Abanyeshuri bamaze iminsi bakurikirana amasomo mu ishuri ryitiriwe Abdullah Bun Abass riherereye i Kigabiro muri Rwamagana barasaba umuyobozi w’iri shuri kubishyura telefoni zabo bamubikije akavuga ko zibwe.

Sponsored Ad

Aba banyeshuri basabye uyu muyobozi kubishyura telephone bamubikije zifite agaciro ka 825,000 FRW bitarenze kuri uyu wa kane nyuma yo kubwirwa ko zibwe.

Flash Radio&TV dukesha iyi nkuru ivuga ko aba banyeshuri bavuga ko mudasobwa byari bibikanye n’imashini isohora impapuro ntacyo byigeze biba.

Uyu muyobozi w’iri shuri yabwiye iki gitangazamakuru ko yatanze ikirego muri RIB ategereje icyo izabikoraho.