Rubavu: Wa Musirikare warashe abaturage habonetse undi uvuga ko yamuciye akaguru

Amakuru   Yanditswe na: Nsanzimana Ernest 17 September 2018 Yasuwe: 2295

Kuri uyu wa Mbere tariki 17 Nzeli ubwo hari hagiye kuba iburanisha mu rubanza ruregwamo Private Ngendahimana Bosco ukurikiranyweho kurasa abaturage mu ijoro ryo ku wa 10 Kanama. Uru rubanza rwari rwitabiriwe n’abaturage benshi barimo Hakizimana Vincent warashwe akaguru bikaza kumuviramo kugaca.
Urukiko rwa Gisirikare rwari rwimuriye imirimo yarwo mu murenge wa Rubavu mu karere ka Rubavu, uyu munsi rwasubitse.

Hakizimana Vincent warashwe akaguru bikaza kumuviramo kugaca na we yari yaje mu iburanishaHakizimana Vincent warashwe akaguru bikaza kumuviramo kugaca na we yari yaje mu iburanisha.

Umucamanza Maj Muhigirirwa Gerard wari uyoboye inteko iburanisha, yabanje kubaza uregwa niba yiteguye kuburana, avuga ko adafite umwunganira mu mategeko.

Ibi abivuze mu gihe mu iburanisha rya mbere yari yabanje kwemera icyaha ndetse ko adakeneye umwunganira mu mategeko ngo ko aziburanira.

Ngo yagiye aganira n’abo mu muryango we bagiye baza kumusura aho afungiye bamubwira ko atashobora kwiburanira bityo ko agomba kubanza kumushaka.

Yabwiye urukiko rwa Gisirikare ko ari gushaka umukiriya w’umurima we kugira ngo abone amafaranga yo kwishyura umunyamategeko uzamwunganira.

Umucamanza yahise abaza Capt Faustin Nzakamwita icyo avuga kuri ibi byari bitangajwe n’uregwa, avuga ko kuba avuga ko atabura atunganiwe ari uburenganzira bwe kandi bukwiye kubahirizwa kuko abyemererwa n’Itegeko Nshinga.

Umushinjacyaha ati “Ubushize yari yemeye kuburana nubwo atari afite umwunganizi, ubwo uyu musi avuga ko ataburana adafite umwunganizi uko itegeko ribiteganya kandi akaba ari ubwambere abisabye yabihabwa kuko tutabibonamo nko gutinza urubanza.”

Me Musabwa Frederick wunganira abaregera indishyi yunze mu ry’ubushinjacyaha avuga ko umuntu iyo ashaka kuburana yunganiwe ari uburenganzira bityo ko urubanza rwasubikwa.

Gusa yasabye Urukiko gusuzuma icyatumye uhagarariye leta muri uru rubanza atitabye kandi yaratumiwe tariki ya 11 Nzeri.

Mbere y’uko inteko iburanisha yiherera, ubushinjacyaha bwashyikirije urukiko raporo ya muganga y’agateganyo igaragaza ubumuga bw’abakomerekejwe n’uregwa.

Ubwo uyu musirikare yarasaga aba baturage uwitwa Benimana Jean Marie Vianney yahise ahasiga ubuzima mu gihe Hakizimana Vincent yakomerekejwe ukuguru bikamuviramo kuguca na Nzahabimana Theoneste warashwe akaguru biravugwa ko na we bashobora kuzagaca.

Urukiko rwanzuye ko urubanza ruzasubukurwa ku wa 07 Ugushyingo mu mudugudu wa Rurembo aho icyaha cyakorerewe.

Umuseke

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


Inzindi nkuru

ADEPR: Batatu bahamwe n’icyaha abandi barimo na Bishop Tom Rwagasana bagirwa...

Abahoze ari abayobozi bakuru b’itorero rya ADEPR barimo Bishop Jean Sibomana...
14 December 2018 Yasuwe: 6792 4

Urubanza ruregwamo umunyamakuru Phocas Ndayizera ruzaburanishwa mu...

Kuri uyu wa Kane tariki 13, Urukiko rw’ibanze rwa Nyarugenge rwafashe...
13 December 2018 Yasuwe: 686 0

Ubushinjacyaha bugiye kujuririra icyemezo cyo kurekura Diane Rwigara...

Umushinjacyaha Mukuru, Mutangana Jean Bosco, yemeje ko Ubushinjacyaha...
12 December 2018 Yasuwe: 1875 1

Wenceslas Twagirayezu uregwa ibyaha bya jenoside yagejejwe i...

Ku mugoroba wo kuri uyu wa 11 Ukuboza nibwo indege yari intwaye Twagirayezu...
12 December 2018 Yasuwe: 1309 0

U Rwanda rwategetswe kwishyura Victoire Ingabire miliyoni 50...

Urukiko Nyafurika rushinzwe uburenganzira bwa muntu rufite ikicaro muri...
10 December 2018 Yasuwe: 4701 0

Diane Rwigara na nyina Adeline Rwigara bahanaguweho ibyaha

Kuri uyu wa Kane tariki 6 Ukuboza 2018, Urukiko Rukuru rwagize abere Diane...
6 December 2018 Yasuwe: 4778 0