Kigali

14 bafatiwe mu bikorwa byo kurwanya ikorwa n’icuruzwa ry’inzoga zitemewe

Amakuru   Yanditswe na: Iyamuremye Janvier 6 February 2018 Yasuwe: 261

Ku cyumweru tariki ya 4 Gashyantare, abantu 14 bo mu turere twa Huye na Gisagara, bafashwe na Polisi y’u Rwanda mu bikorwa bitandukanye byo kurwanya ikorwa n’icuruzwa ry’inzoga zitemewe zizwi ku izina rya “muriture”. Muri utu turere twombi hafatiwe litiro 3770 z’iyi nzoga itemewe; aho litiro 3320 zafatiwe mu murenge wa Mukindo mu karere ka Gisagara.

Umwe mu bafanywe izi nzoga z’inkorano ni Twagirayezu Vedaste wo mu murenge wa Kigoma mu karere ka Huye wafatanywe litito 450 ndetse n’ibikoresho byifashishwaga mu kuzikora.

Polisi kandi yanafashe amacupa ibihumbi 5 bya Heineken ashyirwamo izi nzoga mbere yo kuzicuruza.

Iyi nzoga itemewe ya muriture ikorwa mu bikoresho bitandukanye bitujuje ubuziranenge birimo amatafari, amafumbire y’ubwoko bunyuranye, ibisigazwa by’ibisheke bivamo isukari bakunze kwita melasi , umutobe w’ibitoki, amazi, amasukari n’ibindi.

Umuvugizi wa Polisi y’u Rwanda mu Ntara y’Amajyepfo Chief Inspector of Police (CIP) Emmanuel Kayigi yavuze ko inzoga nk’izi zigira ingaruka mbi ku buzima bw’abazinywa. Yakomeje avuga ko ibikorwa byo kurwanya inzoga zitemewe kandi zitujuje ubuziranenge bizakomeza ndetse n’ibiyobyabwenge by’ubwoko butandukanye.

Ibikorwa nk’ibi byo kurwanya ibiyobyabwenge nk’ibi bibaye mu gihe Leta y’u Rwanda na Polisi y’u Rwanda bakora ubukangurambaga n’ibindi bikorwa bigamije kurwanya ibiyobyabwenge hirya no hino mu gihugu kuko bigira ingaruka mbi ku baturage no ku rubyiruko by’umwihariko ndetse no ku iterambere ry’igihugu.

Ingingo ya 594 yo mu gitabo cy’amategeko ahana ibyaha mu Rwanda ivuga ko umuntu wese unywa, witera, uhumeka, wisiga cyangwa ukoresha ubundi buryo ubwo ari bwo bwose ibiyobyabwenge n’urusobe rw’imiti ikoreshwa nka byo mu buryo bunyuranyije n’amategeko, ahanishwa igifungo kuva ku mwaka umwe (1) kugeza ku myaka itatu (3) n’ihazabu y’amafaranga y’u Rwanda kuva ku bihumbi mirongo itanu (50.000) kugeza ku bihumbi magana atanu (500.000).

Umwaka ushize, Polisi y’u Rwanda n’ikigo cy’igihugu gishinzwe ubuziranenge (RSB) batangiye ibikorwa byo kugenzura no kureba ko hari inganda zikora ibinyobwa n’ibiribwa zitujuje ibyangombwa bisabwa; hakaba hari zimwe zafunzwe.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Bwa mbere Kigali igiye kwakira inama nini izitabirwa n’ abantu 10...

Mu mpera z’ umwaka utaha I Kigali mu Rwanda hazabera inama nini ivuga kuri...
24 March 2018 Yasuwe: 2631 0

Msgr Bimenyimana Jean Damascène wayoboraga Diyosezi ya Cyangugu yaguye...

Kuri iki cyumweru nibwo hamenyekanye inkuru y’urupfu rwa Musenyeli...
11 March 2018 Yasuwe: 1593 1

Nyaruguru: Nyakwigendera Karamba biravugwa ko yazize inzara, abandi...

Abarokotse jenoside yakorewe abatutsi batishoboye batujwe mu mudugudu...
11 March 2018 Yasuwe: 7265 6

Niba uryamana terefone ngendannwa hafi yawe urashyira ubuzima bwawe mu...

Abantu batandukanye bakunze gushyira terefone ngendanwa zabo hafi y’uburiri...
27 February 2018 Yasuwe: 2316 1

Nyagatare: Polisi yataye muri yombi batatu binjizaga inzoga zitemewe mu...

Mu gitondo cyo kuri uyu wa mbere tariki ya 26 Gashyantare 2018, Polisi y’u...
26 February 2018 Yasuwe: 230 0

Karongi: Impunzi z’Abanyekongo zaguye mu myigaragambyo bashyinguwe

Ku wa Gatandatu tariki ya 24 Gashyantare, 2018 ni bwo hashyinguwe imirambo...
25 February 2018 Yasuwe: 3355 1