Majoro Mudaheranwa ushinjwa kurasa umusore amuziza kumuteretera umukobwa agiye gufungwa iminsi 30 y’agateganyo

Amakuru   Yanditswe na: Dusingizimana Remy 25 February 2020 Yasuwe: 6568

Umucamanza mu rukiko rwa gisirikare yategetse ko Majoro Godfrey Mudaheranwa afungwa by’agateganyo mu gihe cy’ukwezi nyuma yo gusanga hari impamvu zikomeye zituma amukekaho ibyaha.



Uyu musirikare mukuru mu ngabo z’u Rwanda araregwa kwica arashe ku bushake umwana w’imyaka 17 y’amavuko no gutunga intwaro binyuranyije n’amategeko. Uregwa ahakana ibyaha byombi.

Byibura iminota ibarirwa mu 10 ni yo Majoro Mudaheranwa yamaze ahagaze imbere y’inteko imuburanisha yumva icyemezo kimufatirwa ku ngingo y’ifunga n’ifungurwa ry’agateganyo.

Yari mu mpuzankano n’impeta bya gisirikare ahagaze wenyine imbere y’umucamanza . Yaba umwunganizi we ndetse n’uruhande rumurega ntibari mu rukiko.



Ubushinjacyaha bwa gisirikare bukurikiranyeho uyu musirikare kwica arashe ku bushake umwana w’imyaka 17 y’amavuko amukekaho kumuterera umukobwa inda ndetse n’icyaha cyo gutunga intwaro binyuranyije n’amategeko.

Umucamanza mu rukiko rwa gisirikare mu isesengura yakoze, mu ijwi ryihutaga cyane yavuze kuri buri cyaha. Yavuze ko kuba uregwa aburana ahakana ibyaha nyamara abandi bana babiri bari kumwe na nyakwigendera baramubonye uko yishwe arashwe ibyo biri mu bigize impamvu zikomeye zituma akekwaho icyaha.

Avuga ko kuba muganga yaremeje ko Gashayija yishwe arashwe na yo yaba indi mpamvu yatuma Majoro Mudaheranwa akekwaho icyaha. Yisunze ingingo z’amategeko umucamanza yibukije ko kuri iki cyaha ugihamijwe n’inkiko afungwa ubuzima bwe bwose.



Umucamanza yategetse ko Majoro Godfrey Mudaheranwa afungwa by’agateganyo mu gihe cy’ukwezi muri gereza ya gisirikare ku Mulindi mbere y’uko urubanza rutangira kuburanishwa mu mizi.

Yategetse kandi ko urubanza ruzaburanishirizwa aho bikekwa ko icyaha cyabereye mu murenge wa Gitoki ku biro by’akagari ka Nyamirama mu karere ka Gatsibo. Rukazatangira kuburanishhwa ku itariki ya 18 y’ukwezi kwa gatatu.

Inkuru y’Ijwi ry’Amerika

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Gasabo: RDF yasezeranyije ubutabera bwihuse abaturage bavuga ko bahohotewe...

Bamwe mu baturage bo mu mudugudu wa Kangondo ya kabiri mu karere ka Gasabo...
2 April 2020 Yasuwe: 7481 2

Polisi y’u Rwanda yafashe abantu 3 barimo n’Umupolisikazi bafashwe amashusho...

Polisi y’u Rwanda yatangaje ko yataye muri yombi abantu batatu barimo...
2 April 2020 Yasuwe: 19607 5

Bamwe mu bafungiwe muri za Kasho zitandukanye bagiye kurekurwa kubera...

Umushinjacyaha Mukuru,Havugiyaremye Aimable, yandikiye ibaruwa...
2 April 2020 Yasuwe: 3223 1

Umunyeshuri wiga muri Kaminuza y’u Rwanda yafatanwe abakobwa 2 mu cyumba...

Umunyeshuri wiga muri Kaminuza y’u Rwanda,Izabayo William, Ishami rya Huye,...
31 March 2020 Yasuwe: 20681 4

RIB yataye muri yombi umukozi wa IPRC Karongi wamburaga abanyeshuri...

Urwego rw’igihugu rw’Ubugenzacyaha [RIB] bwataye muri yombi uwitwa Munyaneza...
30 March 2020 Yasuwe: 5106 1

Rubavu: Polisi yataye muri yombi abagabo 2 bagaragaye mu mashusho bakubita...

Polisi y’u Rwanda yatangaje ko yataye muri yombi Niyonzima Jean Baptiste na...
27 March 2020 Yasuwe: 5950 0