Minisiteri y’Ubuzima yatangaje ko kuri uyu wa Kabiri, COVID-19 yahitanye umugore w’imyaka 20 wo mu mujyi wa Kigali, abamaze gupfa mu Rwanda babaye 346. Abarwayi bashya babonetse ni 129 mu gihe abantu bakize babaye 44.Abakirimo kwitabwaho n’abaganga ni 1,190 barimo umuntu umwe urembye.
Ikigo cy’u Burayi Gishinzwe Ubugenzuzi bw’Imiti, EMA, cyatangaje ko urukingo rwa Pfizer rukoreshwa mu gukingira icyorezo cya Covid-19 ubu rushobora kubikwa mu cyuma gikonjesha (Frigo) igihe kirekire kurusha uko (...)

Sponsored Ad

Minisiteri y’Ubuzima yatangaje ko kuri uyu wa Kabiri, COVID-19 yahitanye umugore w’imyaka 20 wo mu mujyi wa Kigali, abamaze gupfa mu Rwanda babaye 346. Abarwayi bashya babonetse ni 129 mu gihe abantu bakize babaye 44.Abakirimo kwitabwaho n’abaganga ni 1,190 barimo umuntu umwe urembye.

Ikigo cy’u Burayi Gishinzwe Ubugenzuzi bw’Imiti, EMA, cyatangaje ko urukingo rwa Pfizer rukoreshwa mu gukingira icyorezo cya Covid-19 ubu rushobora kubikwa mu cyuma gikonjesha (Frigo) igihe kirekire kurusha uko byari bisanzwe bimenyerewe.

Iki kigo cyavuze ko mu gihe izi nkingo zagumishijwe mu ducupa tudafunguye, zishobora kumara igihe kigera ku kwezi ziri muri frigo ntacyo zibaye.

Ubusanzwe izi nkingo ntizashoboraga kurenza iminsi itanu zibitswe muri ubwo buryo. Iyi gahunda yo kuba zabikwa igihe cyisumbuye ikaba izagira umumaro cyane mu gusakaza izi nkingo cyane cyane mu bihugu bigize Umuryango w’Ubumwe bw’u Burayi.

Kubera uburyo bwo kurubikamo bugoye, urukingo rwa Pfizer rwagiye ruba imbigamizi kurugeza mu bihugu bimwe na bimwe cyane cyane ibikiri mu nzira y’amajyambere, dore ko no kurubika ubwabyo bigoye kuko bisaba ubukonje bwinshi.