Kigali

Ikigo gishinzwe guteza imbere amakoperative kigiye kwamburwa inshingano yo kugenzura za SACCO

Amakuru   Yanditswe na: Nsanzimana Ernest 12 November 2018 Yasuwe: 727

John Rwangombwa, Guverineri wa Banki Nkuru y’u Rwanda, yatangaje ko hari kuganirwa uko Ikigo cy’igihugu gishinzwe guteza imbere amakoperative, RCA, cyakurwaho inshingano zo kugenzura koperative zo kubitsa no kuguriza zizwi nka za Sacco.

Rwangombwa yabitangaje mu cyumweru gishize ubwo yitabiraga inama yiga ku mikorere n’imicungire y’ibigo by’imari iciriritse mu ntara y’Iburasirazuba, yabereye mu Karere ka Nyagatare.

Ni impinduka zitewe n’uko BNR ikora ubugenzuzi na RCA igakora ubundi ugasanga harimo kugongana mu nshingano.

Rwangombwa yagize ati “Banki Nkuru y’Igihugu ikora ubugenzuzi na RCA igakora ubundi tukabona biri kugongana, rero turi gushaka uburyo twayihindurira imirimo, igenzura rikajya rikorwa na Banki Nkuru y’Igihugu gusa. Ahubwo RCA ikadufasha kuzamura iterambere rya SACCO"

Yanavuze ko bari kwiga uburyo Ihuriro ry’ibigo by’imari iciriritse (AMIR) ryazajya ritanga ibizamini by’akazi muri za SACCO zose mu kuzifasha kubona abakozi beza kandi bafite ubushobozi.

Nk’ uko Igihe cyabitangaje Rwangombwa yavuze ko ari ibintu bikigwaho bitarafatirwa imyanzuro. Za Sacco zakomeje kugenda zihura n’ibibazo by’imikorere, ku buryo izo mu Ntara y’Iburasirazuba zose hamwe zimaze kwibwa miliyoni 556Frw, zirimo igice kinini cyagiye kinyerezwa n’abari abayobozi bazo.

Koperative Umurenge Sacco zashinzwe mu 2009 nyuma y’uko leta ibonye ko serivisi z’imari zitagera ku baturage neza nk’uko bikwiye.

Zashinze imizi mu gihugu hose mu 2012, ubu zikorera mu mirenge yose uko ari 416 zikaba zifite umutungo ungana na miliyari 121Frw n’ubwizigame bungana na miliyari 64.

Zifite abanyamuryango miliyoni 2.7 mu gihe mu gihugu hose abanyarwanda bagana ibigo by’imari bangana na 3.6.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble jim

    abakozi babifitiye ubushobozi nibo batazazibase ahubwo karibo bazazi cyucyura bikomeye cyane ubundi muga failinga

    1 month ago

Inzindi nkuru

Ikibazo cy’imirire mibi cyaragabanutse mu nkambi z’impunzi

Impunzi z’ Abanyekongo zicumbikiwe mu Nkambi ya Kigeme n’ iya Mugombwa mu...
6 December 2018 Yasuwe: 651 0

Mu Rwanda hari ubukerarugendo bushingiye ku muco,amateka,ubuhinzi,iyobokamana

Icyiswe Wilson Tours,bateguye amahugurwa y’ukwezi kumwe ku bantu b’ibyiciro...
6 December 2018 Yasuwe: 898 0

Imihanda yo mu Rwanda ngo mwiza ku kigero cya 97% [AMAFOTO]

Minisitiri w’ Intebe w’ u Rwanda Dr Edouard Ngirente yatangaje ko ikigero cy’...
4 December 2018 Yasuwe: 774 1

Leta y’ u Rwanda igiye kubaka imihanda mishya ya kaburimbo irimo uwa km...

Minisitiri w’ Intebe w’ u Rwanda Dr Ngirente yatangaje gahunda zitandukanye u...
4 December 2018 Yasuwe: 3862 1

’Ibibazo by’ ibirayi ntibikeneye abaterankunga ’ Minisitiri Shyaka

Minisitiri w’ Ubutegetsi bw’ Igihugu Prof Shyaka Anastase yizeje abatuye...
25 November 2018 Yasuwe: 998 2

Ngoma: Inzu yubakiwe abatishoboye iri gusenyuka itaramara amezi abiri...

Inzu yo mu bwoko bwa ‘Four in One’ yatujwemo imiryango ine (4) y’abarokotse...
22 November 2018 Yasuwe: 1358 1