skol
startimes

RIB yafashe Nshimiyimana yari imaze iminsi ishakisha cyane

Amakuru   Yanditswe na: Dusingizimana Remy 18 October 2020 Yasuwe: 4377

Urwego rw’Igihugu rw’Ubugenzacyaha (RIB) rwatangaje ko kuri uyu wa Gatandatu tariki 17 Ukwakira 2020, rwafashe Nshimiyimana Emmanuel washakishwaga n’Ubugenzacyaha kubera icyaha akekwaho cyo kwica umugore we agahita atoroka.


RIB ivuga ko yafatiwe mu Mudugudu wa Kanyinya, Akagari k’Isangano, Umurenge wa Ndego, mu Karere ka Kayonza niho yakerakeraga yihishahisha.

RIB ivuga ko ishimira abaturage batanze amakuru yatumye ukekwa afatwa.

Yagize iti" RIB irabamenyesha ko Nshimiyimana Emmanuel washakishwaga n’Ubugenzacyaha kubera icyaha akekwaho cyo kwica umugore we agahita atoroka yafashwe ku gicamunsi cy’uyu munsi.

Yafatiwe aho yihishahishaga mu Karere ka #Kayonza, Umurenge wa Ndego, Akagari k’Isangano, Umudugudu wa Kanyinya.

RIB irashimira abaturage batanze amakuru yatumye ukekwa afatwa.

Ubu afungiwe kuri RIB Sitasiyo ya Kibungo aho ategereje gushyikirizwa Ubushinjacyaha."

Kuwa Gatandatu tariki ya 3 Ukwakira 2020 nibwo Nshimiyimana Emmanuel w’imyaka 36 y’amavuko wo mu Kagari ka Rubago mu Murenge wa Rukumberi mu Karere ka Ngoma, yavuzweho kwica umugore we amutemye arapfa ahita atoroka.

Icyo gihe,Umunyamabanga Nshingwabikorwa w’Umurenge wa Rukumberi, Mbarushimana Ildephonse yabwiye Umuseke ko inzego z’umutekano zashakishaga uyu Nshimiyimana ukekwaho kwica umugore we, bari barasezeranye witwa Ntabahuzimana Hilaliya.Gusa avuga ko baribamaze igihe batakibana.

Ati ”Bakibana babanje gutura i Rukumberi, hanyuma baza gutandukana umugore we ajya gutura mu Karere ka Kirehe, ubwo rero yari yagarutse i Rukumberi kwaka umugabo we amafaranga ya Mituweli nibwo yamwishe.”

Avuga ko uyu nyakwigendera atari yaraye ku mugabo we, ahubwo ngo yari yaraye ku muturanyi ari naho umugabo we yamusanze ndetse anakomeretsa umwe mu batabaye.

Ati ”Mu ijoro umugore yasohotse agiye kwikiranura n’umubiri undi ahita amubona amwirukankaho abaturanyi barahurura uwatabaye bwa mbere yahise amutema ukuboko, yadukira wa mugore amutemesha umuhoro arapfa.”

Nshimiyimana Emmanuel akekwaho kwica umugore we nyuma y’uko yari amaze gufungurwa n’ubundi kubera ko yafunzwe azira guhoza ku nkeke uwo bashakanye n’ubushoreke.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Musanze: Uwahoze ari Gitifu wa Cyuve n’abo bari bafunganwe bashinjwa...

Uwahoze ari Umunyamabanga Nshingwabikorwa w’Umurenge wa Cyuve, Sebashotsi...
15 January 2021 Yasuwe: 3417 0

Wa musirikare warashe umusore amushinja gutera inda umukobwa we yakatiwe...

Urukiko rwa Gisirikare i Nyamirambo rwahamije Maj. Godfrey Mudaheranwa uzwi...
31 December 2020 Yasuwe: 5585 0

Paul Muvunyi ushinjwa gukoresha impapuro mpimbano yitabye ubushinjacyaha

Umunyemari Paul Muvunyi wabaye na Perezida wa Rayon Sports, ukurikiranyweho...
30 December 2020 Yasuwe: 4796 0

Nyanza:Umuyobozi w’ikigo cy’amashuri yarezwe n’umunyeshuri umushinja...

Umuyobozi w’ishuri rya Ecole des Science St Louis des Montfort Nyanza,...
17 December 2020 Yasuwe: 5919 1

U Rwanda rwasubije depite Carolyn Maloney wo muri Amerika wasabye ko Paul...

Minisitiri w’Ubutabera akaba n’Intumwa Nkuru ya Leta, Johnston Busingye...
17 December 2020 Yasuwe: 4858 0

Rwanda: Abari mu bakuru ba FDLR basabye urukiko ko basubizwa mu buzima...

Babiri bahoze mu buyobozi bw’umutwe wa FDLR bemereye urukiko ruburanisha...
10 December 2020 Yasuwe: 4560 0