Urwisumbuye rwa Nyamagabe rwategetse ko Twayituriki Emmanuel arekurwa by’agateganyo

Amakuru   Yanditswe na: Nsanzimana Ernest 3 July 2018 Yasuwe: 1550

Urukiko rwisumbuye rwa Nyamagabe rwategetse ko Umunyamabanga Nshingwabikorwa w’Akarere ka Nyamagabe, Twayituriki Emmanuel arekurwa by’agateganyo kubera ko aregwa ibyaha bitarengeje imyaka ibiri y’igifungo no kuba afite uburwayi bwa Diabetes.

Uru rukiko Rwisumbuye rwa Nyamagabe rwaburanishije Twayituriki Emmanuel nyuma y’iminsi ibiri gusa arujuririye ikemezo cyo gufungwa by’agateganyo yari yafatiwe n’urukiko rw’Ibanze rwa Gasaka.

Ubushinjacyaha bwasabaga ko uregwa akomeza gufungwa buvuga ko arekuwe ashobora kotsa igitutu abo bakorana kugira ngo barengere inyungu ze mu birego akurikiranyweho cyangwa akaba yasibanganya ibimenyetso.

Bwavugaga kandi ko ibyaha bikekwa kuri Twayituriki Emmanuel bihanishwa igifungo kiri hejuru y’imyaka ibiri, bugasaba ko kuba afunzwe ari bwo buryo bwonyine bwabworohereza gukomeza iperereza.

Umucamanza w’Urukiko rwisumbuye rwa Nyamagabe yatesheje agaciro izi mpamvu, avuga ko biriya byaha bihanishwa igifungo kitarenze imyaka ibiri.

Uregwa kandi yari yagaragarije urukiko rwisumbuye ibyangombwa bya muganga bigaragaza ko arwaye indwara ya diabetes, asaba ko yarekurwa kugira ngo age gukurikiranwa ari hanze.

Inkuru y’umuserke ivuga ko Umucamanza w’Urukiko rwisumbuye wagarutse ku ihame ry’uko uregwa aburana ari hanze, yavuze ko uregwa ariwe Twayituriki Emmanuel arekurwa by’agateganyo agakurukiranwa ari hanze.

Yahise atesha agaciro ikemezo cy’urukiko rw’Ibanze rwa Gasaka, ategeka ko uregwa ahita arekurwa by’agateganyo akajya yitaba Umushinjacyaha rimwe mu cyumweru.

Twayituriki Emmanuel yasomewe uyu mwanzuro adahari, mu gihe Ubushinjacyaha baburana bwari buhagarariwe.

Uyu muyobozi mu karere ka Nyamagabe wari warafatiwe ikemezo cyo gufungwa by’agateganyo iminsi 30, yavugaga ko atari we ukwiye kuba afungwa.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble Bosco

    Mwatugejejeho n’amakuru y’abayobozi ba Burera bafashwe ukwezi kugiye gushira.

    3 months ago

Inzindi nkuru

Kanyankore alex wayoboraga BRD yaburanye ahakana ibyo aregwa

Kuri uyu 17 Ukwakira uwahoze ari Umuyobozi wa Banki itsura Amajyambere...
17 October 2018 Yasuwe: 594 0

Rwanda: Abakurikiranyweho kwiba Access Bank basabiwe gufungwa imyaka...

Abanyarwanda n’ Abanyanigeria bahakana icyaha cyo kurema umutwe w’abagizi ba...
16 October 2018 Yasuwe: 3632 0

Abacamanza b’ Abafaransa basabye ko iperereza ku wahanuye indege ya...

Uru rubanza rumaze igihe ndetse rutuma u Rwanda rutarebana neza n’ u...
14 October 2018 Yasuwe: 1470 2

Umusirikare warasiye umuntu I Nyamirambo n’abo bareganwa bakatiwe gufungwa...

Abantu batatu bakurikiranweho kugira uruhare mu iyicwa rya nyakwigendera...
8 October 2018 Yasuwe: 1356 0

Ubushinjacyaha ntiburamenya niba bujuririra irekurwa rya Diane Rwigara na...

Ubushinjacyaha bukuru bw’ u Rwanda bwatangaje ko bugiye kwicara bugasoma...
5 October 2018 Yasuwe: 1109 0

Diane Rwigara na nyina Adeline Rwigara barekuwe by’ agateganyo

Urukiko rukuru kuri uyu wa 5 Ukwakira 2018 rwafashe icyemezo cyo kurekura...
5 October 2018 Yasuwe: 6597 0