skol
Kigali
startimes

Amateka ya Musenyeri Alexis Kagame umwanditsi w’ikirenga mu mateka y’u Rwanda

Amakuru   Yanditswe na: Dusingizimana Remy 15 May 2020 Yasuwe: 2072

Abakunda gusoma n’abakurikira amateka y’u Rwanda benshi bazi cyangwa bumvise izina Alexis Kagame, uyu munsi hashize imyaka 108 avutse.


Alexis Kagame yavutse ari kuwa gatatu ku itariki nk’iyi ukwezi nk’uku mu 1912, avukira ahitwa i Kiyanza mu gace kitwaga Ubuliza, ubu ni mu karere ka Rulindo mu majyaruguru y’u Rwanda, hari ku ngoma ya Yuhi Musinga.

Abamuzi bavuga ko yatangiye amashuri abanza akererewe mu myaka ariko akagenda yihutishwa kubera ubuhanga yerekanaga mu byigwa.

Yize iseminari nto akomereza mu iseminari nkuru yari igikorera i Kabgayi aza no kwimukana nayo mu Nyakibanda mu majyepfo y’u Rwanda, yigaga Tewolojiya.

Yabonanye n’umwami Rudahigwa ubwo yari akiri umufaratiri mu Nyakibanda, umwami atangarira ubuhanga bwe mu mateka n’ubusizi anamwemerera kumuhuza n’abasizi b’abahanga b’ibwami.

Mu 1943 yasohoye igitabo cya mbere cy’amateka y’u Rwanda cyanditse mu Kinyarwanda, “Inganji Karinga”, igitabo gikubiyemo amateka y’u Rwanda yabwiwe n’Abiru b’ibwami.

Mu mwaka wa 1950 Alexis Kagame yabaye umunyafurika wa mbere washyizwe mu banyamuryango b’ikigo cy’Ububiligi cyari gishinzwe ubumenyi mu bihugu bwakoronizaga.

Mu 1952 yagiye kwiga i Roma agaruka mu 1956 afite impamyabumenyi y’ikirenga (doctorat) muri Filozofiya.

Yigishije muri Groupe Scolaire Astrida, Groupe Scolaire ya Kansi (yanabereye umuyobozi), mu iseminari, muri kaminuza y’u Rwanda i Ruhande, kaminuza ya Zaire ishami rya Lubumbashi n’ahandi.

Si ibyo azwiho cyane, ahubwo azwi nk’umwanditsi ukomeye cyane uri mu bo hejuru u Rwanda rwagize.

Padiri Alexis Kagame wahawe izina ry’icyubahiro rya Musenyeri arihawe na Papa Yohani Pawulo II, yanditse ibitabo n’inyandiko nyinshi.

Yahinduye mu Kinyarwanda Isezeranio rishya muri Bibiliya, Igitabo cya Misa, Ibitabo by’amasomo akoreshwa mu misa, n’ibindi.

Yanditse ibitabo, imivugo n’imyandiko myinshi byakoreshejwe mu burezi mu Rwanda mu myaka myinshi.

Zimwe mu nyandiko ze zizwi cyane harimo;
- Indyoheshabirayi
- Umuririmbyi wa nyiribiremwa
- Matabaro ajya Iburayi
- Umwaduko w’abazungu muri Afurika yo hagati
- La philosophie bantu-rwandaise de l’être

Mu 1975 yahawe impeta y’ishimwe n’igihugu kubera kujijura abanyarwanda mu nyandiko, yitwa Officier de l’Ordre National des Grands-Lacs.

Mu 1981 yahawe kandi izina ry’icyubahiro na Papa Yohani Pawulo II ry’Umunyeshuri w’ikirenga.

Alexis Kagame yapfuye mu 1981 mu bitaro by’i Nairobi muri Kenya azize uburwayi, yari afite imyaka 69.

Mu 2014 yagenewe igihembo cyo guteza imbere ururimo n’umuco yahawe n’Inteko Nyarwanda y’ururimi n’umuco.

Iki gihembo cyashyikirijwe Kaminuza yamwitiriwe ikorera i Save cyakirwa na Diyosezi ya Butare.

Muri iyi nyandiko, twifashishije ibyanditse muri “Dictionary of African Christian Biography” n’izindi nyandiko zitandukanye.

Source: BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Abantu 72 banduye Covid-19 mu Rwanda abandi 28 barayikira

Minisiteri y’Ubuzima yatangaje ko uyu munsi tariki ya 26 Ugushyingo 2020,...
26 November 2020 Yasuwe: 933 0

Abantu 76 bakize Covid-19 mu Rwanda abandi 29 barayandura

Minisiteri y’Ubuzima yatangaje ko uyu munsi tariki ya 25 Ugushyingo 2020,...
25 November 2020 Yasuwe: 1171 0

Inyubako zizatuzwamo abari batuye muri Bannyahe ziri mu Busanza zamaze...

Inyubako za mbere zizatuzwamo abantu ba mbere mu batuye mu midugudu igize...
25 November 2020 Yasuwe: 2731 0

Abantu 44 bakize Covid-19 mu Rwanda abandi 24 barayandura

Minisiteri y’Ubuzima yatangaje ko uyu munsi tariki ya 24 Ugushyingo 2020,...
24 November 2020 Yasuwe: 1095 0

Perezida Kagame yakiriye Irage yahawe n’umubyeyi w’Intwaza uherutse...

Kuri uyu wa Kabiri tariki 24 Ugushyingo 2020, nibwo Umuyobozi w’Umuryango...
24 November 2020 Yasuwe: 2662 0

RBC igiye gutangira gupima COVID-19 ikoresheje imbwa

Ikigo cy’Igihugu cyita ku Buzima (RBC) gitangaza ko mu kwezi kumwe kizaba...
24 November 2020 Yasuwe: 765 0