Kayonza: Haravugwa umugabo ukekwaho kwihekura akica abana be 3 n’umugore we agatoroka
Yanditswe: Saturday 17, Jun 2023
Inzego z’umutekano zikomeje gushakisha umugabo wo mu Karere ka Kayonza ukekwaho kwica abana be batatu n’umugore we.
Amakuru avuga ko uyu mugabo witwa Musonere Theogene w’imyaka 40, akekwaho kwica abana be batatu, umukobwa umwe n’abahungu babiri, yica n’umugore we, aho ngo bose yabishe akoresheje umuhoro.
Ubu bwicanyi bwabaye mu ijoro ryo ku wa Gatatu tariki 14/06/2023 rishyira ku wa Kane tariki 15/06/2023, mu Karere ka Kayonza, Umurenge wa Kabare, Akagari ka Gitara mu Mudugudu wa Mubuga.
Ntiharamenyekana icyo uriya mugabo yajijije umugore we n’abana.
Umuvugizi w’Urwego rw’Igihugu rw’Ubugenzacyaha, RIB, Dr Murangira B. Thierry yabwiye itangazamakuru ko buriya bwicanyi bwabayeho.
Ati “Uriya mugabo turacyamushakisha.”
Amakuru avuga ko Musonere Theogene yahise acika, bityo abaturage bakaba basabwa gutanga amakuru ku wa mubona.
Umuseke
Leave a Reply
Your email address will not be published. Required fields are marked *