startimes

Nyanza: Abantu 24 bahamijwe n’Urukiko ibyaha by’iterabwoba n’ubugambanyi

Amakuru   Yanditswe na: Dusingizimana Remy 29 May 2020 Yasuwe: 909

Urukiko Rukuru, Urugereko rwihariye ruburanisha ibyaha Mpuzamahanga n’ibyambuka imbibi, ruherereye mu Karere ka Nyanza, kuri uyu wa Gatanu rwasomye urubanza rw’abantu 25 bari bakurikiranyweho n’Ubushinjacyaha ibyaha birindwi birimo ubugambanyi bwo kugirira nabi ubutegetsi buriho.



Muri bo umwe witwa Nsengumuremyi Evariste, ni we wabaye umwere ku byaha yari akurikiranyweho, icyenda bakatiwe gufungwa imyaka 20, barindwi bakatirwa imyaka 15, umwe yakatiwe imyaka 10, umwe akatirwa imyaka itanu naho batandatu bakatirwa imyaka ibiri ariko bahita barekurwa kuko icyo gihe bakimaze muri gereza.

Abakatiwe gufungwa imyaka 20 ni; Nizeyimana James, Habakwiha Celestin, Basore Jean-Damascène, Hategekimana Emmanuel, Gashirabake Joseph, Gakumba Jean de Dieu, Ndamenye Jean, Bikorimana Emmanuel na Minani Jean Marie.

Abahanishijwe gufungwa imyaka 15 ni; Mukamurenzi Rose Dadari, Bavugirije François, Namuhoranye Pascal, Niyigena Jean, Nyiraneza Afusa, Kanyarubungo Nasoro na Nzabandora Japel.

Uwahanishijwe gufungwa imyaka 10 ni Bizimungu Joseph uzanatanga ihazabu ya miliyoni 2Frw. Nshimiyimana Innocent yahanishijwe gufungwa imyaka itanu no gutanga ihazabu ya miliyoni 1Frw.

Abakatiwe imyaka ibiri y’igifungo n’ihazabu y’ibihumbi 500Frw ni; Nsengiyumva Levi Abdoul, Ndamyubuhake Sylvere, Tuyizere Emmanuel, Madamu Esperance, Munderere Frodouard na Musabyimana Jonas.

Aba bose uko ari 25 bafatiwe ahantu hanyuranye harimo Rusizi, Rubavu na Kigali muri 2017. Ubushinjacyaha bwari bubakurikiranyweho ibyaha birindwi ari byo; kurema no gutunganya umutwe w’abagizi ba nabi, kuba mu ishyirahamwe ry’iterabwoba.

Hari kandi kugira uruhare mu bikorwa by’ishyirahamwe rikora iterabwoba cyangwa rikora ikintu cyose cyongerera ubushobozi irindi shyirahamwe ry’iterabwoba, ubugambanyi mu gushishikariza gukora iterabwoba, ubugambanyi bwo kugirira nabi ubutegetsi buriho.

Baregwaga kandi ibyaha byo gukwirakwiza mu buryo butemewe n’amategeko intwaro, amasasu n’ibindi bizikoreshwamo no kwinjiza mu gihugu ibiyobyabwenge.

Uru rubanza rwasomwe mu buryo bw’ikoranabuhanga rya Skype, kubera ingamba zo kwirinda icyorezo cya Coronavirus. Abasomewe bakaba bafungiwe muri gereza ya Nyanza abandi muri Gereza ya Nyarugenge.

Inkuru ya IGIHE

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Rwamuganza na bagenzi be 5 bakekwaho kunyereza miliyari 2 FRW za Leta...

Urukiko rwisumbuye rwa Gasabo rwategetse ko uwari Umunyamabanga Uhoraho...
14 July 2020 Yasuwe: 912 0

Umuyobozi w’Ibitaro bya Gitwe azamenyeshwa imyanzuro y’urukiko kuri uyu wa...

Bwana Gérard Urayeneza ukekwaho icyaha cya Jenoside no kuzimiza ibimenyetso...
14 July 2020 Yasuwe: 1315 0

RIB yataye muri yombi abagabo 3 bakekwaho kwica umwana w’imyaka 17 I...

Urwego rw’Igihugu rw’Ubugenzacyaha [RIB] rwatangaje ko rwataye muri yombi...
13 July 2020 Yasuwe: 3259 0

Polisi yataye muri yombi Hamuli azira gukwirakwiza ibihuha ko...

Kuri iki cyumweru tariki ya 12 Nyakanga Polisi y’u Rwanda yafashe uwitwa...
13 July 2020 Yasuwe: 3623 0

Sankara yabwiye urukiko impamvu yinjiye muri FLN n’ubufasha Zambia...

Nsabima Callixte uzwi kandi nka Sankara uyu munsi ku wa mbere yatangiye...
13 July 2020 Yasuwe: 4574 0

Rubavu: Yafashwe yaka ruswa motari amubeshya ko yayitumwe n’abapolisi

Polisi ikorera mu Karere ka Rubavu mu murenge wa Rubavu kuri uyu wa...
13 July 2020 Yasuwe: 1163 0