skol
startimes

Nyamagabe:Umwe mu bafatiwe mu kabari yemeje ko atazigera yongera kwemerera ijisho rye kureba ku kabari

Amakuru   Yanditswe na: Dusingizimana Remy 17 June 2020 Yasuwe: 1292

Abagabo n’abagore bafatiwe na polisi mu kabari i Nyamagabe, ubu bakaba bafungiye kuri sitasiyo ya polisi ya Gasaka, baricuza icyaha cyo kurenga ku mabwiriza yo kutajya mu tubari mu rwego rwo kwirinda Coronavirus, bakanagisabira imbabazi.


Abafashwe n’abagabo 8 n’abagore 3 bose mu murenge wa Gasaka bafatiwe mu kabari ka Josephine uwizeyimana,ku mugoroba wo kuwa Mbere tariki 15 Kamena 2020.

Umwe mu bafashwe yabwiye KT Radio ko atigeze ajya mu kabari kuva Coronavirus yatangira ariko inshuro imwe gusa yari agiyemo yafashwe atarananywa inzoga yari amaze kugura.

Yagize ati “Urabona umuntu uramubwira uti mpa aga Turbo aho ngaho ati urasiga ingwate ya 2000FRW kandi ayo mafaranga umugore akeneyemo ibirayi cyangwa udukara two gucana.Nanjye nuko byahise bingendekera ndavuga nti reka nkagotomere,birangira banamfashe ntaranakanywa.Nibwo nari nkicinjira.

Njyewe n’imbere y’Imana n’abayobozi bari aha mumpaye imbabazi ikijyanye n’akabari ndacyirinda.Nta muntu uzongera kumbona ku muhanda ndebesha ijisho ryanjye ku kabari.Inyota yo nzabwira umugore wanjye ateke icyayi cyangwa igikoma ariko ngume mu rugo.”

Undi musaza wafashwe yavuze ko yarimo gucuruza ibigori ageze ku kabari abona karafunguye niko kwinjira asaba urwagwa ararubura,nibwo abashinzwe umutekano bamufashe.

Umuvugizi wa Polisi mu ntara y’amagepfo,CIP Sylvestre Twajamahoro yasabye abantu kumva ko kwirinda Coronavirus bireba buri wese bityo ubonye urenga ku mabwiriza akamwibutsa imyitwarire ikwiriye n’ababonye abafunguye utubari bakabibwira ubuyobozi aho kwinjira bakajya gusaba icupa.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Urukiko rusesa imanza mu Bufaransa ruzumva ubujurire Bwa Kabuga

Urukiko rusesa imanza rw’Ubufaransa ruzavuga kuwa gatatu niba Kabuga...
28 September 2020 Yasuwe: 588 0

Rurageretse hagati ya Diyosezi ya Butare na Sosiyete y’Ubwubatsi...

Mu Ukuboza 2017 nibwo habayeho amasezerano hagati ya Diyosezi Gatolika ya...
27 September 2020 Yasuwe: 5804 5

Paul Rusesabagina yitakanye ubwenegihugu bw’u Rwanda

Mu rubanza rw’ubujurire ku ifungwa n’ifungurwa ry’agateganyo rya Paul...
26 September 2020 Yasuwe: 1758 0

Paul Rusesabagina yemeje ko bashinze FLN ’itagamije iterabwoba’ anashinja u...

Mu rubanza mu rukiko rwisumbuye i Kigali aho Paul Rusesabagina yaje...
25 September 2020 Yasuwe: 3890 0

Urukiko rw’Ubujurire rwashimangiye ko Dr. Leon Mugesera afungwa burundu...

Dr Léon Mugesera yabyukiye mu rukiko rw’ubujurire i Kigali, aho yabonetse...
25 September 2020 Yasuwe: 1716 0

Paul Rusesabagina yitabiriye urubanza rw’ubujurire

Urukiko rwisumbuye rwa Nyarugenge rukorera i Nyamirambo rwatangiye...
25 September 2020 Yasuwe: 917 0