufunga amazu y’ ubucuruzi aribyo byasigaje inyuma...

Minisitiri w’ Intebe w’ u Rwanda Dr Edouard Ngirente n’ abandi ba Minisitiri...
26 September 2018 Yasuwe: 1499 2

Muhanga: Ubuyobozi bwongeye gutanga ibibanza bwari bwarambuye...

Mu cyumweru gishize ni bwo ubuyobozi bw’ akarere ka Muhanga bwari...
25 September 2018 Yasuwe: 514 0

Ntiharamenyekana icyatumye amafi menshi yo mu mugezi wa Mukungwa apfira...

Ubuyobozi bw’ akarere ka Musanze bwatagangaje ko hakirimo gukorwa iperereza...
23 September 2018 Yasuwe: 2872 0