skol
Kigali
startimes

Abantu 400 bapimwe Covid-19 ku nsengero no muri Car free day nta n’umwe wanduye

Amakuru   Yanditswe na: Dusingizimana Remy 6 October 2020 Yasuwe: 3078

Ubuyobozi bw’Ikigo k’Igihugu gishinzwe Ubuzima (RBC) bwatangaje uyu munsi ko ibipimo byose uko ari 400 byafashwe mu bitabiriye amasengesho n’abazindukiye muri siporo rusange mu mpera z’icyumweru gishize nta na kimwe cyagaragaje ubwandu bwa Covid-19.


Mu butumwa yanyujije kuri Twitter,RBC yatangaje ko abantu bose bapimwe ku cyumweru uko ari 400 nta n’umwe wanduye Coronavirus.

Ku Cyumweru tariki ya 4 Ukwakira 2020, Minisiteri y’Ubuzima ibinyujije mu Kigo k’Igihugu gishinzwe Ubuzima (RBC), yasoje igikorwa cyo gupima icyorezo cya COVID-19 mu bantu bitabiriye amasengesho muri kiriziya n’insengero, ndetse n’abazindukiye muri siporo rusange mu bice bitandukanye by’Umujyi wa Kigali.

Icyo gikorwa cyasoje hafashwe ibipimo 400 muri kiriziya n’insengero eshatu z’i Kigali (Cathédrale St Michel, EAR Remera & ERC Masoro) no kuri site 3 z’ahakorerwaga Siporo rusange izwi nka “CarFreeDay” (KBC/KH, IPRC Kicukiro & Car Free Zone).

Umuyobozi wa RBC Dr. Sabin Nsanzimana, yabwiye itangazamakuru ko gufata ibipimo muri ubwo buryo butunguranye ari ingenzi, kugira ngo hamenyekane imiterere y’icyorezo cya COVID-19 mu baturage n’uko gihagaze muri rusange.

Amakuru yavuye muri ubu bushakashatsi ashobora gutuma inzego z’ubuzima zifata ibyemezo bikwiriye bishingiye ku bimenyetso bifatika.

Abapimweku cyumweru bagendaga batoranywa mu buryo bwo gutomboza ku buryo ibisubizo by’ibipimo byafashwe nta gushidikanya ko bigaragaza uko ubwandu buhagaze muri rusange.

Gahunda yo gufata ibipimo ku Cyumweru yaje ikurikiye indi iherutse gukorerwa mu mihanda ya Kigali ndetse no mu marembo yayo, hafashwe ibipimo bisaga 2000 abatahuwe muri byo bafite ubwandu babaye babiri gusa.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble

    Ni byizaaaaa

    3 months ago

Inzindi nkuru

Covid-19 yahitanye abantu 2 mu Rwanda,Imibare y’abanduye iracyatumbagira

Minisiteri y’Ubuzima yatangaje ko uyu munsi tariki ya 16 Mutarama...
16 January 2021 Yasuwe: 4037 0

Abagabo 5 bo mu mujyi wa Kigali bahitanwe na Covid-19 abandi bantu 257...

Minisiteri y’Ubuzima yatangaje ko uyu munsi tariki ya 15 Mutarama...
15 January 2021 Yasuwe: 4502 0

Dr Thomas Kigabo wari ushinzwe ubukungu muri BNR yitabye Imana

Dr.Thomas Kigabo RUSUHUZWA wari Umuyobozi Mukuru ushinzwe ubukungu muri...
15 January 2021 Yasuwe: 5413 0

Abantu 5 bahitanwe na Covid-19 mu Rwanda abandi 194 barayandura

Minisiteri y’Ubuzima yatangaje ko uyu munsi tariki ya 14 Mutarama...
14 January 2021 Yasuwe: 4437 0

U Rwanda rufite ibyuma bifite ubushobozi bwo gukonjesha inkingo zose za...

Ikigo cy’Igihugu cy’Ubuzima (RBC) kivuga ko kugeza ubu u Rwanda rufite ibyuma...
14 January 2021 Yasuwe: 3360 0

Abanduye Covid-19 mu Rwanda bamaze kurenga ibihumbi 10,ihitana...

Minisiteri y’Ubuzima yatangaje ko uyu munsi tariki ya 13 Mutarama...
13 January 2021 Yasuwe: 4050 0