Kigali
startimes

RURA yatangaje isaha ntarengwa imodoka na moto zitwara abagenzi zigomba gusubikira akazi inagira inama abamotari

Amakuru   Yanditswe na: Dusingizimana Remy 3 June 2020 Yasuwe: 5454

Urwego Ngenzuramikorere, RURA rwatangaje ko imodoka zitwara abagenzi mu ntara zigomba kurangiza akazi bitarenze saa mbili kugira ngo abantu bose bubahirize gahunda yo kuba bageze mu rugo bitarenze saa tatu z’ijoro.



Mu itangazo yashyize hanze,RURA yatangaje ko abamotari batarabona ikoranabuhanga rya mubazi bongerewe ukwezi kumwe ko kuzishaka hanyuma bakegendera mu cyerekezo kimwe na bagenzi babo basubukuye akazi bazifite

Bamwe mu bamotari bagowe no kubona mubazi kubera ko hari abari mu ntara ntibabasha kwitabira gahunda yo gushaka iri koranabuhanga yabaye mu cyumweru gishize.

Muri iri tangazo RURA yagize iti “abamotari bo muri Kigali bongerewe ukwezi kugira ngo bashyire mubazi kuri moto, bahabwe amahugurwa ahagije ndetse abamotari n’abagenzi bamenyere gukoresha serivisi nshya yifashisha ikoranabuhanga rya mubazi (smart meters).”

RURA yongeye kwibutsa Moto n’imodoka rusange ko bitemerewe gutwara abantu mu turere twa Rusizi na Rubavu.

Abamotari bongeye kwibutswa gukuraho ikirahure ku ngofero (casque) gitwikira mu maso h’umugenzi, mu rwego rwo kwirinda ikwirakwira ry’icyorezo cya coronavirus.

Inama y’Abaminisitiri yateranye ku wa Kabiri tariki 2 Kamena 2020, yanzuye ko ingendo kuri moto zemerewe gusubukurwa uretse mu turere twa Rusizi na Rubavu. Ibi bikaba bishingiye ku byavuye mu isuzuma ry’inzego z’ubuzima riherutse gukorerwa hirya no hino mu turere.

RURA yatangaje ko ingamba zose zo gukumira Covid-19 zatangajwe mbere mu bijyanye na serivisi zo gutwara abantu mu buryo rusange zirakomeza kubahirizwa.

Amabwiriza RURA yahaye Abagenzi n’Abamotari mu rwego rwo kwirinda Coronavirus, mu cyumweru gishize:

1. Abamotari n’abagenzi bagomba kwitwaza imiti y’isuku yabugenewe (Hand-Sanitizers) kugirango basukure intoki na casques mbere y’urugendo;

2. Kubw’impamvu zo kubungabunga isuku, abamotari n’abagenzi bagomba kuba bafite Agatambaro ko kwambara imbere y’ingofero (Casques);

3. Abamotari n’abagenzi bagomba kwambara udupfukamunwa uko bikwiye nk’uko biteganywa n’amabwiriza ya Minisiteri y’ubuzima;

4. Abamotari bose bo mu mujyi wa Kigali bagomba gukoresha ikoranabuhanga rya mubazi ndetse bakishyurwa hakoreshejwe ikoranabuhanga nka MTN Mobile Money cyangwa Airtel Money;

5. Abamotari bo Mu Ntara bazatangira gukoresha mubazi nyuma, ariko nabo bagomba kwishyurwa hakoreshejwe ikoranabuhanga nka MTN mobile money cyangwa Airtel Money.

6. Abagenzi bashoboye kwigurira casques zabo bwite barakangurirwa kuzigura, bakazikoresha bakazikoresha igihe cyose.

7. Abamotari bagomba kubahiriza gusiga umwanya hagati yabo aho baparika.


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Nyagatare: Perezida Kagame yatashye umudugudu w’icyitegererezo watwaye...

Kuri uyu wa Gatandatu tariki ya 04 Nyakanga 2020,Nyakubahwa perezida wa...
4 July 2020 Yasuwe: 1671 0

COVID-19:U Rwanda rwashyizwe mu bihugu 14 byizewe abaturage babyo bemerewe...

Umuryango w’Ubumwe bw’Uburayi (EU/UE) watangaje ibihugu 14 uvuga ko abaturage...
30 June 2020 Yasuwe: 1103 0

Ibyiciro by’ubudehe mu Rwanda byahinduriwe umubare, inyito n’imikoreshereze

Minisitiri w’Ubutegetsi bw’Igihugu,Prof.Shyaka Anastase yavuze ko guhera mu...
26 June 2020 Yasuwe: 1826 0

Ingengo y’Imari y’u Rwanda 2020-2021 yiyongereyeho miliyari 228.6...

Minisitiri Dr Ndagijimana Uzziel yavuze ko Ingengo y’imari ya 2020-2021...
22 June 2020 Yasuwe: 869 0

Niringiyimana wahanze umuhanda wenyine yiyemeje guha umuriro n’amazi...

Niringiyimana Emmanuel wakoze umuhanda w’ibirometero 7 wenyine nta gihembo...
17 June 2020 Yasuwe: 4274 2

IMF yageneye u Rwanda indi nguzanyo ya miliyari zisaga 106 FRW yo kurufasha...

Inama y’Ubutegetsi y’Ikigega Mpuzamahanga k’Imari (FMI/IMF) yemereye u Rwanda...
12 June 2020 Yasuwe: 400 0