Inka zisaga 20 zaburiwe rengero muri Rutshuru , bikekwa ko zatwawe n’abasirikare ba Congo FARDC n’inyeshyamba za FDRL basanzwe bafatanya mu bikorwa byo kurwana na M23 byubuye mu minsi ishize.

Sponsored Ad

Gasekeri Augustin ukuriye Gurupema ya Buhumba yibwemo izo Nka zose yatangaje ko abibye babikoze ku mugoroba wo kuri uyu wa Mbere tariki ya 2 Ukwakira 2023.

Gasekeri yakomeje atangaza ko abasirikare ba FARDC n FDRL bibye inka 23, gusa 15 muri zo zaje kugaruka, bivuze ko izindi 8 zaburiwe irengero burundu kuburyo bikekwa ko zamaze kuribwa n’abo bazibye.

Agace ka Buhumba gaherereye muri Rutshuru ziriya nka zibiwemo gasanzwe kagenzurwa n’Ingabo za Kenya ziri mu za EACRF zoherejwe kugarura amahoro muri mu burasirazuba bwa RDC.