skol
Kigali
startimes

Abantu 253 bakize Covid-19 mu gihe abandi 03 bayanduye

Amakuru   Yanditswe na: Dusingizimana Remy 13 October 2020 Yasuwe: 1295

Minisiteri y’Ubuzima yatangaje ko kuri uyu wa Kabiri tariki ya 13 Ukwakira 2020, abantu 03 aribo banduye Covid-19 mu gihe abandi 253 bakize Coronavirus mu bipimo 1,884 byafashwe.


Abarwayi bashya bagaragaye mu Mujyi wa Kigali ahabonetse umwe mu gihe mu Turere twa Nyagatare na Rubavu naho hasanzwe umwe.

Umubare w’abantu bamaze kwandura iki cyorezo cya Covid-19 mu Rwanda wabaye 4,908 mu bipimo 523 021 bimaze gufatwa, mu gihe abamaze gukira bose hamwe ari 4,130. Abakirwaye ni 746.Abamaze guhitanwa n’iki cyorezo ni 32.

Abanyarwanda barasabwa kutirara ngo bumve ko icyorezo cyarangiye.Bagirwa inama yo gukomeza kubahiriza amabwiriza yashyizweho, bibuka kwambara agapfukamunwa n’amazuru buri gihe bavuye mu ngo, bakaraba intoki kenshi no kwirinda amakoraniro n’ibindi bintu byose bishobora guhuriza hamwe abantu benshi.

Umuntu ugaragaje ibimenyetso bya Coronavirus birimo inkorora, guhumeka nabi, gucika intege n’ibindi, agirwa inama yo guhamagara umurongo utishyurwa wa 114 kugira ngo ahabwe ubufasha n’abaganga.

Mu gihe gihe kitageze ku mwaka, umurwayi wa mbere wa COVID-19 agaragaye mu Bushinwa, umubare w’abacyandura ukomeje kwiyongera umunsi ku munsi, kuri ubu ku Isi yose babarirwa muri miliyoni 37.8.

Kugeza ubu ibihugu bimaze kugeramo iki cyorezo ku Isi bibarirwa muri 216, aho ibifata ibipimo buri munsi ibyinshi muri byo bidahwema kubona umubare mushya w’abarwayi ba COVID-19.

Nubwo iki cyorezo ari urugamba rusangiwe n’Isi yose, hari ibihugu byibasiwe kurenza ibindi, aho usanga byaragiye bigira umubare munini w’abandura n’abahitanywa n’iki cyorezo.

Kugeza ubu Leta Zunze Ubumwe za Amerika, nicyo gihugu kiri ku isonga mu bifite abarwayi benshi ba COVID-19, aho basaga miliyoni umunani mu gihe abapfuye basaga ibihumbi 200.

Mu bihugu byibasiwe cyane hazamo kandi u Buhinde bufite abanduye barenga miliyoni zirindwi n’abishwe na COVID-19 barenga ibihumbi 100. Ikindi gifite abanduye babarirwa muri miliyoni ni Brésil, ifite abagera kuri miliyoni eshanu n’abapfuye basaga ibihumbi 150.

Umugabane wa Afurika ntabwo wibasiwe cyane ugereranyije n’indi nka Amerika n’u Burayi, kuko kugeza ubu igihugu gifite abarwayi benshi kuri uyu mugabane ari Afurika y’Epfo ifite abarwayi barenga gato ibihumbi 690, ikaza ku mwanya wa 11 ku Isi mu bifite abarwayi benshi.

Afurika y’Epfo ikurikirwa na Maroc, kuri ubu ifite abarwayi basaga ibihumbi 150 n’abapfuye ibihumbi bibiri.

Mu Karere u Rwanda ruherereyemo Kenya, niyo ifite umubare munini w’abarwayi, aho babarirwa mu bihumbi 41 n’abapfuye basaga basaga 700. Muri aka karere igihugu gifite umubare muto w’abahitanywe na COVID-19 ni u Burundi bufite umuntu umwe.

Umuyobozi w’Ishami ry’Umuryango rishinzwe kwita ku Buzima (OMS), Dr Tedros Adhanom Ghebreyesus, yagaragaje impungenge z’uko kuva mu minsi ine ishize umubare w’abandura COVID-19 ukomeje kwiyongera cyane cyane mu bice by’u Burayi na Amerika, asaba abantu gukomeza kwigengesera no kubahiriza amabwiriza y’inzego z’ubuzima kugira ngo Isi yose ibashe guhashya iki cyorezo.

Coronavirus yagaragaye bwa mbere mu Ukuboza 2019 mu Mujyi wa Wuhan mu Bushinwa nyuma iza kugenda ikwirakwira Isi yose, kugeza ubu ikaba imaze guhitana abasaga miliyoni.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abantu 18 bakize Covid-19 mu Rwanda abandi 7 barayandura

Minisiteri y’Ubuzima yatangaje ko kuri uyu wa Mbere tariki ya 26 Ukwakira...
26 October 2020 Yasuwe: 839 0

Nyamasheke: Umugabo yagiye kwiba itaka mu kirombe kiramugwira...

Umugabo witwa Fatisuka Jean Pierre wari utuye mu Mudugudu wa Mutusa mu...
26 October 2020 Yasuwe: 901 0

Abantu 08 biganjemo abo mu mujyi wa Kigali banduye Coronavirus

Minisiteri y’Ubuzima yatangaje ko kuri uyu wa Gatandatu tariki ya 24...
24 October 2020 Yasuwe: 1263 0

Abantu 35 biganjemo abo mu nkambi y’impunzi banduye Covid-19 mu Rwanda...

Minisiteri y’Ubuzima yatangaje ko kuri uyu wa Gatanu tariki ya 23 Ukwakira...
23 October 2020 Yasuwe: 1653 0

Abantu 05 bo mu mujyi wa Kigali banduye Covid-19 hakira abandi...

Minisiteri y’Ubuzima yatangaje ko kuri uyu wa Kane tariki ya 22 Ukwakira...
22 October 2020 Yasuwe: 750 0

Abantu 16 banduye Covid-19 mu Rwanda hakira undi umwe

Minisiteri y’Ubuzima yatangaje ko kuri uyu wa Gatatu tariki ya 21 Ukwakira...
21 October 2020 Yasuwe: 1284 0