Kigali

Minisitiri w’urubyiruko MBABAZI avuga ko azubakira ku gihango urubyiruko bafitanye na Kagame

Amakuru   Yanditswe na: Iyamuremye Janvier 7 September 2017 Yasuwe: 763

Bamwe mu rubyiruko baravuga ko iyi myaka irindwi ya manda nshya ya Nyakubahwa perezida wa repubulika Paul KAGAME izarangwa n’ibikorwa bifatika bigamije cyane cyane guhangana n’ikibazo cy’ubushomeri.

Uru rubyiruko rusanga gushyirirwaho minisiteri yarwo mu buryo bwihariye ari umusingi ukomeye uzarufasha kugera ku byo rwiyemeje, ibi kandi ngo bikaba bishimangira igihango bafitanye n’umukuru w’igihugu.

Ubushakashatsi bw’Ikigo cy’Igihugu cy’Ibarurishamibare bwo mu mwaka ushize wa 2016, Labour Force Survey 2016, bugaragaza ko urubyiruko rungana na 15,9% rwugarijwe n’ikibazo cy’ubushomeri.

Gusa Minisitiri w’urubyiruko Madame Rose Mary MBABAZI, avuga ko uburyo inzego z’iyi minisiteri zubatse buri mu bumuha icyizere gikomeye cyo kuzashobora guhangana n’ibyo bibazo, ibintu yemeza ko mbere na mbere bizashingira ku kubaka ubunyarwanda nyabwo mu rubyiruko no kurutoza kwihangira imirimo mu gihe rukiri no ku ntebe y’ishuri.

Kuri ibi kandi, Minisitiri Rose Mary avuga ko haziyongeraho ubufatanye n’urwego rw’abikorera n’ibigo by’imari byose bizafasha mu ihangwa ry’imirimo mishya no gushyigikira inganda nto n’iziciriritse zihangwa n’urubyiruko rwo hirya no hino mu gihugu. Yongeraho kandi ko guteza imbere impano z’urubyiruko bizaza ku isonga muri gahunda zigamije kuzamura imibereho y’u Rwanda rw’ejo hazaza.

Inkuru ya RBA

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


  • chat_bubble Daillone

    Tukurinyuma niba imvugo ariyo ngiro" atari amasigara byicaro" pls turababa

    5 months ago

Inzindi nkuru

Umunyemari watorewe kuyobora PSF yahize kubaka ahazajya habera...

Umunyemari nyiri hoteli Ubumwe grand Robert Bapfakurera nyuma yo gutorerwa...
23 February 2018 Yasuwe: 1280 2

Umunyemari Bapfakurera yatorerwe kuba Perezida w’ urugaga rw’...

Umucuruzi w’ umushoramari Robert Bapfakurera niwe watorewe kuba Perezida w’...
23 February 2018 Yasuwe: 831 0

Kigali: Polisi ifunze abasore babiri bafatanywe amafaranga y’amahimbano

Ku itariki ya 18 Gashyantare 2018, Polisi y’u Rwanda ikorera mu karere ka...
20 February 2018 Yasuwe: 322 0

Rwamagana: Bafatanywe amapaki 900 y’amasashi ya Pulasitiki atemewe...

Polisi y’u Rwanda ikorera mu karere ka Rwamagana ku itariki ya 14...
17 February 2018 Yasuwe: 275 0

Kigali: Afungiye kwiba moto akoresheje urufunguzo rw’urucurano

Polisi y’u Rwanda ikorera mu mujyi wa Kigali ifunze uwitwa Nubahumpatse Jean...
16 February 2018 Yasuwe: 499 0

Ruhango: Yatawe muri yombi aha ibihumbi 200 Rwf umupolisi ngo amufashe mu...

Umusore w’imyaka 23 ukomoka mu murenge wa Mukingo, mu karere ka Nyanza,...
15 February 2018 Yasuwe: 1175 1