startimes

Musanze: Polisi yaguye gitumo abantu 23 bari gusengera mu cyumba begeranye bayisubiza ko bari kugira ngo COVID-19 icike

Amakuru   Yanditswe na: Dusingizimana Remy 14 May 2020 Yasuwe: 1426

Polisi y’u Rwanda ikorera mu karere ka Musanze,yafashe abantu 23 barimo gusengera mu rugo rw’umuturage witwa Habumurenyi Jean Damascene wo mu kagari ka Cyabararika mu murenge wa Muhoza mu karere ka Musanze begeranye kandi bibujijwe kubera ingamba Leta yafashe mu rwego rwo kwirinda ikwirakwira rya Coronavirus.



Amakuru avuga ko nyuma yo gufatwa na Polisi y’u Rwanda kuri uyu wa Gatatu, aba baturage babwiye Polisi ko gusenga ari intwaro ikomeye yatuma icyorezo cya Coronavirus gicika mu Rwanda ariyo mpamvu ngo bateranye basenga ngo iki cyorezo kiranduke mu Rwanda.

Umuvugizi wa Polisi mu ntara y’Amajyaruguru, CIP Alexis Rugigana, yabwiye KT Radio ko amakuru yo guterana kw’abo baturage bayahawe na bagenzi babo kandi ngo byari bimaze kuba akamenyero kuko muri urwo rugo hahoraga abantu baje kuhasengera no mu gihe cya guma mu rugo ariyo mpamvu abo bantu bagomba gukurikiranwa.

Yagize ati “Hari ikibazo kijyanye n’imyumvire itari myiza aho abantu bumva ko umuntu ashobora kuvurwa n’amasengesho atageze kwa muganga….N’ukurenga ku mabwiriza y’ubuyobozi kuko insengero n’utubari bitemewe.Byose babirengaho babizi kuko inyigisho zaratanzwe ku buryo buhagije.

Mu Rwanda ntawe utazi icyorezo cya Coronavirus.Tukaba dusanga iki ari ikibazo aba bantu bagomba gukurikiranwa.Bari kuri station ya Muhoza.

Hari ingingo ya 230 mu gitabo cy’amategeko ahana ibyaha mu Rwanda,ihana abantu barenga ku byemezo by’ubuyobozi cyane cyane nka biriya biba byashyizweho n’inama y’Abaminisitiri."

CIP Alexis Rugigana yavuze ko abo bantu bashobora guhanishwa igifungo cy’amezi atandatu n’ihazabu cyangwa kimwe muri ibyo bihano, nyuma yo kureba uburemere bw’amakosa kuko itegeko riteganya ibihano byombi.

Abatawe muri yombi bireguye bavuga ko basengaga ngo Coronavirus ikire, ubundi bagasengera n’umugore ufite umwana urwaye.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Rubavu: Polisi yafatiye mu cyuho umusore wari ufite udupfunyika 380...

Polisi ikorera mu karere ka Rubavu, ku gicamunsi cyo kuwa Gatatu yafashe...
3 July 2020 Yasuwe: 176 0

Dr.Isaac Munyakazi ashobora gufungwa imyaka igera kuri 7 ibyaha akekwaho...

Ku wa 30 Kamena 2020 nibwo Ubushinjacyaha bwaregeye Urukiko dosiye iregwamo...
1 July 2020 Yasuwe: 1103 1

Nyaruguru: Abantu 4 bakekwaho kwica umugabo bagatwara inka ze yari aragiye...

Abantu bane bakekwaho kwica umugabo wari uragiye inka ze mu Murenge wa...
30 June 2020 Yasuwe: 1402 0

RIB yatangiye gukora iperereza kuri Minisitiri Gatete ukekwaho ibyaha...

Urwego rw’Igihugu rw’Ubugenzacyaha [RIB]rwatangiye iperereza Minisitiri...
29 June 2020 Yasuwe: 2720 2

Rubavu: Polisi yataye muri yombi umusore ukekwaho kwiba moto yarangiza...

Mu gitondo cyo ku wa Gatatu tariki ya 24 Kamena ni bwo Polisi yafashe...
26 June 2020 Yasuwe: 1149 0

Musanze: Umuryango wa Nyirangaruye wakubiswe n’abari abayobozi mu murenge wa...

Umubyeyi wa Nyirangaruye Uwineza Clarisse wavuze ko wizeye ko uzabona...
25 June 2020 Yasuwe: 971 1