skol
startimes

Paul Rusesabagina yitabiriye urubanza rw’ubujurire

Amakuru   Yanditswe na: Dusingizimana Remy 25 September 2020 Yasuwe: 925

Urukiko rwisumbuye rwa Nyarugenge rukorera i Nyamirambo rwatangiye kuburanisha urubanza rw’ubujurire ku ifunga n’ifungurwa ry’agateganyo rya Paul Rusesabagina.


Ni nyuma y’aho Urukiko rw’Ibanze rwa Kicukiro rutegetse ko Rusesabagina afungwa iminsi 30 y’agateganyo, agahita ajuririra iki cyemezo.

Uyu munsi Rusesabagina yagaragaye yambaye imyenda y’iroza yambara imfungwa n’agapfukamunwa k’iroza ubwo yari ageze ku rukiko.

Kuwa 17 Nzeri 2020,nibwo Urukiko rw’ibanze rwa Kagarama mu mujyi wa Kigali rwategetse ko Paul Rusesabagina uregwa ibyaha 13 bigendanye n’iterabwoba akomeza gufungwa by’agateganyo.

Umucamanza yavuze ko hari ibimenyetso bikomeye ku byaha 13 Bwana Rusesabagina aregwa, bityo akwiye gukomeza gufungwa by’agateganyo iminsi 30 ngo "atabangamira iperereza".

Umucamanza amaze kuvuga ibi, Bwana Rusesabagina ubwe yahise asaba ijambo, avuga ko ajuririye iki cyemezo.

Mu ibunirasha riheruka, uruhande rwe rwari rwasabye ko arekurwa agakurikiranwa adafunzwe kubera impamvu zirimo uburwayi no kuba ari umwizerwa kubera ibihembo mpuzamahanga yahawe.

Ubushinjacyaha bwari bwasabye ko akomeza gufungwa, buvuga ko hasanzwe hari uburyo abafunze barwaye bavurwa.

Icyemezo cy’urukiko cyo kuwa 17 Nzeri, cyavuze ko Bwana Rusesabagina ashobora guhita ajya gufungirwa muri imwe muri gereza zo mu Rwanda.

Kuva mu byumweru birenga bibiri bishize yerekanwa ko yafashwe,Bwana Rusesabagina yari afungiwe kuri sitasiyo ya polisi I Remera.

Rusesabagina yamenyekanye nyuma yo gushingirwaho inkuru ya filimi Hotel Rwanda igaragaza ko yarokoye abantu muri Jenoside yakorewe Abatutsi mu Rwanda muri Hotel des Milles Collines gusa benshi mu bayirokokeyemo bavuze ko abyiyitirira.

Rusesabagina aregwa ibyaha bishingiye ku bitero by’umutwe wa FLN ku Rwanda mu 2018 na 2019, byaguyemo abantu mu turere twa Nyaruguru na Nyamagabe, ahegereye ishyamba rya Nyungwe.

Umutwe wa FLN ni ishami rya gisirikare ry’impuzamashyaka MRCD-Ubumwe, Bwana Rusesabagina abereye umukuru wungirije.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

RIB yataye muri yombi umukozi wa RTDA ukekwaho kwaka ruswa

RIB yafunze Nzeyimana Eddy Palatin, umukozi mu kigo cy’Igihugu gishinzwe...
20 October 2020 Yasuwe: 1747 1

Urukiko rwemeje ko Dr.Gahakwa Daphrose wabaye minisitiri afungwa iminsi 30...

Urukiko rw’Ibanze rwa Gasabo rwategetse ko Dr Gahakwa Daphrose wigeze kuba...
20 October 2020 Yasuwe: 956 0

Rusesabagina yazanwe mu rukiko kuburana ku iyongerwa ry’iminsi yo gufungwa...

Mu buryo butunguranye, uyu munsi kuwa kabiri mu gitondo Paul Rusesabagina...
20 October 2020 Yasuwe: 1667 0

RIB yafashe Nshimiyimana yari imaze iminsi ishakisha cyane

Urwego rw’Igihugu rw’Ubugenzacyaha (RIB) rwatangaje ko kuri uyu wa Gatandatu...
18 October 2020 Yasuwe: 1813 0

Dr Isaac Munyakazi yakatiwe gufungwa imyaka 10 n’ihazabu ya miliyoni 10 FRW...

Dr Isaac Munyakazi wahoze ari Umunyamabanga wa Leta muri Minisiteri...
16 October 2020 Yasuwe: 1579 0

Dr Daphrose Gahakwa wahoze ari Minisitiri yahakanye ibyaha byose...

Urukiko rw’Ibanze rwa Gasabo rwatangiye kuburanisha Dr Gahakwa Daphrose...
15 October 2020 Yasuwe: 2663 0