skol
Kigali
startimes

Abashoferi ba Yahoo barajwe mu kibuga kubera kurenza saa tatu bari mu kazi bashinja amakosa ba shebuja

Amakuru   Yanditswe na: Dusingizimana Remy 5 August 2020 Yasuwe: 2925

Bamwe mu bashoferi batwara abagenzi mu mu modoka za kompanyi itwara abagenzi ya Yahoo Car barakajwe no kurazwa mu kibuga cya Polisi mu karere ka Rwamagana bazira kurenza isaha ya saa tatu yashyizweho mu rwego rwo kwirinda ikwirakwira ry coronavirus bituma bashinja amakosa ba shebuja.


Mu kiganiro aba bashoferi bagiranye na Flash TV bavuze ko nta kosa bishinja ahubwo bahuye n’akajagari k’imodoka mu nzira [Embouteillage] bituma bakererwa kurangiza akazi.

Aba bashoferi basabye ba shebuja gukuraho imodoka zihaguruka saa moya za ni mugoroba kuko ngo hari igihe bahura n’aka kajagari bigatuma barenza amasaha yo gusoza akazi.

Umwe yagize ati “ Twahuye na Ambouteillage zigera kuri 3 zitandukanye mu muhanda bityo rero tugira ubukererwe mu muhanda bitaduturutseho.Ubundi kuva Nyabugogo uza Kayonza bitwara isaha n’igice ariko hari igihe bitwara igihe kirekire kubera amakamyo aba yafunze umuhanda ku buryo ushobora guhagarara nk’isaha cyangwa iminota 30.”

Imodoka zaba bashoferi zahise zifungwa ndetse ngo zigomba kumara iminsi 5 aho zinatange amande ariyo mpamvu basaba kompanyi bakorera za saa moya zijya Iburasirazuba hagasigara iza saa kumi n’ebyiri gusa.

Umwe yagize ati “Icyo dusaba nuko amakampani dukorera adufashe tujye twisigiramo iyo minota duteganyamo ako kajagari k’imodoka mu muhanda.Urugero naguha ni nk’igihe mvuga nti nkoresha isaha n’igice kuva Nyabugogo kugera I Rwamagana,bikaba amasaha 2 nibura.”

Undi yagize ati “Turifuza ko abagenzi twatwaraga saa moya byahinduka bikaba saa kumi n’ebyiri,saa moya ikavaho.”

Umuvugizi wa Polisi ikorera mu ntara y’Iburasirazuba,CIP Hamdun Twizeyimana ntiyemeranya n’aba bashoferi kuko ngo izindi modoka z’ayandi makompanyi nazo ziragenda zikarangiza akazi hakiri kare bityo nabo bakwiriye kubahiriza amasaha.

Ati “Iyo bavuze ngo bahuye na Embouteillage akenshi baba babeshya.urasanga ari kampani imwe kandi zose zirakora.Inama nabagira n’ukumenya isaha batwarira abagenzi agendanye nay a masaha twahawe abantu bagomba kuba bageze mu ngo zabo saa tatu z’ijoro.Umuntu akabara amasaha y’urugendo akaba yamaze gupakira abagenzi kare.”

Ubuyobozi bwa Yahoo Car bwavuze ko bugiye kureba uko isaha imodoka ya nyuma ivira Nyabugogo yagabanuka kugira ngo abashoferi barangize akazi hakiri kare.

Umwe mu bayobozi ba Yahoo Car,,Habimana Sudi,yagize ati “Kugira icyo duhindura kuri ya saha twajyaga duhagurukiraho,hari ikigiye guhinduka mu kazi.”

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Ubwami bw’u Bubiligi bwahaye Leta y’u Rwanda imbangukiragutabara...

Ubwami bw’u Bubiligi bwahaye u Rwanda imbangukiragutabara 40 zifite agaciro...
24 September 2020 Yasuwe: 1350 0

Izindi mpunzi 511 z’Abarundi zari mu nkambi ya Mahama zahungutse

Icyiciro cya gatatu cy’impunzi 511 z’Abarundi, cyahagurutse mu nkambi ya...
24 September 2020 Yasuwe: 523 0

Habineza François yishwe atemaguwe n’umugore we afatanyije n’abakobwa be...

Mu gitondo cyo kuri uyu Gatatu tariki ya 23 Nzeri 2020, umugabo witwa...
24 September 2020 Yasuwe: 1889 0

Abantu 41 banduye Covid-19 mu Rwanda barimo abashoferi bambukiranya...

Minisiteri y’ubuzima yatangaje ko uyu munsi tariki ya 23 Nzeri 2020,abantu...
23 September 2020 Yasuwe: 1648 1

Nyamasheke: Umugore yahawe inka nyuma yo gushyira mu kato umugabo we...

Ubuyobozi bw’ Akarere ka Nyamasheke bwashyikirije umuryango wa Habarugira...
23 September 2020 Yasuwe: 4444 0

Abantu 16 banduye Coronavirus mu Rwanda abandi 18 barayikira

Minisiteri y’ubuzima yatangaje ko uyu munsi tariki ya 22 Nzeri 2020,abantu...
22 September 2020 Yasuwe: 889 0