Ntagengerwa wahembaga abakozi bataho muri CNLG yakatiwe imyaka 2 n’ ihazabu ya miliyoni 72

Amakuru   Yanditswe na: 30 December 2016 Yasuwe: 4222

Ntagengerwa Vestine wari ushinzwe abakozi muri Komisiyo y’Igihugu yo Kurwanya Jenoside yakatiwe igifungo cy’imyaka 2 n’ihazabu ya miliyoni 72 azira kuba yarahembaga abakozi ba baringa.

Kuri uyu wa gatanu tariki 30 Ukuboza 2016, nibwo urukiko Rwisumbuye rwa Nyarugenge, rwasomye urubanza ubushinjacyaha buregamo Ntagenerwa, rutekeka ko afungwa imyaka ibiri akanishyura izahabu ingana na miliyoni 72.

Ntagengerwa yari akurikiranweho icyaha cyo kunyereza umutungo wa Leta, aho yahimbye abakozi badakora muri CNLG akazajya abahemba imishahara agamije kuyigwizaho.

Umucamanza yavuze ko uyu mukozi yaniyemereye icyaha akanagisabira imbabazi.

Urukiko ruvuga ko rwasanze uyu mukozi yaranyereje miliyoni 36 z’amafaranga y’u Rwanda, aho Miliyoni 72 z’ihazabu yaciwe zabazwe hakubwe kabiri amafaranga yose yanyereje.

Uretse gutegekwa kwishyura aya mafaranga, Ntagengerwa yanategetswe kwishyura CNLG miliyoni 36 yanyereje. Bishatse kuvuga ko azishyura Miliyoni 108 z’amafaranga y’u Rwanda.

Muri Kanama uyu mwaka ni bwo Ntagengerwa yatawe muri yombi na Polisi y’u Rwanda, aho CNLG yahamije ko ari yo yahuruje nyuma y’uko ibonye ko uwo mukozi wayo yibye amafaranga menshi.

Icyo gihe Umunyamabanga Nshingwabikorwa wa CNLG, Dr Bizimana Jean Damascene yagize ati “Igenzura ni twe twarikoze, ntabwo ryakozwe n’abantu bavuye hanze, dusanga harimo amakosa koko akorwa n’umukozi, dusanga ayo makosa arimo icyaha noneho duhita tubishyikiriza inzego z’ubugenzacyaha. Icyaha cyose iyo kiba abantu bagira igihe cyo kukinenga. Ugikora ni we umenya igihe yagitangiriye, ariko igihe cyo kumenyekana ntawe ukigena, keretse nyine igihe igenzura ribaye rikabyerekana.”

Isomwa ry’uru rubanza ryabaye uwaregwaga adahari ndetse n’umwunganizi we.

Ubwo twaganiraga n’Umuvugizi wa Polisi mu Mujyi wa Kigali nyuma y’aho Ntagengerwa atawe muri yombi yavuze ko iperereza ryabo ry’ibanze ryerekanye ko abakozi ba baringa 4 muri CNLG batangiye guhembwa mu mwaka wa 2012.

Ku wa 31 Kanama 2016, Urukiko Rwisumbuye rwa Nyarugenge mu Mujyi wa Kigali ni bwo rwari rwategetse ko Ntagengerwa Vestine afungwa iminsi 30 y’agateganyo.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Umwana utawe n’umubyeyi atakaza isanomuzi

Byasa n’ibitungura nyirurugo kubyuka agasanga uruhinja imbere y’umuryango we...
13 February 2018 Yasuwe: 740 0

Ubushinjacyaha bwasabye polisi gukora iperereza kuri Niyibikora uherutse...

Ubushinjacyaha bw’ u Rwanda bwatangaje ko bwasabye polisi y’ u Rwanda ishami...
9 February 2018 Yasuwe: 6431 17

S/Lt Seyoboka yigambye ko ariwe warashe inzu y’Inteko (CND)

Uyu munsi ku rukiko rwa girisikare i Nyamirambo mu urubanza Sous Lieutenant...
8 February 2018 Yasuwe: 5702 0

Harakekwa akagambane na ruswa mu guteza cyamunara umutungo wa SINAPISI...

Umwe mu mitungo y’ umuryango ufasha abatishoboye Sinapisi Rwanda watejwe...
7 February 2018 Yasuwe: 4333 1

Nyabihu: Perezida Kagame yategetse ko bishyurwa mu cyumweru bagiye ku...

Hari Abaturage bo mu karere ka Nyabihu bamaze imyaka 10 basaba kwishyurwa...
7 February 2018 Yasuwe: 3608 2

Kubwimana uregwa kwica umuturanyi we yasabiwe gufungwa burundu, avuga ko...

Urukiko rwisumbuye rwa Muhanga kuri uyu wa Gatanu tariki 2 Gashyantare...
2 February 2018 Yasuwe: 3175 2