Kigali

Abanyarwanda bigiye ku nguzanyo ya buruse batishyura bazakomanyirizwa mu yandi ma banki

Amakuru   Yanditswe na: Nsanzimana Ernest 18 October 2018 Yasuwe: 2308

Banki Itsura Amajyambere BRB yemeje ko ifite gahunda yo kuzakomanyiriza Abanyeshuri bize bishyurirwa na Leta ku nguzanyo barangiza kaminuza bakabona akazi ntibishyure uyu mwenda.

Ndori Karake Francis , ushinzwe ishami ritanga inguzanyo ya buruse muri BRD yabitangaje kuri uyu wa 17 Ukwakira 2018 mu kiganiro Uby’ ute? kuri KT Radio.

Iki kiganiro kibanze ku mitangire y’ inguzanyo ya buruse ihabwa abanyeshuri bagiye kwiga muri kaminuza n’ uburyo bwo kwishyura iyi nguzanyo.

Abatumirwa muri iki kiganiro bari, Ndori Karake Francis umuyobozi w’ agashami gashinzwe itangwa ry’ inguzanyo ya buruse muri BRD, n’ umuyobozi w’ agashami gashinzwe kwishyuza abahawe inguzanyo ya buruse Matata Claudine.

Umunyamakuru wabajije abatumurirwa niba amakuru y’ uko abanyeshuri batarangije kwishyura inguzanyo ya buruse cyangwa abatarishyura bazakomanyirizwa mu yandi mabanki bakajya bimwa indi nguzanyo iyo ari yose.

Karake Francis yavuze ko aya makuru ari ukuri gusa ntabwo yatangaje igihe iki cyemezo kizatangirira gushyirwa mu bikorwa.

Yagize ati “Ayo makuru ni ukuri rwose kuva ibintu byo kwishyuza amafaranga byaraje muri BRD, ni ukuvuga ngo BRD ni bank nk’ izindi. Kuba dufite amakuru ko uyu muntu afite inyuzanyo agomba kuzishyura, hari ibiteganyijwe nka bank ku muntu ufite inguzanyo”

Yakomeje agira ati “Hari ikigo duhuriraho, dushyiramo aya makuru ku muntu wese ufite inyuzanyo, ni ukuvuga ngo ni indi bank iyo ari yose ijya kuguha umwenda ikabanza ikareba muri CRB(Credit Reference Bureau) ko udafite undi mwenda. Basanga ufite umwenda either mushobora kumvikana na banki yawe ikakwishyurira uwo nguwo, cyangwa ikabwira uwo muntu ngo abanze aze yumvikane na BRD uko uwo mwenda uzishyurwa”

Karake Francis yavuze ko iyi ari imwe mu ngamba BRD ishobora gukoresha igafata abarimo umwenda wa buruse Leta yabarihiye.

Imibare y’ ikigereranyo igaragaza ko nibura abanyeshuri barihiwe inguzanyo ya buruse bagera ku bihumbi 80, muri aba abo bizwi ko barangije kwiga bafite n’ akazi ku buryo bakabaye baratangiye kwishyura ni ibihumbi 11, muri aba ibihumbi 11 abishyura ni ibihumbi 6.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Minisiteri y’Uburezi yafunze burundu udushami 2 two muri kaminuza ya ISPG...

Minisiteri y’uburezi yanzuye guhagarika itangwa ry’ amasomo mu mashami...
29 January 2019 Yasuwe: 1980 2

Madame Ingabire Marie Immacule yavuze uburyo mu kigo cy’igihugu gishinzwe...

Madame Marie Immaculée Ingabire uyobora umuyobozi wa Transparency...
21 January 2019 Yasuwe: 4101 9

Abana bari kugororerwa muri Gereza y’abana bakoze ibizamini bya Leta bisoza...

Urwego rw’igihugu rushinzwe imfungwa n’abagororwa RCS, rwatangaje ko abana 18...
3 January 2019 Yasuwe: 2096 0

Hagiye gutangazwa amanota y’abarangije amashuri abanza n’icyiciro...

Minisiteri y’Uburezi (Mineduc) igiye gutangaza amanota y’abanyeshuri bo mu...
31 December 2018 Yasuwe: 1927 1

Rubavu:Umwarimu yasabye umunyeshuli ko basambana kugira ngo amuhe amanota 2...

FOTO:Internet Mu gihe twajyaga twumva ruswa y’igitsina mu nzego...
17 December 2018 Yasuwe: 6275 0

Abanyeshuri ba Kaminuza zo mu Rwanda bagiye guhabwa mudasobwa 14 000 za...

Minisiteri y’Uburezi kuri uyu wa 3 Ukuboza yatangije guha mudasobwa nshya...
4 December 2018 Yasuwe: 1630 1