Kigali

Perezida Kagame yatashye hoteli yatwaye miliyari 19 ashimira abagize uruhare mukuyubaka

Amakuru   Yanditswe na: Nsanzimana Ernest 2 March 2018 Yasuwe: 3739

Perezida w’ u Rwanda Paul Kagame yafunguye ku mugaragaro EPIC Hotel yubatswe mu karere ka Nyagatare ku bufatanye bw’inzego za leta n’abikorera, yuzuye itwaye amafaranga y’u Rwanda miliyari 19 ashima abagize uruhare ngo yubakwe asaba abaturage gutinyuka kuyigana .

Iyi hoteli yayifunguye nyuma yo gusoza umwiherero wa 15 ku wa Kane tariki 1 Werurwe 2018.

Perezida Kagame yavuze ko kubaka iyi hoteli byatangiye ari igitekerezo ariko kikaza gushyirwa mu bikorwa, yemeza ko izindi zose zo ku isi ntacyo ziyirusha.

Yagize ati "Iyi hoteli ni urugero rw’iterambere twifuza. Izagira uruhare mu guteza imbere ubukerarugengo ikazamure ubukungu bwacu. Abaturage b’Akarere ka Nyagatare ndetse n’abandi turabakangurira kujya baza bagakoresha ibyiza nk’ibi ngibi."

Iyi hoteli yubatswe ku bufatanye bw’Ihuriro ry’abikorera b’Iburasirazuba (EPIC) , uturere tw’Intara y’Iburasirazuba, Banki Itsura Amajyambere y’u Rwanda (BRD) n’Ikigo cy’Igihugu cy’Ubwiteganyirize (RSSB).

Mu 2012 ni bwo Perezida Kagame yasuye Akarere ka Nyagatare agira inama abikorera yo gutekereza uburyo bakemura ikibazo cy’amacumbi make mu Mujyi wa Nyagatare, igitekerezo cyo kubaka iyi hoteli y’inyenyeri enye kivuka ubwo.

Umuyobozi w’Inama y’Ubutegetsi ya EPIC, Augustin Ntazinda, yavuze ko icyo gihe Perezida Kagame yabijeje ko azabafasha, akazanababera umukiliya, none nyuma y’imyaka itandatu hoteli itashywe hakoraniye aabayobozi bose uko bitabiriye umwiherero.

Umukuru w’ igihugu yavuze ko kandi umushinga w’iyi hoteli ukwiye kubera abatuye utundi turere urugero, kugira ngo barebereho bakore ibikorwa by’iterambere.

Guverineri w’Intara y’Iburasirazuba, Fred Mufulukye, yavuze ko iyi hoteli yubatswe ku gitekerezo cya Perezida Kagame kandi yanakurikiranye iyubakwa ryayo, anatanga inama zafashaga "gukosora amakosa menshi byatumye igera kuri uru rwego."

Yakomeje agira ati "Iyi hoteli ije kudufasha kurushaho guteza imbere ubucuruzi n’ubukerarugendo mu ntara yacu, gutanga akazi ku rubyiruko ndetse no kongera amahirwe ku isoko ry’abahinzi n’aborozi."

CityBlue EPIC Hotel & Suites ifite ibyumba birindwi bishobora kwakira umuryango; 34 bisanzwe; 23 binini; 9 byiyubashye na kimwe gishobora kwakira Umukuru w’Igihugu.

Guverineri w’Intara y’Iburasirazuba, Fred Mufulukye, yavuze ko iyi hoteli yubatswe ku gitekerezo cya Perezida Kagame kandi yanakurikiranye iyubakwa ryayo, anatanga inama zafashaga "gukosora amakosa menshi byatumye igera kuri uru rwego."

Yakomeje agira ati "Iyi hoteli ije kudufasha kurushaho guteza imbere ubucuruzi n’ubukerarugendo mu ntara yacu, gutanga akazi ku rubyiruko ndetse no kongera amahirwe ku isoko ry’abahinzi n’aborozi."

CityBlue EPIC Hotel & Suites ifite ibyumba birindwi bishobora kwakira umuryango; 34 bisanzwe; 23 binini; 9 byiyubashye na kimwe gishobora kwakira Umukuru w’Igihugu


Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Kicukiro: Abatoza ntibishyuwe, akarere kati ‘ishimwe ntiryishyuzwa’

Abatoza batoje urubyiruko rw’ abanyeshuri bo mu karere Kicukiro mu mwaka...
5 October 2018 Yasuwe: 1304 1

Leta y’ u Rwanda ngo yahagaritse gutumiza lisansi muri Kenya

Igihugu cy’ u Rwanda ngo cyahagaritse lisansi cyatumizaga muri Kenya...
4 October 2018 Yasuwe: 1824 0

Abadepite bafite impungenge ku myenda ya miliyari zirenga 300 u Rwanda...

Abadepite bagaragarije Minisiteri w’ Imari n’ igenamigambi impungenge ku...
27 September 2018 Yasuwe: 4710 0

Minisitiri Gatete asanga gufunga amazu y’ ubucuruzi aribyo byasigaje inyuma...

Minisitiri w’ Intebe w’ u Rwanda Dr Edouard Ngirente n’ abandi ba Minisitiri...
26 September 2018 Yasuwe: 1499 2

Muhanga: Ubuyobozi bwongeye gutanga ibibanza bwari bwarambuye...

Mu cyumweru gishize ni bwo ubuyobozi bw’ akarere ka Muhanga bwari...
25 September 2018 Yasuwe: 515 0

Ntiharamenyekana icyatumye amafi menshi yo mu mugezi wa Mukungwa apfira...

Ubuyobozi bw’ akarere ka Musanze bwatagangaje ko hakirimo gukorwa iperereza...
23 September 2018 Yasuwe: 2872 0