U Bufaransa: Umunyarwanda wa kane ushinjwa Jenoside agiye kuburanishwa

Amakuru   Yanditswe na: Iyamuremye Janvier 20 November 2017 Yasuwe: 359

Ubushinjacyaha bwo mu Bufaransa bwategetse ko Umufaransa w’imyaka 56 y’amavuko ukomoka mu Rwanda witwa Muhayimana Claude agomba kuburanishwa ibyaha bya jenoside yakorewe Abatutsi mu Rwanda mu 1994.

AFP yatangaje ko mu byo Muhayimana aregwa harimo ko yatwaraga mu modoka Interahamwe zajyaga kwica Abatutsi mu ishuli ryisumbuye rya Nyamishaba, no mu misozi ya Karongi, Gitwa na Bisesero hahoze ari muri perefegitura ya Kibuye.

Muhayimana Claude yahoze ari umushoferi wa hotel Guest House yo mu mujyi wa Kibuye. Yabanje kuba impunzi mu Bufaransa, aza kuhabona ubwenegihugu mu 2010. Mu 2013, ishyirahamwe riharanira inyungu z’abahohotewe ryo mu Bufaransa ryitwa “Collectif des parties civiles pour le Rwanda, CPCR,” ryamutanzeho ikirego. Yatawe muri yombi mu 2014 mu mujyi wa Rouen, aho yari umukozi w’akarere. Ibyaha aregwa arabihakana.

Naburana, azaba abaye Umunyarwanda wa kane uciriwe urubanza mu Bufaransa kubera jenoside yo mu 1994 mu Rwanda. Uwa mbere ni Capitaine Simbikangwa Pascal. Yakatiwe igifungo cy’imyaka 25 mu 2014. Igihano cyarangije kwemezwa no mu bujurire.

Abandi ni ba burugumesitiri babili, Ngenzi Otavien na Barahira Tito, bo mu cyahoze ari perefegiyura ya Kibungo. Bakatiwe gufungwa burundu mu mwaka ushize. Urubanza rwabo ruracyari mu bujurire. Ubucamanza bw’Ubufuransa bufite dosiye 25 za jenoside yakorewe Abatutsi.

Claude Muhayimana [uri i bumoso] na Innocent Musabyimana,iburyo , muri rukiko mu Bufaransa mu 2013

Ijwi ry’Amerika

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Rwanda: Abakurikiranyweho kwiba Access Bank basabiwe gufungwa imyaka...

Abanyarwanda n’ Abanyanigeria bahakana icyaha cyo kurema umutwe w’abagizi ba...
16 October 2018 Yasuwe: 3581 0

Abacamanza b’ Abafaransa basabye ko iperereza ku wahanuye indege ya...

Uru rubanza rumaze igihe ndetse rutuma u Rwanda rutarebana neza n’ u...
14 October 2018 Yasuwe: 1452 2

Umusirikare warasiye umuntu I Nyamirambo n’abo bareganwa bakatiwe gufungwa...

Abantu batatu bakurikiranweho kugira uruhare mu iyicwa rya nyakwigendera...
8 October 2018 Yasuwe: 1352 0

Ubushinjacyaha ntiburamenya niba bujuririra irekurwa rya Diane Rwigara na...

Ubushinjacyaha bukuru bw’ u Rwanda bwatangaje ko bugiye kwicara bugasoma...
5 October 2018 Yasuwe: 1107 0

Diane Rwigara na nyina Adeline Rwigara barekuwe by’ agateganyo

Urukiko rukuru kuri uyu wa 5 Ukwakira 2018 rwafashe icyemezo cyo kurekura...
5 October 2018 Yasuwe: 6582 0

‘Mwirinde gusiragiza umuturage’ Minisitiri Busingye yakira indahiro z’...

Minisitiri w’Ubutabera akaba n’ intumwa Nkuru ya Leta Busingye Johnston kuri...
4 October 2018 Yasuwe: 180 0