Kigali

Nyanza: Mu gikorwa cyamaze amasaha 4, Polisi yafashe ibiro 80 by’urumogi

Amakuru   Yanditswe na: Iyamuremye Janvier 29 January 2018 Yasuwe: 280

Mu ijoro ryo kuri uyu wa gatanu taliki ya 26 Polisi y’u Rwanda mu karere ka Nyanza yafatiye ibiro bigera kuri 80 by’urumogi mu bikorwa byo kurwanya icuruzwa n’ikwirakwizwa ry’ibiyobyabwenge mu gihugu; ifatwa ryabyo rikaba ryaraturutse ku makuru yahawe ku gihe n’abahatuye.

Umuvugizi wa Polisi mu Ntara y’Amajyepfo , Chief Inspector of Police (CIP) Emmanuel Kayigi yavuze ko urwo rumogi nyuma y’igikorwa cyamaze amasaha ane, cyatangiriye mu kagari ka Gasoro mu murenge wa Kigoma maze kigasorezwa mu kagari ka Gatagara mu murenge wa Mukingo.

CIP Kayigi yavuze ko ku Gasoro habanje gufatirwa uwitwa Ntivuguruzwa Juvenal w’imyaka 34 y’amavuko, afatanwa ibiro 5 aho yavuze ko acururiza undi muntu ndetse ko rufite aho rubikwa I Gatagara.

Yakomeje agira ati:” Yatujyanyeyo maze tuhasanga urundi rugera ku biro 75 birinzwe n’uwitwa Habarurema Silas w’imyaka 35, ubu bombi bakaba bafungiye kuri sitasiyo ya Polisi ya Busasamana mu gihe hatangiye iperereza ryimbitse ku nkomoko yarwo.

Ku byerekeye uburyo rwafashwe, yavuze ko byorohejwe n’ubufatanye hagati y’inzego zitandukanye aho yagize ati:” Hatabayeho ubufatanye hagati ya Polisi n’izi nzego, iz’ibanze n’izindi zishinzwe umutekano ndetse n’abaturage ,ibikorwa nk’ibi ntibyagera ku ntego zabyo.”

CIP Kayigi yashimye abatanze amakuru yatumye uru rumogi rufatwa, ndetse akangurira abatuye iyi Ntara kwirinda kwishora mu biyobyabwenge; kandi abasaba kuba abafatanyabikorwa mu kurwanya iyinjizwa ryabyo mu gihugu, itundwa, icuruzwa, inyobwa n’ikoreshwa ryabyo batanga amakuru yerekeye ababikora.

Yakomeje ubutumwa bwe agira ati," Nubona umuturanyi wawe anywa ibiyobyabwenge cyangwa abicuruza uzamugire inama yo kubireka. Nabirengaho uzabimenyeshe Polisi cyangwa izindi nzego zibishinzwe. Niwigira ntibindeba ukumva ko kurwanya ukwishora mu biyobyabwenge atari inshingano zawe uzaba wibeshya kuko abo uhishira bazahindukira bagakora ibikorwa binyuranyije n’amategeko bibangamira abantu muri rusange nko gukubita no gukomeretsa n’ihohotera rishingiye ku gitsina."

Gukora, guhindura, kwinjiza no kugurisha mu gihugu ibiyobyabwenge n’urusobe rw’imiti ikoreshwa nka byo mu buryo bunyuranije n’amategeko bihanishwa igifungo kuva ku myaka itatu (3) kugeza ku myaka itanu (5) n’ihazabu y’amafaranga y’u Rwanda kuva ku bihumbi magana atanu (500.000) kugeza kuri miliyoni eshanu (5.000.000) nk’uko biteganywa n’ingingo ya 594 yo mu gitabo cy’amategeko ahana ibyaha mu Rwanda.

Asoza, CIP Kayigi yagize na none ati,"Amafaranga yashowe muri uru rumogi yakabaye yarashowe mu bindi byemewe n’amategeko kandi bidafite ingaruka mbi ku buzima bw’abantu. Ingaruka zo kwishora mu biyobyabwenge harimo igifungo no gucibwa ihazabu, kandi ibifashwe biratwikwa ibindi biramenwa; ariko usibye n’ibyo bitera uburwayi butandukanye ababinywa."

Mu rwego rwo kurushaho kurwanya ukwishora mu biyobyabwenge; Polisi y’u Rwanda yashyizeho agashami gashinzwe by’umwihariko kurwanya iyinjizwa ryabyo mu gihugu; icuruzwa, inyobwa n’ikoreshwa ryabyo; ibi bikiyongera ku bukangurambaga ikora hirya no hino mu gihugu aho yigisha Abaturarwanda ingaruka zo kubyishoramo, ikanabakangurira kubyirinda.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kicukiro: Abatoza ntibishyuwe, akarere kati ‘ishimwe ntiryishyuzwa’

Abatoza batoje urubyiruko rw’ abanyeshuri bo mu karere Kicukiro mu mwaka...
5 October 2018 Yasuwe: 1304 1

Leta y’ u Rwanda ngo yahagaritse gutumiza lisansi muri Kenya

Igihugu cy’ u Rwanda ngo cyahagaritse lisansi cyatumizaga muri Kenya...
4 October 2018 Yasuwe: 1824 0

Abadepite bafite impungenge ku myenda ya miliyari zirenga 300 u Rwanda...

Abadepite bagaragarije Minisiteri w’ Imari n’ igenamigambi impungenge ku...
27 September 2018 Yasuwe: 4710 0

Minisitiri Gatete asanga gufunga amazu y’ ubucuruzi aribyo byasigaje inyuma...

Minisitiri w’ Intebe w’ u Rwanda Dr Edouard Ngirente n’ abandi ba Minisitiri...
26 September 2018 Yasuwe: 1499 2

Muhanga: Ubuyobozi bwongeye gutanga ibibanza bwari bwarambuye...

Mu cyumweru gishize ni bwo ubuyobozi bw’ akarere ka Muhanga bwari...
25 September 2018 Yasuwe: 515 0

Ntiharamenyekana icyatumye amafi menshi yo mu mugezi wa Mukungwa apfira...

Ubuyobozi bw’ akarere ka Musanze bwatagangaje ko hakirimo gukorwa iperereza...
23 September 2018 Yasuwe: 2872 0