skol
startimes

Musanze: Abayobozi bagaragaye bari gukubita abaturage babaziza kutambara agapfukamunwa bahagaritswe by’agateganyo ku mirimo yabo

Amakuru   Yanditswe na: Dusingizimana Remy 15 May 2020 Yasuwe: 3619

Ubuyobozi bw’Akarere ka Musanze bwatangaje ko bwahagaritse ku mirimo Umunyamabanga Nshingwabikorwa w’umurenge wa Cyuve, gitifu w’akagari ka Kabeza n’aba DASSO babiri bagaragaye mu mashusho bari gukubita abaturage babaziza kutambara agapfukamunwa.


Ku munsi w’ejo ku gicamunsi,nibwo umuyobozi w’umurenge wa Cyuve, Sebashotsi Gasasira Jean Paul; Umunyamabanga Nshingwabikorwa w’Akagari ka Kabeza Tuyisabimana Jean Leonidas, ba DASSO Nsabimana Anaclet na Abiyingoma Sylvain bagaragaye bari guhondagura Dushime Jean Baptiste na Nyirangaruye Uwineza Clarisse.

Aba bayobozi bakubise bya kinyamaswa,umugore nkuko byagaragaye mu mashusho yafashwe na Flash Radio&TV,bamukurubana hasi mu muhanda wa kaburimbo ndetse baranamukomeretsa.

Ubutumwa akarere ka Musanze kanyujije ku rukuta rwa Twitter bugira buti, "Nyuma y’amakuru ajyanye no gukubita abaturage mu Murenge wa Cyuve, akarere ka Musanze kahagaritse ku mirimo by’agateganyo ababigizemo uruhare, bakomeje gukurikiranwa n’Inzego zibishinzwe."

Mu ijoro ryo kuri uyu wa Kane tariki ya 14 Gicurasi 2020,RIB yatangaje ko aba bayobozi bose batawe muri yombi, bakurikiranyweho icyaha cyo gukubita no gukomeretsa.Ubu bafungiwe kuri sitasiyo ya RIB ya Muhoza mu gihe hagikorwa dosiye kugira ngo ishyikirizwe Ubushinjacyaha.

Mu bagaragaje ko banenze ibyakozwe n’aba bayobozi 2 bafatanyije na Dasso harimo na Guverineri w’Intara y’Amajyaruguru, Gatabazi Jean Marie Vianney wagize ati “Twabimenye Kandi turi kubikurikirana byihuse. Tugomba kurenganura abaturage niyo nshingano yacu.”

RIB yongeye kwibutsa ko gukubita no gukomeretsa ari icyaha gihanwa n’ingingo y’ 121 y’itegeko Nº68/2018 ryo ku wa 30/08/2018 riteganya ibyaha n’ibihano muri rusange.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Gaston

    no mu
    murenge wa butaro/burera ibikorwa byo guhohotera abaturage muribi bihe turimo birikuhagaragara nabo babacahe

    4 months ago
  • chat_bubble lg

    Abantu benshi cyane ntibumve . abo bishe amategeko aliko se abatakambara.cyangwa bakakambara nka caruvate bo bakwiye kurekwa bakica amategeko !!nyamara indembo yatuma bumva

    4 months ago

Inzindi nkuru

Umunyamakuru Phocas Ndayizera na bagenzi be basabiwe gufungwa...

Abashinjacyaha basabiye umunyamakuru wigenga Phocas Ndayizera na bagenzi be...
18 September 2020 Yasuwe: 1431 0

Nyamagabe: Umugabo w’imyaka 61 yafashwe asambanya ufite ubumuga bwo mu mutwe...

Umugabo w’imyaka 61 wo mu Kagari ka Karambo mu Murenge wa Kibirizi mu Karere...
17 September 2020 Yasuwe: 2481 0

Urukiko rwategetse ko Rusesabagina afungwa iminsi 30 y’agateganyo

Urukiko rw’Ibanze rwa Kicukiro rutegetse ko Paul Rusesabagina afungwa iminsi...
17 September 2020 Yasuwe: 1131 0

Dr Isaac Munyakazi wari umunyamabanga ushinzwe uburezi yahakanye ibirego...

Dr Isaac Munyakazi wahoze ari umunyamabanga wa leta ushinzwe amashuri...
17 September 2020 Yasuwe: 1520 0

Umuyobozi wa Bugesera FC yatawe muri yombi ashinjwa gukoresha umuntu...

Umuyobozi w’ikipe ya Bugesera FC, Gahigi Jean Claude, ari mu maboko...
16 September 2020 Yasuwe: 5808 0

Rubavu: Polisi yafatanye umukobwa inota 37 z’amadolari y’amahimbano

Uwitwa Muhawenimana Claire w’imyaka 26 y’amavuko yafatiwe mu murenge wa...
16 September 2020 Yasuwe: 1792 0