Dr Ngirente yakiriye indahiro z’ abashinjacyaha bashya abereka aho bagomba gushyira imbaraga [AMAFOTO]

Amakuru   Yanditswe na: Nsanzimana Ernest 31 October 2018 Yasuwe: 823

Minisitiri w’ Intebe w’ u Rwanda Dr Edouard Ngirente yakiriye indahiro y’ abashinjacyaha bashya babiri ku rwego rw’ ibanze abasaba gushyira imbara mu kurwanya ibyaha birimo inyerezwa ry’ umutungo wa Leta, ibyaha by’ ibiyobyabwenge n’ icuruzwa ry’ abantu.

Abarahiye ni Mukarusagara Janvière na Uwitonze Clarisse, mu muhango babaye kuri uyu wa 31 Ukwakira 2018.

Aba bashinjacyaha bemejwe n’ inama y’ abaminisitiri yo ku wa 11 Nyakanga 2018.

Minisitiri w’ Intebe yifurije MUKARUSAGARA Janvière na UWITONZE Clarisse, ikaze kuzagira imirimo myiza abasaba kwirinda icyatuma icyizere bagiriwe bacyamburwa.

Ministiri w’Intebe Dr. Edouard Ngirente yabibukije ko bakwiye kurangwa indangagaciro z’ingenzi ziranga umushinjacyaha mwiza kuba inyangamugayo, kubahiriza amategeko n’uburenganzira bwa Muntu, kurwanya ruswa n’igisa nayo cyose cyakwangiza isura y’Ubutabera bw’u Rwanda.

Yabasabye guha umwihariko amadosiye arebana n’abakekwaho ibyaha bifite uburemere bwabangamira inyungu rusange z’Igihugu n’iz’abagize umuryango nyarwanda muri rusange.

Yagize ati “Turabasaba imbaraga mu guhangana n’ ibyaha bimuga umutungo wa Leta, uw’amabanki, ibigo by’imari n’Amakoperative, ibirebana n’ abacuruza n’abakoresha ibiyobyabwenge ,amakimbirane yo mu ngo, ibyaha bijyanye no gufata abana ku ngufu no gucuruza abantu n’iby’iyezandonke”.

Umushinjacyaha Mukarusagara Janvière yavuze ko ntaho abona intege yongeraho ko agiye gukorera mu mucyo.

Yagize ati “Ntabwo navuga ko hari ahari intege nke…Niyemeje gukorera mu mucyo no gutanga ubutabera nk’ uko bangiriye icyizere”

Uwitonze Clarisse yavuze ko magingo aya ntaho abona icyuho gusa ngo ahahoze icyuho ni mu gitabo cy’ amategeko ahana ku ngingo ihana ibyaha by’ ibiyobyabwenge.

Ati “Umuntu yafatirwaga mu biyobyabwege abicuruza, umwaka umwe ibiri ukabona baramurekuye ariko ubu ni burundu”

Uwitonze avuga ko bazifashisha Laboratwari yunganira ubutabera mu gushaka ibimenyetso.


Umushinjacyaha Mukarusagara Janviere arahira

Umushinjacyaha Uwitonze Clarisse arahirira inshingano nshya


Evode Uwizeyimana , Umunyamabanga wa Leta muri MINIJUST ushinzwe Itegeko Nshinga n’ andi mategeko na Kayisire Solange, Minisitiri ushinzwe ibikorwa by’ inama y’ abaminisitiri bitabiriye uyu muhango

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble hirwa

    Duhaye ikaze abo bashinjacyaha basha tubirije imirimo mishya tubasaba gukorana ubunyangamugayo n’ubushishozi mu mirimo bahawe

    November 2018

Inzindi nkuru

Nyarugenge: Visi Meya ushinzwe Imibereho Myiza y’Abaturage arafunze, yari...

Ndayisenga Jean Marie Vianey , Visi Meya Ushinzwe Imibereho Myiza mu Karere...
6 March 2019 Yasuwe: 11059 1

Ubushinjacyaha bwashyikirijwe idosiye ya Twagirayezu woherejwe n’igihugu cya...

Urwego rw’igihugu rw’ubushinjacyaha NPPA bwatangiye gukora ku idosiye ya...
19 December 2018 Yasuwe: 2774 0

ADEPR: Batatu bahamwe n’icyaha abandi barimo na Bishop Tom Rwagasana bagirwa...

Abahoze ari abayobozi bakuru b’itorero rya ADEPR barimo Bishop Jean Sibomana...
14 December 2018 Yasuwe: 9836 5

Urubanza ruregwamo umunyamakuru Phocas Ndayizera ruzaburanishwa mu...

Kuri uyu wa Kane tariki 13, Urukiko rw’ibanze rwa Nyarugenge rwafashe...
13 December 2018 Yasuwe: 2122 1

Ubushinjacyaha bugiye kujuririra icyemezo cyo kurekura Diane Rwigara...

Umushinjacyaha Mukuru, Mutangana Jean Bosco, yemeje ko Ubushinjacyaha...
12 December 2018 Yasuwe: 3866 1

Wenceslas Twagirayezu uregwa ibyaha bya jenoside yagejejwe i...

Ku mugoroba wo kuri uyu wa 11 Ukuboza nibwo indege yari intwaye Twagirayezu...
12 December 2018 Yasuwe: 2502 0