skol
Kigali
startimes

Abantu 7 banduye Covid-19 mu Rwanda

Amakuru   Yanditswe na: Dusingizimana Remy 12 November 2020 Yasuwe: 3808

Minisiteri y’Ubuzima yatangaje ko uyu munsi tariki ya 12 Ugushyingo 2020,mu bipimo 1,917 byafashwe ,abagaragaweho ubwandu bashya ari 7 barimo ab’I Kigali:4, Nyagatare:1, Rubavu:2.


Abamaze kwandura bose ni 5319 mu gihe abamaze gukira bose ari 4,974 cyane ko uyu munsi nta muntu n’umwe wakize. Abakirwaye:304.

Nyuma y’iminsi 3 ikurikirana hari abicwa na Covid-19 uyu munsi ni amahire kuko nta munyarwanda n’umwe yishye bityo abo imaze kwica mu Rwanda bagumye ari 41.

Kuva umurwayi wa mbere wa Coronavirus agaragaye mu Rwanda, ku wa 14 Werurwe 2020, hamaze gufatwa ibipimo 577 736. Kuri ubu mu ngo ndetse n’ibitaro bivurirwamo abarwayi ba Coronavirus harimo 297 bari kwitabwaho n’abaganga umunsi ku wundi.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Ibisubizo by’ibanze ku igerageza ry’urukingo rwa Covid-19 rwakozwe n’Abarusiya byagaragaje ko rushobora kurinda umuntu kwandura iki cyorezo ku kigero cya 92%.

Uru rukingo rwiswe Sputnik V, ibisubizo by’igerageza riri gukorwa bitanga icyizere ku mikorere yarwo bishingiye ku bantu 20 barwaye COVID-19 mu bakorerabushake 16.000 baruhawe.

Abashakashatsi bagaragaje ko ari inkuru nziza ko ruri gutanga icyizere gusa hari abarunenga ko rutigeze runyura mu byiciro byose inkingo zinyuramo mu igeragezwa.

Hari hashize iminsi mike ibigo bibiri Pfizer na BioNTech bitangaje ko urukingo byakoze rushobora kurinda umuntu kwandura Coronavirus ku kigero cya 90% nyuma y’ibisubizo byavuye ku bantu 43.500 baruhawe.

Nubwo ibisubizo bya Sputnik bishingiye ku bantu bake bahawe uru rukingo ndetse n’ubwandu bw’abaruhawe mu gihe cy’igerageza, abashakashatsi bavuga ko bitanga icyizere ko rushobora kwifashishwa.

Sputnik V ni urukingo rwakozwe n’Ikigo cy’Igihugu cy’u Burusiya gikora ubushakashatsi ku ndwara no kuri za microbe. Ruri gukoreshwa mu igeragezwa ry’icyiciro cya gatatu mu bihugu birimo Belarus, Leta Zunze Ubumwe z’Abarabu, Venezuela n’u Buhinde.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abantu barenga ibihumbi 75 bakingiwe Covid-19 kuri uyu wa Gatanu

Minisiteri y’Ubuzima yatangaje ko ku munsi wa mbere w’iki gikorwa hakingiwe...
6 March 2021 Yasuwe: 2922 0

Minisitiri w’Ubuzima Dr Daniel Ngamije yahumurije abaturage bagifite...

Minisitiri w’Ubuzima Dr Daniel Ngamije amaze gukingirwa COVID-19.Ni mu...
5 March 2021 Yasuwe: 3494 0

U Buhinde bwahaye ’u Rwanda dose 50.000 z’urukingo rwa Covid-19

Mu gitondo cyo Kuri uyu wa Gatanu u Rwanda rwakiriye ikindi cyiciro...
5 March 2021 Yasuwe: 3149 0

Ibitaro bitandukanye mu Rwanda byatangiye gutanga urukingo rwa mbere rwa...

Ku Bitaro by’Akarere bya Kirehe, gukingira abantu COVID-19 byatangiye aho...
5 March 2021 Yasuwe: 3371 1

Umugabo wo mu mujyi wa Kigali yahitanwe na Covid-19 mu Rwanda,harembye...

Kuri uyu wa Kane,tariki ya 04 Werurwe 2021,Minisiteri y’Ubuzima yatangaje ko...
5 March 2021 Yasuwe: 3945 0

Imodoka z’uturere zaramukiye mu gikorwa cyo kugeza inkingo za Covid-19 hirya...

Imodoka z’ibitaro by’uturere hirya no hino mu gihugu, muri iki gitondo...
4 March 2021 Yasuwe: 4170 0