skol
Kigali
startimes

Abantu 87 biganjemo abo mu mujyi wa Kigali banduye Covid-19

Amakuru   Yanditswe na: Dusingizimana Remy 23 December 2020 Yasuwe: 3881

Minisiteri y’Ubuzima yatangaje ko uyu munsi tariki ya 23 Ukuboza 2020,abantu 87 basanzwemo ubwandu bwa COVID-19 mu bipimo 2,366 byafashwe, mu gihe nta muntu n’umwe wayikize mu masaha 24 yashize.


Abanduye iki cyorezo babonetse I Kigali: 71, Rubavu: 9, Huye: 5, Rusizi: 1, Nyanza: 1.

Kuva ku wa 14 Werurwe 2020 ubwo umurwayi wa mbere yabonekaga mu Rwanda,abantu 7,598 banduye Coronavirus. Muri bo 6,163 barasezerewe nyuma yo gupimwa bagasangwa nta bwandu bagifite mu mibiri yabo mu gihe 1,369 bakiri kwitabwaho.Umubare w’abamaze guhitanwa n’iki cyorezo mu Rwanda ni 66.

Kugeza ubu nta muti n’urukingo bya Coronavirus biragera mu Rwanda, hakoreshwa uburyo bwo kuvura ibimenyetso by’iki cyorezo gusa, kugeza umubiri w’umuntu wubatse ubudahangarwa, virus igashira ityo mu maraso.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Leta ya Australia yahagaritse igereragezwa ry’urukingo rwa ‘UQ-CSL v451 COVID-19’ rwari rumaze igihe rukorerwa muri icyo gihugu, nyuma y’uko ibipimo byafashwe mu igeragezwa ryarwo byagaragaje ko bamwe mu baruhawe banduye Virusi Itera SIDA (HIV) n’ubwo rwagaragazaga ibimenyetso byo gukingira Coronavirus.

Urukingo rwa ‘UQ-CSL v451’ rwari ruri gukorwa na Kaminuza ya Queensland ku bufatanye n’Ikigo cya CSL, ku nkunga ya Leta ya Australia.

Ni ubwa mbere bibaye ko igihugu gihagarika umushinga wo gukora urukingo rwa Coronavirus, aho ruhagaze rwari rumaze gutwara arenga miliyoni 750$.

Amakuru avuga ko ibipimo byafashwe nyuma byaje kwerekana ko HIV yikanzwe itari mu maraso.

Minisitiri w’Intebe wa Australia, Scott Marrison, yavuze ko bahagaritse ibikorwa by’urwo rukingo "mu rwego rwo kwirinda ko abaturage batera icyizere inkingo muri rusange bakanga kuzihabwa."

Bivugwa ko kugira ngo uru rukingo rukosorwe, byari buzatware hafi umwaka wose, kuko igeragezwa ryarwo, ryari rikiri mu cyiciro cya mbere ndetse ryahise rihagarikwa.

Leta ya Australia yatangaje ko nyuma y’uko igeragezwa ry’inkingo zayo ritagikomeje, igiye kugura izindi zizasimbura urwari rutegerejwe. Mu gihe cya vuba ngo hategerejwe miliyoni 120 z’urukingo rwa Pfizer-BioNTech, miliyoni 20 z’urukingo rwa AstraZenica ndetse na miliyoni 11 z’urukingo rwa Novavax.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abantu 5 bahitanwe na Covid-19 mu Rwanda abandi 194 barayandura

Minisiteri y’Ubuzima yatangaje ko uyu munsi tariki ya 14 Mutarama...
14 January 2021 Yasuwe: 4257 0

U Rwanda rufite ibyuma bifite ubushobozi bwo gukonjesha inkingo zose za...

Ikigo cy’Igihugu cy’Ubuzima (RBC) kivuga ko kugeza ubu u Rwanda rufite ibyuma...
14 January 2021 Yasuwe: 3272 0

Abanduye Covid-19 mu Rwanda bamaze kurenga ibihumbi 10,ihitana...

Minisiteri y’Ubuzima yatangaje ko uyu munsi tariki ya 13 Mutarama...
13 January 2021 Yasuwe: 4028 0

Padiri Twagirumukiza wayoboye College Christ Roi y’i Nyanza yahitanwe na...

Padiri Twagirumukiza Herménégilde uri mu bagize uruhare mu gushinga ishuri...
13 January 2021 Yasuwe: 4785 0

Umugabo w’imyaka 55 yabaye umuntu 125 uhitanwe na Covid-19 mu Rwanda, 166...

Minisiteri y’Ubuzima yatangaje ko uyu munsi tariki ya 12 Mutarama...
12 January 2021 Yasuwe: 4193 0

Abantu 4 bahitanwe na Covid-19 mu Rwanda abandi 154 barayandura

Minisiteri y’Ubuzima yatangaje ko uyu munsi tariki ya 11 Mutarama...
11 January 2021 Yasuwe: 4295 0