Minisiteri y’Ubuzima yatangaje ko kuri uyu wa Gatandatu ubwo hasubukurwaga ibikorwa byo gukingira Covid-19, abantu 69.591 aribo bahawe dose ya kabiri y’urukingo, mu gihe mu bipimo byafashwe hagaragaye 14 banduye.
Gutanga urukingo rwa Covid-19 ku bahawe dose ya mbere byatangiye mu gihugu hose. Urukingo rwatanzwe ni urwa AstraZeneca kuko abahawe urwa Pfizer bo bahawe urwa kabiri, ni ukuvuga ko bakingiwe mu buryo bwemewe.
Usibye gukingira, hagaragaye abantu 14 banduye iki cyorezo biganjemo abo (...)

Sponsored Ad

Minisiteri y’Ubuzima yatangaje ko kuri uyu wa Gatandatu ubwo hasubukurwaga ibikorwa byo gukingira Covid-19, abantu 69.591 aribo bahawe dose ya kabiri y’urukingo, mu gihe mu bipimo byafashwe hagaragaye 14 banduye.

Gutanga urukingo rwa Covid-19 ku bahawe dose ya mbere byatangiye mu gihugu hose. Urukingo rwatanzwe ni urwa AstraZeneca kuko abahawe urwa Pfizer bo bahawe urwa kabiri, ni ukuvuga ko bakingiwe mu buryo bwemewe.

Usibye gukingira, hagaragaye abantu 14 banduye iki cyorezo biganjemo abo mu Mujyi wa Kigali. Ibipimo byafashwe ni 3.694 mu gihe abakize bagasezererwa ari 60.

Kuva iki cyorezo cyagaragara mu Rwanda, abamaze kwandura ni 26.892 mu gihe abapfuye ari 352.

Gahunda yo gutanga doze ya kabiri y’urukingo rwa Covid 19 ku bahawe urwa AstraZeneca yatangiye kuri uyu wa Gatandatu mu bigo nderabuzima birenga 500 mu gihugu hose.

Iki gikorwa cyitabiriwe n’abaturage barimo abageze mu zabukuru, abafite indwara zirimo izitandura n’abandi bakingiwe bitewe n’imiterere y’akazi bakora.

Ku bigo nderabuzima binyuranye mu Mujyi wa Kigali, abahawe urukingo bavuze ko ari igikorwa cy’ingirakamaro.

Maniraho Jean yagize ati “Mpa agaciro uru rukingo, igihugu cyashoboye kudushakira izi nkingo, bigaragaza ko igihugu cyitaye ku baturage bacyo, kandi kinabakunda, ku buryo kibungabunga ubuzima bwabo.”

Mujawamaliya Veronica ati “Naje nzi ko bansaba gufatira urukingo rwa mbere aho narufatiye, ariko banyakiriye neza, urwa 1 narufatiye muri Nyaruguru, urundi ndufatiye ku Muhima. Kuduha urukingo byerekana ko igihugu kitureberera, indwara iriho kandi irakomeye."

Karangwa Leonidas ati “Kubona urukingo kandi ku buntu, bigaragaza ko igihugu kitaye ku baturage, igihugu kidafite abaturage bazima nta musaruro bagira, iyi ni indwara yayogoje isi yose, urukingo ni rwo rushobora kuyihagarika.”

Ku Kigo nderabuzima cya Remera mu Karere ka Gasabo ahagombaga gukingirirwa abaturage 1234 bahafatiye dose ya mbere, haje umubare urenze uwo. Ni na ko byagaragaye ku kigo nderabuzima cya Gikondo mu Karere ka Kicukiro.

Ku kigo nderabuzima cya Muhima mu Karere ka Nyarugenge ho hari umubare uringaniye bitewe nuko abahafatiye urukingo bwa mbere bahawe urwo mu bwoko bwa Pfizer, abahakingiriwe uyu munsi bahabwa urwa Astrazeneca bari baturutse mu bice bitandukanye.

Abaturage benshi babwiye RBA ko bashima iki gikorwa ariko banagaragaza ko hari ibikwiye kunozwa.

Nzakizwanimana Vincent ati “Byaba byiza batwoherereje message, umuntu akaza kuri gahunda, kuko turi muri systeme, ni urukingo rwa 2 twaje kwiteza, umuntu yajya aza bagahita bamukingira,ariko ubu turi benshi cyane, gushyiramo intera ntibyubahirizwa, turi kubyigana.”

Ruzindaza Leopold ati “atubwiye ko kudushyira muri systeme aricyo kintu gitinda kandi ubushize bari badushyize muri systeme, twari tuzi ko tuza bakadutera, twerekanye ibyemeza ko twakingiwe ubushize. ubu mfite numero 248 kandi bageze kuri 58, birangeraho bitinze.”

Umuyobozi Mukuru w’ikigo cy’igihugu gishinzwe ubuzima Dr. Sabin Nsanzimana avuga ko guhabwa doze ya 2 bivuga gukingirwa byuzuye, ngo ntawe ukwiye guterwa impungenge n’impinduka zaba ku mubiri we nyuma yo guhabwa urukingo.

Ati “ Wa muriro, za ntege zicika ku munsi ukurikiyeho, ni ikimenyetso cyuko umubiri wamaze kwitoza kuzakurwanaho igihe uhuye na covid nyakuri, ibyo ntibikwiye kuba imbogamizi ngo bikure abantu umutima. nta mpamvu yo gucikanwa, icyo dose ya 2 yamaze mu mubiri wawe, iyi ya 2 ije kubishimangira.”

U Rwanda ruherutse kwakira doze ibihumbi 247000 z’urukingo rwa AstraZeneca, binyuze mu bufatanye bw’ibihugu bugamije gukwirakwiza inkingo za covid19 ku isi Covax, muri izo nkingo harimo dose ibihumbi 117.600 zatanzwe ku bufatanye n’igihugu cy’u Bufaransa.