Kigali

Abaganga bihariye bagiye gusuzuma abagororwa nyuma y’uko Umugabo afunzwe yinjiza ’Mugo’ muri gereza

Amakuru   Yanditswe na: Iyamuremye Janvier 17 September 2017 Yasuwe: 1996

Mu gitondo cyo kuri uyu wa gatanu, umugabo witwa Hagenimana Ismael yafatiwe kuri gereza ya Nyarugenge iherereye mu karere ka Nyarugenge, agemuriye umugororwa witwa Jean luc ikiyobyabwenge cyo mu bwoko bwa Heroine(bakunze kwita Mugo). Ni ubwa mbere hafatwa ikiyobyabwenge cyo mu bwoko bwa Heoine kigiye kwinjira muri gereza.

Uwitwa Jean Luc wari ugemuriwe iki kiyobyabwenge, asanzwe afungiwe muri gereza ya Mageragere n’ubundi azira icyaha cyo gukoresha ibiyobwabwenge.

Hagenimana Ismael wafatanwe iki kiyobyabwenge agerageza kukinjiza muri gereza, na we yigeze gufungwa muri gereza azira icyaha cyo gufata ku ngufu.

Uyu Ismael yahise ashyikirizwa inzego za Polisi ngo zikomeze iperereza, hanashakishwe abandi baba bafatanyije na we.

Si ubwa mbere hafatwa abashaka kwinjiza ibibyobwenge muri gereza kuko kugera ubu hari abagera kuri 7 bafunzwe bahamwe n’ icyaha cyo kuzana ibiyobyabwenge muri gereza.

Urwego rw’igihugu rushinzwe imfungwa n’abagororwa RCS rushimira abaturage batanga amakuru atuma abantu nk’ aba batabwa muri yombi nk’uko byatangajwe n’ umuvugizi wa RCS SIP Sengabo Hillary.

SIP Hillary anaboneraho kuburira abaturage basura ababo bafungiwe muri gereza kudahirahira kuzana ibibyabwenge kuko ubigererageje afatwa kandi bikagira ingaruka no kuwo yari abigemuriye.

Ati "Turaburira abaturage kuko uko byagenda kose uzabigerageza azafatwa, kandi nafatwa azabihanirwa n’amategeko ariko bizanagira n’ingaruka kuwo abigemuririye zirimo kuba ashobora guhagarikirwa burundu kongera kugemurirwa; ndetse no akaba ashobora no kongererwa ibihano".

Ubuyobozi bwa RCS kandi burihanangiriza abafite impushya zo kugemurira abantu kuri gereza, kuko ari bo biganje mu bafatanwe ibi biyobyabwenge, aho usanga babizana babihishe mu byo kurya baba bagemuye.

Mu gushaka umuti urambye w’ iki kibazo, RCS ku bufatanye n’inzego z’ubuzima, baratekereza uburyo hashyirwaho abaganga bihariye bazahabwa uburenganzira bwo kujya basuzuma abagororwa, bakemeza abafite uburwayi bakwiye guhabwa impushya zo kugemurirwa, kuko byagaragaye ko impushya ziva mu baganga bo hanze harimo izihabwa abantu batarwaye.

Author : Iyamuremye Janvier

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Nyamasheke: Umusore yagwiriwe n’ikirombe ahita yitaba Imana

Ku itariki ya 20 Gashyantare, mu karere ka Nyamasheke mu murenge wa...
24 February 2018 Yasuwe: 158 0

Kigali: Ahacururizwaga inyama hari isuku nke hafunzwe

Kuri uyu wa gatanu tariki ya 23 Gashyantare, Polisi y’u Rwanda, Minisiteri...
24 February 2018 Yasuwe: 316 0

Rusizi: Akeneye ubufasha bwawe, umwana we yamize igiceri cy’i 100 gihagama...

Umubyeyi witwa Mukashyaka Louise utuye mu Mudugudu wa Nyabihanga mu Kagari...
20 February 2018 Yasuwe: 2170 1

Musanze: Abanyeshuri 82 bajyanywe kwa muganga nyuma yo kurya...

Abanyeshuri bagera kuri 82 biga mu Rwunge rw’Amashuri (GS) Muko riherereye...
15 February 2018 Yasuwe: 1123 0

Karongi: Ku myaka 50, intoki, amano n’ikirenge byatobowe n’amavunja-AMAFOTO

Umugabo witwa Iribanje Ildefonse uri mu kigero cy’imyaka 50 y’amavuko utuye...
14 February 2018 Yasuwe: 1738 2

Kigali: Umugore yafatanywe uruhinja yibye

Polisi y’u Rwanda yataye muri yombi umugore wari wibye uruhinja rw’amezi...
11 February 2018 Yasuwe: 2955 0