Kigali

Uruganda rwa SORWAL byarangiye rutejwe cyamunara atageze kuri ½ cy’ igiciro fatizo

Amakuru   Yanditswe na: Nsanzimana Ernest 18 September 2018 Yasuwe: 2632

Kuri uyu wa Kabili tariki 18 Nzeli 2018 nibwo umuhesha w’ Inkiko w’ Umwuga Me Vedaste Habimana yagurishije uruganda rw’ ibibiriti , Société Rwandaise des Allumettes, SORWAL nyuma y’ uko rwari rumaze imyaka 9 rukinze imiryango.

Uru ruganda rwaguzwe n’ umushoramari usanzwe afite inganda zikora ibibiriti mu bihugu birimo Malawi, Tanzania na Zimbabwe ‘OG Matchs’.

Rwagurishijwe miliyoni 168 mu gihe abagenagaciro bari bararuhaye agaciro ka miliyoni miliyoni 354F ari nayo yari igiciro fatizo.

Iyi cyamunara yari imaze kuba inshuro ebyiri isubikwa uru rubanza rutabonye urugura. Tariki 11Nzeli 2018 iyi cyamunara yasubitswe hatabonetse umuntu n’ umwe urugereka.

Kuri uyu wa Kabiri hapiganwe abantu bane barimo Bigirimana Jean Bosco watanze miliyoni 167Frw, Ngabire Emmanuel atanga miliyoni 154Frw, Osman Rafik atanga miliyoni 168Frw naho Cleophas Barajiginwa atanga miliyoni 117Frw.

Umuhesha w’Inkiko w’Umwuga, Me Habimana Vedaste, wari uyoboye cyamunara yatangaje ku mugaragaro ko Osman Rafik ariwe urwegukanye.

Yagize ati “Uwatanze igiciro kiri hejuru niwe wegukanye cyamunara, yatanze miliyoni 168. Cyamunara irarangiye dutegereje ko uwaguze yishyura, imisoro ya Leta ikaboneka”

Osman avuga ko yifuza guhita akomeza gukora ibibiriti kandi mu mezi atatu ateganya guhita atangira.

Uruganda rw’ ibibiriti rwa SORWAL rwafunzwe muri 2009 rubereyemo ikigo cy’ igihugu cy’ imisoro n’ amahoro umwenda wa miliyari 4Frw. Si ibyo gusa kuko hari n’ abakozi bakoraga muri uru ruganda bishyuza amafaranga bakoreye muri uru ruganda ntibishyurwe.

Uburenganzira bwo kugurisha uru ruganda bwatanzwe na Minisitiri w’ Ubucuruzi n’ Inganda Vincentu Munyeshyaka ubwo yarusuraga aho ruherereye mu karere ka Huye agasanga harahindutse igihuru.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Tumba, Rango, Mukoni: Amazu y’ ubucuruzi yari yarafunze yongeye gufungura...

Abatuye n’ abacururiza mu karere ka Huye by’ umwihariko Tumba, Rango, na...
13 December 2018 Yasuwe: 1474 2

Ikibazo cy’imirire mibi cyaragabanutse mu nkambi z’impunzi

Impunzi z’ Abanyekongo zicumbikiwe mu Nkambi ya Kigeme n’ iya Mugombwa mu...
6 December 2018 Yasuwe: 659 0

Mu Rwanda hari ubukerarugendo bushingiye ku muco,amateka,ubuhinzi,iyobokamana

Icyiswe Wilson Tours,bateguye amahugurwa y’ukwezi kumwe ku bantu b’ibyiciro...
6 December 2018 Yasuwe: 914 0

Imihanda yo mu Rwanda ngo mwiza ku kigero cya 97% [AMAFOTO]

Minisitiri w’ Intebe w’ u Rwanda Dr Edouard Ngirente yatangaje ko ikigero cy’...
4 December 2018 Yasuwe: 779 1

Leta y’ u Rwanda igiye kubaka imihanda mishya ya kaburimbo irimo uwa km...

Minisitiri w’ Intebe w’ u Rwanda Dr Ngirente yatangaje gahunda zitandukanye u...
4 December 2018 Yasuwe: 3882 1

’Ibibazo by’ ibirayi ntibikeneye abaterankunga ’ Minisitiri Shyaka

Minisitiri w’ Ubutegetsi bw’ Igihugu Prof Shyaka Anastase yizeje abatuye...
25 November 2018 Yasuwe: 1000 2